ინგა გრიგოლია - ხელისუფლების ორდენები ჟურნალისტებს არ სჭირდებათ

"რატომ მოვხვდი დაჯილდოებულთა სიაში-ამ კითხვას მიშას თავად დავუსვამ",- ასე ეხმაურება "ფეისბუქში" ჟურნალისტი ინგა გრიგოლია მიხეილ სააკაშვილის მიერ თამარ მეფის ორდენით მის დაჯილდოებას.

"დილით ჟურნალისტმა რომ დამირეკა - რა კომენტარს გააკეთებ პრეზიდენტის ორდენზეო, მეგონა ხუმრობდა.... მერე ვნახე ინფორმაცია. ცნობისთვის - ჩემთან არავის დაურეკავს და არც არანაირი ორდენი არ გადმოუციათ..... რატომ მოვხვდი დაჯილდოებულთა სიაში - ამ კითხვას მიშას თავად დავუსვამ, თუ როდესმე მოვახერხე მასთან ინტერვიუ... მიმაჩნია, რომ ხელისუფლების ორდენები ჟურნალისტებს არ სჭირდებათ, არა მარტო ჩვენთან, არამედ ყველა ქვეყანაში",-წერს ინგა გრიგოლია.

მიხეილ სააკაშვილმა თამარ მეფის ორდენებით ინგა გრიგოლიას გარდა ცნობილი პიანისტი ხატია ბუნიათიშვილი, ტელეკომპანია "რუსთავი 2"-ის თოქშოუ "პოზიციის" ავტორი და წამყვანი ნინო შუბლაძე, ტელეკომპანია "რუსთავი 2"-ის თოქშოუ "პროფილის" ავტორი და წამყვანი მაია ასათიანი, ტელეკომპანია "რუსთავი 2"-ის გასართობი თოქშოუ "ნანუკა ჟორჟოლიანის შოუ" ავტორი და წამყვანი ნანა ჟორჟოლიანი დააჯილდოვა.