მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ არ არის ნინო გაჩეჩილაძის გვერდით საყვარელი ადამიანი
23:19 / 17-11-2013
მარჯანიშვილის თეატრის მსახიობი ნინო გაჩეჩილაძე ფართო საზოგადოებამ სერიალ "ჩემი ცოლის დაქალებით" გაიცნო. მის მიერ განსახიერებული კატო მაყურებელმა ძალიან შეიყვარა. მართალია, ნინომ სერიალი დატოვა, მაგრამ ერთგულ მაყურებელს მისი ნახვა თეატრის სცენაზე შეუძლია, სადაც ახალ სპექტაკლებში მონაწილეობს. ამ თემაზე ნინო თავად გვესაუბრება:
- ცოტა ხნის წინ მარჯანიშვილის თეატრის სცენაზე დავდგით სპექტაკლი "მთვრალი ალუბალი", რომლის რეჟისორიც ლევან წულაძეა. პრემიერის შემდეგ სპექტაკლს იმდენი მაყურებელი ჰყავს, რომ თვის ბოლომდე უკვე ყველა ბილეთი გაყიდულია, რაც ძალიან გვახარებს. გარდა ამისა, სექტემბერში დასრულდა აზერბაიჯანულ სერიალ "ალის და თეოს" გადაღებები, რომელიც ახლა მონტაჟდება და იმედია, მალე ვიხილავთ ერთ-ერთ ქართულ ტელეარხზე. კინოს რაც შეეხება, კასტინგებზე დავდივარ და ვნახოთ, რა იქნება.
- თქვენი საყვარელი საქმიანობა რა არის?
- ალბათ, ის საქმე, რასაც უკვე ამდენი წელია ვემსახურები. გარდა ამისა, ძალიან მიყვარს სამზარეულოში ტრიალი და ჩემი მეგობრებისთვის "გემრიელობების" კეთება, ასევე საინტერესო ფილმების ნახვა და კარგი მუსიკის მოსმენა. მოკლედ, ბევრი რამ მიყვარს.
- ვინ არის ადამიანი, ვის აზრსაც ყოველთვის ითვალისწინებთ?
- ასეთი ადამიანი ბევრია. ვისაც ამა თუ იმ საკითხში გამოცდილება აქვს, ყველას აზრს ვითვალისწინებ.
- ყოველთვის კარგად გამოიყურებით, თავის მოვლის განსაკუთრებული მეთოდი გაქვთ?
- არაფერი განსაკუთრებული, უბრალოდ, ვცდილობ გვიან ღამით არ ვჭამო, დავდივარ საცურაო აუზზე, ვვარჯიშობ, ერთ ადგილას ჯდომას ვერ ვეგუები. მიმაჩნია, რომ ადამიანს მუდმივად სჭირდება მოძრაობა. ასე რომ, ჩემთვის თავის მოვლის ყველაზე კარგი მეთოდი ვარჯიში და ცურვაა.
- როგორია ნინოს ჩვეულებრივი დღე?
- ყოველი დღე განსხვავებულია, თუმცა, ძირითადად, დილას ვარჯიშით ვიწყებ და, უკეთეს შემთხვევაში, სპექტაკლით ვასრულებ.
- თქვენ პირად ცხოვრებაში რა ხდება?
- სამწუხაროდ, კვლავ იმედი უნდა გავუცრუო ყველას და ვუთხრა, რომ ისევ მარტო ვარ და თავისუფლებით ვტკბები.
- რა არის თქვენი ცხოვრების კრედო?
- ადამიანი ცხოვრობს მანამდე, ვიდრე რაღაცის სწამს, უყვარს და შეუძლია ამ ყველაფრისთვის იბრძოლოს - აი, ეს გახლავთ ჩემი ცხოვრების ერთ-ერთი უტყუარი კრედო.
ქეთი საგინაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
თურქეთში ტყის ხანძარს ებრძვიან - ჰათაის პროვინციაში ხანძარი დასახლებულ პუნქტებს მიუახლოვდა, აღნიშნულის გამო კი მოსახლეობის ევაკუაცია განხორციელდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
