მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოში შესაძლოა "ვერსაჩეს" ბრენდის სამოსი შეიკეროს
03:45 / 19-11-2013
სამკერვალო ფაბრიკა "ლაურას" 27 ნოემბერს ტანსაცმლის ცნობილი ბრენდ "ვერსაჩეს" წარმომადგენლები ესტუმრებიან.
როგორც კომპანიის დამფუძნებელმა, ლაურა ღაჭავამ bpn.ge -ს განუცხადა, უცხოელი ვიზიტორები ფაბრიკის მუშაობას დააკვირდებიან, რის შედეგადაც მომავალი თანამშრომლობის შესახებ გადაწყვეტილებას მიიღებენ.
ლაურა ღაჭავას თქმით, საყოველთაოდ აღიარებული კომპანიის ინტერესი მისმა ფაბრიკამ იტალიურ ბრენდ "მონ კლერთან" წარმატებული თანამშრომლობით გამოიწვია. უცხოური კომპანიისთვის ძვირად ღირებულ ქურთუკებს, რომელთა ფასი ათას ევრომდე აღწევს, ღაჭავას ფაბრიკა უკვე წელიწადზე მეტია, კერავს.
"მონ კლერთან" თანამშრომლობის ათწლიანი კონტრაქტი გავაფორმეთ. მას 10 ათას ქურთუკს ვუკერავთ. იტალიელების სურვილია, ეს რაოდენობა 25 ათასამდე გავზარდოთ, ფაბრიკაზე მესამე სართული დავაშენე, ახალი საკერავი მანქანები დავდგი, თუმცა, მუშახელი მაკლია", - აცხადებს ბიზნესქალბატონი.
ამ ეტაპზე ფაბრიკაში 200 მკერავი მუშაობს, დამატებით 300 თანამშრომელი ესაჭიროება, თუმცა, მათ მობილიზებას უშედეგოდ ცდილობს.
"წარმოგიდგენიათ, ლილოში მკერავები რუსთავიდან და საგარეჯოდან ჩემი ტრანსპორტით დამყავს. თბილისელები არ კადრულობენ მუშაობას, მიუხედავად იმისა, რომ კერვის ორკვირიან უფასო ტრენინგს ვუტარებ. რთულად ეჩვენებათ. ურჩევნიათ, სახლში ისხდნენ და სერიალებს უყურონ", - აცხადებს ფაბრიკის მეპატრონე.
ფაბრიკის მეპატრონის თქმით, ხელფასის მინიმალური მოცულობა სამკერვალო ფაბრიკაში 300 ლარია, რასაც გამომუშავებული ბონუსები ემატება. "მყავს მკერავები, რომლებსაც თვეში 700-800 ლარს ვუხდი, მეტი რაღა უნდათ", - ამბობს ბიზნესქალბატონი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
