ფილიპინებში მომხდარი დამანგრეველი ტაიფუნის შედეგები

დამანგრეველმა ტაიფუნმა - "ჰაიანმა" ფილიპინებში 41 პროვინცია დააზარალა. კლიმატოლოგების თქმით, ეს ერთ-ერთი ყველაზე ძლიერი შტორმი იყო, რომელსაც ქვეყნის მასშტაბით დიდი რაოდენობით მეწყერი მოყვა.

ოფიციალური ინფორმაციით, 10 მილიონი ადამიანი უსახლკაროდ დარჩა, დაღუპულთა რიცხვმა კი 3 422-ს მიაღწია. გავრცელებული ინფორმაციით, ფილიპინების ზოგიერთ რეგიონში შენობების 90% სრულად განადგურებულია. ადგილობრივი ხელისუფლების განცხადებით, სკოლის შენობების დანგრევის გამო სწავლა დეკემბრის ბოლომდე არ განახლდება.

ფილიპინებში დამანგრეველი ტაიფუნის შედეგად დაზარალებულთა დასახმარებლად აშშ-მა, დიდმა ბრიტანეთმა, იაპონიამ, ჩინეთმა და რამდენიმე სხვა ქვეყანამ წყლითა და საკვებით სავსე თვითმფრინავები გაგზავნა.

იხილეთ ფოტოგალერეა

მომზადებულია nytimes.com-ის მიხედვით.