მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ალექსანდრე ამისულაშვილმა ქეცბაიასთან დაპირისპირების გამო საქართველოს საფეხბურთო ნაკრები დატოვა
02:31 / 20-11-2013
საქართველოს საფეხბურთო ნაკრებიდან კიდევ ერთი ფეხბურთელი წავიდა – 31 წლის ალექსანდრე ამისულაშვილს თემურ ქეცბაიას გუნდში თამაში არ სურს.
აღნიშნულთან დაკავშირებით ამისულაშვილი გაზეთ "ლელოსთან" ექსკლუზიურ ინტერვიუში საუბრობს, სადაც ქეცბაიას მიერ რამდენიმე დღის წინ სატელევიზიო ეთერით მასთან მიმართებაში გაკეთებულ განცხადებასაც ეხმაურება.
"იმის შემდეგ, რაც ქეცბაიამ ჩემზე ილაპარაკა, მის გუნდში თამაშს ვეღარ შევძლებ. ყველას თავის გზაზე გაუმარჯოს! 16 წლისამ დავიწყე პროფესიონალი ფეხბურთელის კარიერა და მთელი ამ ხნის განმავლობაში არავისთან მომსვლია კონფლიქტი, მათ შორის – არც ქეცბაიასთან, მაგრამ მწვრთნელი ასეთ რაღაცებს რომ იტყვის ჩემზე, ასეთ კაცთან ვეღარ ვიმუშავებ. პირველი არ ვარ, ვინც საქართველოს ამ ნაკრებიდან ასე მიდის და ღმერთმა ქნას, ბოლო ვიყო. ნაკრების ფეხბურთელებს მთელი გულით ვუსურვებ წარმატებებს", - აცხადებს ალექსანდრე ამისულაშვილი "ლელოსთან" ინტერვიუში.
მისივე განმარტებით, თავმოყვარე ადამიანია და ქეცბაიას პირში ეტყვის, თუ რა პრეტენზიები აქვს მასთან.
"ტელევიზიით ყვირილს კი ნამდვილად არ ვაპირებ", - აღნიშნავს ფეხბურთელი.
ალექსანდე ამისულაშვილი ესპანეთთან შესარჩევის ბოლო მატჩისთვის ნაკრებში ჩამოუსვლელობის მიზეზებზეც საუბრობს, რაც ქეცბაიამ საზოგადოებრივი მაუწყებელის ეთერში უარყოფითად შეაფასა და განმარტავს, რომ საქართველოს ნაკრებს ტრავმის გამო ვერ დაეხმარა.
"ესპანეთთან მატჩი 14 ოქტომბერს იყო, მანამდე კი რუსეთის ჩემპიონატში ვითამაშე, მატჩის მერე ფეხი ამტკივდა, ექიმმა მითხრა, 7-8 დღე უნდა დაისვენოო, ეს პერიოდი კი 12-13 ოქტომბერს მთავრდებოდა და ამიტომაც ვერ მოვახერხე ნაკრებში ჩამოსვლა", - აცხადებს ამისულაშვილი.
ამისულაშვილი რუსული კლუბის - "კრილია სოვეტოვის" მცველია.
ამასთან, ქეცბაიას ნაკრები საკუთარი სურვილით გოგიტა გოგუამ, ზურაბ ხიზანიშვილმა და ლევან ყენიამ დატოვეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
