25
ივნისიდღის ზოგადი ასტროლოგიური პროგნოზი
ოზურგეთის მუნიციპალიტეტის სოფელ მაკვანეთში მცხოვრები, 24 წლის ნანა არობელიძე რამდენიმე დღის წინ, სახლთან ახლოს, ცაცხვის ხეზე თოკით ჩამომხრჩვალი იპოვეს. საქმეს შსს ოზურგეთის რაიონული სამმართველო იძიებს. გამოძიების დასრულებამდე, გარდაცვლილის მეუღლე გია არობელიძე, თვითმკვლელობამდე რამდენიმე საათით ადრე განვითარებულ მოვლენებზე "გურია ნიუსთან" საუბრობს. არობელიძე აღნიშნულ საქმეზე საუბრისას, ოზურგეთის რაიონული პოლიციის თანამშრომელსაც ახსენებს.
"შვიდი წელია ერთად ვცხოვრობთ და მე ნანასთვის ცუდი რამ არ შემიმჩნევია, თითით საჩვენებელი ცოლქმრობა გვქონდა. ბოლო დროს მთხოვა, მართვის მოწმობის აღება მინდაო. ახალი წლისთვის მანქანის ყიდვას ვფიქრობდი და ამის გამო წავედი 23 ოქტომბერს თბილისში სამუშაოდ, რომ ეს თანხა გადამეხადა. იქ დამირეკა, ჩამოდი, თეთრი ფერის ავტომანქანა დამდევსო. ჩამოვედი 4 ნოემბერს, ღამით და ვილაპარაკეთ. ნანამ მითხრა, რომ მანქანის პატრონი პოლიციელი იყო, სოფელ მაკვანეთის ცენტრში ხვდებოდა მანქანით და მერე მიყვებოდა, თურმე ქალაქში. ჩემი მეუღლე კაფეშიც დაუპატიჟია და წასულა შეხვედრაზე რესტორან "ფიროსმანში". რესტორანში წასვლის მიზეზი რომ ვკითხე, მიპასუხა: ვიფიქრე, სიურპრიზს შენ მიკეთებდიო. პოლიციელს უთქვამს, რომ ნანას გაცნობა და დაახლოება უნდოდა. ნანას კი უპასუხია, რომ ქმარ-შვილი ყავდა და თავი დაენებებინა. როცა ეს ყველაფერი მომიყვა, ვუთხარი წავალ და ვნახავ მაგ ბიჭს-მეთქი, არა, ხვალ ერთად წავიდეთ და ერთად გავარკვიოთო. შევთანხმდით, მეორე დილით მის სანახავად წავსულიყავით. დილით, როცა გამეღვიძა, საწოლში არ იყო. არ გამკვირვებია, რდგან ვიფიქრე, ადრე ადგა და ყავას მიხარშავს-მეთქი. მაგრამ სახლში არსად იყო და მერე დავინახე მაღალი ცაცხვის ხეზე, წითელი "კურტკით" იყო ჩამოკიდებული" - ამბობს გარდაცვლილის მეუღლე.
გია არობელიძე ვარაუდობს, რომ მხოლოდ პოლიციელი არ შეიძლება გამხდარიყო მისი მეუღლის თვითმკვლელობის მიზეზი. მე ვფიქრობ, რომ რაღაც იმალება კიდევ და მას ჩემთვის ბოლომდე არ უთქვამს. ალბათ, მისი სისუსტე. თუ რაიმე დამალულია, გამოძიება დაადგენს თუ ისე წარიმართება, როგორც საჭიროა. დაველოდები გამოძიებას, ექსპერტიზის დასკვნას და მერე დავამტკიცებ სიმართლეს" - აცხადებს არობელიძე.
