მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ უხდის ბოდიშს ლევან ახვლედიანი ნანა ნებიერიძეს
03:44 / 18-11-2013
ლევან ახვლედიანი "ცეკვავენ ვარსკვლავებში" უკვე მესამე წელია მონაწილეობს, პირველ სეზონზე მისი პარტნიორი მოდელი - კრისტი ყიფშიძე იყო, შარშან მსახიობი - ეკა ნიჟარაძე, წელს კი სპორტსმენი - ნანა ნებიერიძე. ვერაფერს იტყვი, პარტნიორებში მართლაც უმართლებს.
წელს კი მისი მეწყვილის - ნანა ნებიერიძის ცეკვა ჟიურის განსაკუთრებულად მოსწონს და მუდმივად შექებას იმსახურებს... საინტერესოა, როგორც პროფესიონალი როგორ აფასებს ლევანი თავის პარტნიორს და ზოგადად, მათ მონაწილეობას პროექტში:
- ჩემდა გასაკვირად, ნანა აღმოჩნდა ადამიანი, რომელსაც ცეკვასთან ცხოვრებაში შეხება არასდროს ჰქონია და პროექტში საოცრებები მოახდინა. ნამდვილი აღმოჩენაა! მან საცურაო აუზიდან პარკეტზე ასპარეზობას მშვენივრად გაართვა თავი. კარგად მოძრაობს და ქება შოუს პირველივე ცეკვებიდან დაიმსახურა. მნიშვნელოვანი, რაც მას აქვს, ის არის, რომ მიზანდასახული, შრომისმოყვარე, პასუხისმგებლობით სავსე ადამიანია, ძალიან პუნქტუალურია და ჩემზე პუნქტუალურიც. ხანდახან ხდება, რომ რეპეტიციაზე ვიგვიანებ, რადგანაც საკმაოდ დატვირთული დღის რეჟიმი მაქვს. ბევრი მოსწავლე და ჯგუფი მყავს, რომლებთანაც ვმუშაობ და რეპეტიციაზე დროულად მოსვლას ვერ ვასწრებ. არ მინდა, რომ სადმე დამაგვიანდეს, მაგრამ არ გამომდის. ამიტომ ნანასთვის ბოდიშის მოხდა მიწევს ხოლმე.
- ლევან, რამდენი წლის ხარ?
- 29 წლის.
- უფრო ნაკლები შეხედულება კი გაქვს...
- ჯერ არ მეტყობა, მაგრამ მალე დამეტყობა, იმდენს ვნერვიულობ, რადგანაც ჩემთვის პროექტში მონაწილეობა უდიდესი პასუხისმგებლობაა, მით უმეტეს, რომ შოუ პირდაპირ ეთერში მიმდინარეობს... ისე, ყველაფერი კარგად მიდის, კმაყოფილი ვარ...
- ე.ი. პედაგოგიური საქმიანობითაც ხარ დაკავებული, ხომ?
- კი, უკვე 12 წელიწადია, სტუდიურ საქმიანობაში ვარ ჩართული...
- სტუდია "თელას" აღზრდილი ხარ?
- არა, სხვა სტუდიაში გავიზარდე, მოგვიანებით კი ვცეკვავდი "თელაში", მაგრამ როგორც ვთქვი, 12 წელიწადია, ჩემი სტუდია "არტ-დენსი" მაქვს.
ამ პროექტამდე სპორტულ ფორმაში ვიყავი, ვასპარეზობდი კიდეც. ეს შოუ რომ დასრულდება, ისევ ვიასპარეზებ. თან, ისიც მაფერხებს, რომ მეორე შვილს ველოდები, ჩემი მეუღლე მოცეკვავეა და ჩემი პარტნიორი გახლავთ. მოკლედ, ბავშვის დაბადების შემდეგ ორივე ისევ დავუბრუნდებით ძველ საქმიანობას, - შეჯიბრებას...
- როგორც სამეჯლისო-სპორტულ მოცეკვავეს რა ტიტულები გაქვს მიღებული?
- "კავკასიის თასის" ორგზის მფლობელი ვარ. 11-ჯერ თუ მეტად არა, ევროპული ცეკვის პროგრამაში მქონდა წარმატება; აღმოსავლეთ ევროპის ჩემპიონატზე მეშვიდე ადგილი დავიკავე, ხოლო საერთაშორისო ჩემპიონატზე - მესამე, მაგრამ ჩემთვის მაინც ყველაზე მნიშვნელოვანი ტიტული ის არის, რომ ჩემს სტუდიას, 2010 წელს, სპორტულმა დეპარტამენტმა "ყველაზე პროგრესული" სტუდიის სახელი მიანიჭა... მოკლედ, ჩემი მოღვაწეობა ამით დაფასდა.
- "ცეკვავენ ვარსკვლავებში" გამარჯვებასა და ფინალში მოხვედრაზე ალბათ ფიქრობ, არა?
- კი, რა თქმა უნდა, ნებისმიერი მოცეკვავე, ვინც ამ კონკურსში მონაწილეობს, გამარჯვებაზე ყველა ფიქრობს.
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
