31
მაისიდღის ზოგადი ასტროლოგიური პროგნოზი
"ბობოხიძე, შენ მაგ სიტყვებს არ გაპატიებ, ნაბიჭვარი ეგა", - ეს რეპლიკა შინაგან საქმეთა მინისტრის მოადგილემ ლევან იზორიამ პარლამენტის ტრიბუნიდან უმცირესობის მისამართით გააკეთა. პარლამენტის პლენარულ სხდომაზე ხმაური რამდენიმე წუთის განმავლობაში გრძელდებოდა. სხდომის წამყვანმა მანანა კობახიძემ 5-წუთიანი შესვენებაც გამოაცხადა, თუმცა დაპირისპირება, რომელშიც უმრავლესობის წევრი დეპუტატებიც ჩაერთნენ, სხდომის განახლების შემდეგაც გაგრძელდა.
ინციდენტი იმ საკანონმდებლო ინიციტივამ გამოიწვია, რომელიც შინაგან საქმეთა სამინისტროს პოლიციის აკადემიისთვის საპოლიციო უმაღლესი საგანმანათლებლო დაწესებულების სტატუსის მინიჭებას ეხება. კერძოდ, პროექტთან დაკავშირებით დეპუტატ ჩიორა თაქთაქიშვილის მიერ დასმული კითხვის და მის მიერ გაკეთებული განცხადების პასუხად, ლევან იზორიამ განაცხადა, რომ უმცირესობას საზოგადოება განზრახ შეცდომაში შეჰყავს და ადგილი აქვს პიარკამპანიას, ზუსტად ისე, როგორც "პოლიციის შესახებ" კანონპოექტის განხილვების დროს მოხდა.
ლევან იზორიას ამ გაცხადებას უმცირესობის წევრები ადგილებიდან შეძახილებითა და რეპლიკებით შეხვდნენ და საბოლოოდ, დებატები დაპირისპირებაში და გაწევ-გამოწევაში გადაიზარდა.
უმცირესობამ სხდომა დატოვა. მათი დარბაზიდან გასვლის შემდეგ განცხადება გააკეთა დავით საგანელიძემ.
"ის რაც მოხდა დარბაზში არის აბსოლუტურად მიუღებელი. როცა მომხსენებელი გამოდის, თითოეულს უნდა ჰქონდეს შეგნება და ზრდილობა, რომ წამოძახილებითა და რეპლიკებით არ მოხდეს გამომსვლელებისთვის ხელის შეშლა. ის, რომ ქუდი დაიხურეს და დარბაზიდან გავიდნენ, იმას კი არ ნიშნავს, რომ კანონი კი არ აინტერესებთ, არამედ ის, რომ შექმნეს ინციდენტი, რომ შემდეგ იკეკლუცონ", - განაცხადა საგანელიძემ.
იხილეთ ვიდეო: "მაგ სიტყვებს არ გაპატიებ, ნაბიჭვარო" - ჩხუბი პარლამენტში
