მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
პირველი ივლისი, სამშაბათი, მთვარის მეშვიდე დღე დაიწყება 12:13-ზე, მთვარე ქალწულშია –
სიტყვას დღეს განსაკუთრებული ძალა აქვს, ტყუილად ლაპარაკი არ შეიძლება. კარგია ლოცვა, სიმღერა და წმინდა ტექსტების კითხვა. ფილტვები დაუცველია. ადვილია გაცივება. არ არის რეკომენდებული კბილების ამოღება. არ მიირთვათ ქათამი და კვერცხი. მიირთვით ხილი, შეგიძლიათ დალიოთ მწვანე ან მცენარეული ჩაი. რეკომენდებულია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯულიანა ბარგნარი: "ამ სიბინძურეში არ ჩავერევი"
23:16 / 15-11-2013
ჩვენი რესპონდენტი მოცეკვავე ჯულიანა ბარ-გნარია, რომელიც მაყურებელმა პროექტ "ცეკვავენ ვარსკვლავებიდან" გაიცნო. ჯულიანას პროექტის პირველ სეზონზე არ გაუმართლა, ის და აჩიკო მეფარიძე პირველივე ტურის შემდეგ გამოეთიშნენ პროექტს. ჯულიანას მეწყვილე "ცეკვავენ ვარსკვლავების" მეორე სეზონზე ჯაბა კილაძე იყო, ახლა კი გიორგი ყიფშიძეა.
- ჯულიანა, მეწყვილე ვარსკვლავებიდან ვისთან უფრო საინტერესო იყო შენთვის მუშაობა?
- არ მიყვარს შედარებები, ამიტომ მეც არასდროს არავის ვადარებ. ყოველი მათგანი - აჩიკო მეფარიძე, ჯაბა კილაძე და გიორგი ყიფშიძე ინდივიდები არიან, სასიამოვნოა მათთან მუშაობა.
- ალბათ გსმენია, რომ ჯაბასაც და გიორგისაც "ბაბნიკის" იმიჯი აქვს...
- ორივეზე მეუბნებოდნენ ამას, რაც თავიდან დისკომფორტს მიქმნიდა, მაგრამ როცა გავიცანი, მივხვდი, რომ აბსოლუტურად სხვა ადამიანები არიან. შეიძლება ჩემი პიროვნებიდან გამომდინარე მოხდა ეს. ძალიან ჯიგრები არიან, არც ერთი არაა "ბაბნიკი" და რატომ ამბობენ ამას, არ ვიცი. სხვადასხვა ჭორი გავრცელდა ჩვენზე, ჯერ ჯაბასთან დამაწყვილეს, მერე გიორგისთან. ერთ-ერთ გადაცემაში ახლოს ვიჯექით მე და გიორგი და ამაზე ატყდა ერთი ამბავი. თავიდან განვიცდიდი, მაგრამ მე ხომ ვიცი, რა არის სიმართლე. ვიცი, რომ ცუდს არაფერს გავაკეთებ და ვინმეს რამე თუ ჰგონია, ეს მისი პრობლემაა. არც ვაპირებ ჭორებზე პასუხის გაცემას, ამ სიბინძურეში ჩარევის სურვილი არ მაქვს.
- გიორგის მეუღლეს არასდროს უეჭვიანია, მის ქმარს ასეთი მეწყვილე რომ ჰყავს?
- გიორგის ჰყავს სუპერმეუღლე. მისგან ეჭვიანობა არ მიგრძნია, არც აქვს საეჭვიანო. ძალიან მაგარი გოგოა ანი.
- იცი ალბათ, რომ გივი სიხარულიძე განსაკუთრებით გგულშემატკივრობს?
- მართლა? გივი მაგარი კაცია, ძალიან მიყვარს. პროექტში ყოფნის დროს, როცა აუტსაიდერებში ვიდექი, გივი მე მიგზავნიდა მესიჯებს. სულ თბილად მექცეოდა, თითქოს პატარა ბავშვი ვიყავი, საყვარლად მეხუტებოდა.
- შეყვარებული გყავს?
- 5 წელია მარტო ვარ, რაღაც სიმპათიები მეც მაქვს, ფლირტის დონეზეც ყოფილა ურთიერთობები, მაგრამ სიყვარული წლებია, აღარ მწვევია. თუ გულით არ მიყვარს ადამიანი, მასთან ურთიერთობა არ მექნება.
- არასდროს გყვარებია?
- მიყვარდა 5 წლის წინ, მაგრამ დავშორდით. ძალიან დიდი ტკივილი გადავიტანე, არ მინდა, იგივე განმეორდეს. არ ვაპირებ იმ სიყვარულზე ლაპარაკს. დაშორება ორივემ ერთად გადავწყვიტეთ. როცა ვხედავ, რომ ბიჭი სერიოზულად მიყურებს და მე ადეკვატური გრძნობით არ შემიძლია ვუპასუხო, მას არანაირ იმედს არ ვაძლევ. მარტო ვიზუალი და ხასიათი ჩემთვის არაფერს წყვეტს, ბიჭი თავისი მინუსებით და პლუსებით უნდა მომწონდეს.
- რა ეროვნების გვარია ბარ-გნარი?
- დედით და მამით ასირიელი ვარ. რაღაც პერიოდი მოსკოვში ვცხოვრობდი და რუსულენოვანი ვარ. სკოლაში აქ ვსწავლობდი, მიჭირდა ქართულად ლაპარაკი და ამის გამო ბავშვები დამცინოდნენ. ეს დიდი ტრაგედია იყო ჩემთვის, ახლა მე თვითონ "ვღადაობ" ჩემს ქართულზე.
- მოცეკვავეებში შენ და სალომე ჭაჭუა ლიდერობთ, კონკურენტებად აღიქვამთ ერთმანეთს?
- კონკურენცია ნორმალურია ჩვენს სფეროში, სპორტსმენები ვართ. კონკურსები გვაქვს და მუდმივად ვეჯიბრებით ერთმანეთს. მხოლოდ "ცეკვავენ ვარსკვლავებში" არ ვართ მე და სალომე კონკურენტები. კონკურენტები ვართ პარკეტზე, პარკეტის გარეშე კი ჩვეულებრივი ადამიანები ვართ.
- პარკეტის მიღმა მეგობრობთ?
- ერთ სტუდიაში ვცეკვავთ, აქ გაიზარდა სალომე, ვერ ვიტყვი, რომ ვმეგობრობთ, მაგრამ ძალიან კარგი ურთიერთობა გვაქვს. თუ ჯანმრთელი ადამიანი ხარ, კონკურენცია მტრობაში არ გადაიზრდება.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
