ქეთა თოფურიას ქორწილამდე სტრიპტიზის მოცეკვავეები ართობდნენ

რუსეთში მოღვაწე ქართველი მომღერალი ქეთა თოფურია სექტემბრის დასაწყისში ცოლად მეწარმე ლევ გეიხმანს გაჰყვა. ცერემონიამდე გოგონების წვეულება გაიმართა. ამ ფაქტის ამსახველი რამდენიმე ფოტო მომღერალმა მხოლოდ ახლა გაავრცელა. აღმოჩნდა, რომ ქეთა და მისი დაქალები სტრიპტიზის მოცეკვავე მამაკაცებმა გაართეს.

ერთ-ერთ ფოტოზე თოფურია ცხენოსნის ფორმაში გადაცმული დაკუნთული მამაკაცების გარემოცვაშია. მამაკაცები დღესასწაულის მთავარ გმირს უნაგირზე მონდომებით სვამენ. სხვა ფოტოებზე მომღერალი დაქალებთან ერთად არის - შიშველი მოცეკვავეების გარეშე.

თოფურია და გეიხმანი მოსკოვში 7 სექტემბერს დაქორწინდნენ. 9 სექტემბერს ახალშეუღლებულებმა ქორწილი გადაიხადეს. ქორწილს 500 სტუმარი, მათ შორის რუსული შოუ-ბიზნესის წარმომადგენლები დაესწრნენ.

მომზადებულია starslife.ru-ს მიხედვით.