მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბაიკი - თამაში სიცოცხლესთან
05:19 / 20-11-2013
ბოლო პერიოდში, კახეთში მოტომოყვარულთა რიცხვმა საგრძნობლად იმატა. სამწუხაროდ, ძალიან გახშირდა ავარიული სიტუაციებიც. ერთ-ერთი ბოლო ფაქტი, გასულ კვირას მოხდა და ახალგაზრდა მოტოციკლისტის სიცოცხლე ემსხვერპლა. სიღნაღის რაიონის სოფელ ჯუგაანის მკვიდრი აკაკი ლოლაშვილი წნორის საავადმყოფოში ურთულესი მდგომარეობით შეიყვანეს. მას თავის ტვინი ჰქონდა დაზიანებული. პაციენტი თბილისში კატასტროფის მანქანით გადაიყვანეს, თუმცა, სამწუხაროდ, ახალგაზრდა მოტომოყვარულის გადარჩენა ვერ მოხერხდა.
სერგი ანაშვილი 17 წელია მოტოციკლს მართავს და მოტო მისთვის მხოლოდ ფუფუნება აღარ არის. "კავასაკი ნინძას" ტიპის ბაიკი სერგი ანაშვილის ყოველდღიურობის განუყოფელი ნაწილია. ამბობს, რომ ძნელია სიტყვებით იმ შეგრძნების გადმოცემა, რომელსაც 7-8 წამში, 300 მეტრი სიჩქარით მოძრაობისას განიცდის. თუმცა იმასაც აცნობიერებს, რომ ყოველი დღე, ყოველი წამი, როცა ბაიკს მართავს, სიკვდილ-სიცოცხლის თამაშია, ამიტომ მოტოციკლის შეყვარებას არავის ურჩევს.
"თავიდან გატაცება იყო, სილამაზის და სისწრაფის მოწონება. მერე დამოკიდებულება შემეცვალა. ზოგისთვის ეს "ავეჯის" ვარიანტია, ძალიან უფრთხილდება. ჩემთვის კი ყოველდღიური მოხმარების საგანი. სხვებს ვურჩევ, არა თუ არ დაჯდნენ, არც კი გაეკარონ მოტოციკლს, ძალიან საშიშია. ყოველთვის, როდესაც მოტოზე ვჯდები, გააზრებული მაქვს, რომ შეიძლება სახლში ვეღარ მივიდე, მაგრამ ძალიან აზარტული ვარ და ვერ შევეშვები", - ამბობს სერგი ანაშვილი.
რატომ რისკავენ ეს ადამიანები? რის ფასად დებენ სიცოცხლეს სასწორზე? ფსიქოთერაპევტ მარიამ ყვირალაშვილის განცხადებით, მოტოს სიყვარული ძირითადად მძაფრ განცდებსა და ემოციებს უკავშირდება. მისივე თქმით, მოტომოყვარულები და ექსტრემალური სპორტის მიმდევრები, არ არიან სუიციდისკენ მიდრეკილები.
"მიუხედავად იმისა, რომ ექსტრემალური სპორტის მიმდევართათვის მაღალი რისკია: საფრთხის, ტრავმების, მოტეხილობების, სისხლში ადრენალინის დიდი დოზით გამოყოფის შედეგად, მაინც შეუდარებელ სიამოვნებას იღებენ. მათ მოსწონთ დანის პირზე სიარული, სურვილი აქვთ გამოსცადონ თავისი შესაძლებლობები. ისინი ამოწმებენ თავის ინსტიქტებს, ცდილობენ დაამტკიცონ, რომ ფიზიკის კანონები არასრულყოფილია და ადამიანის შესაძლებლობებს საზღვრები არ აქვს", - ამბობს ფსიქოლოგი.რაც შეეხება კანონმდებლობას, შს სამინისტროს ინფორმაციით, დღეისთვის ბაიკერებზე ყველა ის კანონი ვრცელდება, რაც საავტომობილო წესების დარღვევის შემთხვევაში.
იხილეთ ვრცლად
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
