მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მანანა მანჯგალაძე - გულუბრყვილობაა იფიქრო, რომ მიშამ პოლიტიკური კარიერა დაასრულა
05:50 / 15-11-2013
პრეზიდენტის პრესსპიკერი მანანა მანჯგალაძე მედიასა და პრეზიდენტის ადმინისტრაციის პრესსამსახურს მადლობას უხდის. როგორც მანჯგალაძემ პრეზიდენტის პრესსპიკერის რანგში გამართულ ბოლო პრესკონფერენციაზე განაცხადა, ბედნიერია, რომ ურთულესი 4 წლის და პოლარიზებული ვითარების მიუხედავად, ამ წლებმა ყოველგვარი დაპირისპირების გარეშე განვლო.
მანჯგალაძემ მადლობა გადაუხადა კოლეგა ნათია ბანძელაძეს, რომლის მანქანაც "ზოგჯერ პრეზიდენტის ვერტმფრენსაც კი უსწრებდა".
როგორც მანჯგალაძემ აღნიშნა, პრეზიდენტის ადმინისტრაციაში არაადამიანური რესურსების მქონე ადამიანები მუშაობენ, მათ შორის რამდენიმე - ედუარდ შევარდნაძის პრეზიდენტობის პერიოდიდან.
"ძალიან მინდა, რომ ეს სასახლე დარჩეს ისევ ქვეყნის პირველი პირის სასახლედ, საქართველოს პრეზიდენტის განკარგულებაში, შესაბამისად, ხალხის სამსახურში, რათა ჩემი ქვეყნის პრეზიდენტს ჰქონდეს საშუალება, ღირსეულად დახვდეს საპატიო სტუმრებს, ყველაფერ იმისთვის, რომ იმუშაოთ საკუთარი ქვეყნისთვის, ხალხისთვის და ღირსეულად წარმოაჩინოთ თქვენი ქვეყნის სახე. ეს არ იყო მოქალაქე მიხეილ სააკაშვილის კუთვნილება, ეს არის საქართველოს პრეზიდენტის სასახლე და ნუ გაიმეორებთ შეცდომებს, რისთვისაც წინამორბედს აკრიტიკებდით", - განაცხადა მანჯგალაძემ.
პრესსპიკერმა მადლობა გადაუხადა საქართველოს პრეზიდენტსაც და აღნიშნა, რომ განვლილი წლები ეამაყება.
"შეცდომების, სიჩქარის და ხარვეზების მიუხედავად, უნდა ვთქვა არაპოპულარული სიტყვები - ვამაყობ, რომ ვიდექი საქართველოს ერთ-ერთი ყველაზე გამორჩეული პოლიტიკური ლიდერის გვერდით, რომელმაც ქვეყანა სრულიად სხვა მოცემულობაში გადაიყვანა. ვთვლი, რომ დრო მას თავის ადგილს მიუჩენს ისტორიაში, ისევე, როგორც ვთვლი, რომ გულუბრყვილობაა, იფიქრო, რომ მიშამ თავისი პოლიტიკური კარიერა დაასრულა", - აღნიშნა მანჯგალაძემ.
მანანა მანჯგალაძე გელა ჩარკვიანის საქმიანობასაც შეეხო და აღნიშნა, რომ ჩარკვიანის შემდეგ მისთვის ამ თანამდებობაზე მუშაობა დიდი პასუხისმგებლობა იყო. მანანა მანჯგალაძემ ასევე მადლობა გადაუხადა საქართველოს პრეზიდენტის ადმინისტრაციის ყოფილ უფროსს დავით ტყეშელაშვილს, ასევე წარმატებები უსურვა მის შემცვლელსა და მომავალ პრეზიდენტს.
"მომავალ პრესსპიკერს ხშირად სახელმწიფოებრივად აუცილებელი, მაგრამ არაპოპულარული განცხადებების გაკეთება მოუწევს და მერწმუნეთ, ამას ყველაზე მეტად მე გავუგებ. ვუსურვებ, ამ ტრიბუნიდან სასიხარულო ამბები ეცნობებინოს საზოგადოებისთვის და რაზეც მე ვოცნებობდი, მან წარმოთქვას ამ მიკროფონთან. წარმატებები ჩემს მომავალ კოლეგას, მომავალ პრეზიდენტს და ჩემს ქვეყანას", - აღნიშნა მანჯგალაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
