მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნანუკა ჟორჟოლიანი, თაკო ჩხეიძე და ლიზა ბაგრატიონი მარგველაშვილის პირად ცხოვრებაზე
23:10 / 11-11-2013
2013 წლის საპრეზიდენტო არჩევნებში გიორგი მარგველაშვილმა გაიმარჯვა. როგორი იქნება ახალი პრეზიდენტი და როგორ შეიცვლება ქვეყნის მომავალი? - ამ კითხვაზე მეტად საზოგადოების საკმაოდ დიდ ნაწილს მისი პირადი ცხოვრება აინტერესებს, მის განსჯას უნდება. საინტერესოა, რა მოსაზრებები აქვთ ამასთან დაკავშირებით ცნობილ ადამიანებს? "ყველა სიახლემ" მათ საერთო კითხვით მიმართა - როგორ აფასებენ ისინი საპრეზიდენტო არჩევნებს და გამარჯვებულ კანდიდატს?
ლიზა ბაგრატიონი, მომღერალი:
- არჩევნებს დადებითად ვაფასებ. ჩემს ცხოვრებაში, რაც ამომრჩეველი ვარ, პირველი არჩევნები იყო, როდესაც ყოველგვარი ძალდატანების გარეშე მივიღე გადაწყვეტილება. არავინ არავის აწუხებდა და არც ძალას ატანდა. თუმცა ძალიან გულდაწყვეტილი ვარ, რომ ქართველი ამომრჩეველი ისევ და ისევ ძალიან პასიურია. ის, რაც შარშან მოხდა, სამწუხაროდ, აღარ განმეორდა. გიორგი მარგველაშვილზე მხოლოდ დადებითი შემიძლია გითხრათ. მას ბავშვობიდან ვიცნობ. ეს არის ადამიანი, რომელსაც უყვარს ხალხი, სიცოცხლე, სიკეთე, ერთგულება. ღირსეული ქართველი კაცია. დარწმუნებული ვარ, რომ შეეცდება გააკეთოს ყველაფერი საკუთარი ქვეყნისა და ხალხისთვის.
- მის პირად ცხოვრებაზე ბევრს საუბრობენ...
- პირადი ცხოვრება არის პირადი და ის საზოგადოებრივ საქმეში არ უნდა აირიოს. მით უმეტეს 21-ე საუკუნეში ამაზე ლაპარაკი ცოტა უხერხულია, მორალი აღარ იგრძნობა როგორც პოლიტიკოსებში, ზოგადად საზოგადოებაში. ნუ მოვთხოვთ ადამიანებს იმას, რასაც ჩვენ თვითონ ვერ ვასრულებთ. ყველამ თავისი საქმე აკეთოს და ვის პირად ცხოვრებაში რა ხდება, ეს მხოლოდ იმ ადამიანის საქმეა. ყველამ საკუთარ გულში ჩავიხედოთ და მივცეთ ადამიანებს საქმის კეთების საშუალება.
ნანუკა ჟორჟოლიანი, ტელეწამყვანი:
- ბუნებრივია, საზოგადოებაში ბევრს საუბრობენ მარგველაშვილის პირად ცხოვრებაზე, რადგან ჩვენ ძალიან ტრადიციული ქვეყნიდან ვართ. თუმცა ერმა თავისი არჩევანი გააკეთა და ამ საკითხზე რომ გართულება გვქონოდა, გიორგის მხარს არ დავუჭერდით. მეორე საკითხია ის, რომ ჩვენ ვცხოვრობთ ქვეყანაში, სადაც სერიალებს მაღალი რეიტინგი აქვს. ჩემი გადაცემიდან გამომდინარე, ყველაზე მეტი რეიტინგი იმ ნაწილს აქვს, სადაც რესპონდენტი თავის პირად ცხოვრებაზე საუბრობს. ამიტომ არაფერია გასაკვირი. ჩვენ ხომ წლების განმავლობაში გვესმოდა, თუ როგორ ესხმოდნენ თავს ვიღაცების ოფიციალურ მეუღლეებს, რომ ვიღაცამ ვიღაცას რაღაც მოაჭამა - ამ სათაურებით ხშირად იბეჭდებოდა სტატიები. ბუნებრივია, ყველაფერ ამას კითხულობენ. პრეზიდენტის კი არა, მინისტრებისა და გამგებლების ცოლებზე საუბრობენ. ისეთ ქვეყანაშიც კი, როგორიც ამერიკაა, იმაზე ლაპარაკობდნენ, რა ეცვა ობამას ცოლს ინაუგურაციაზე. ეს საუბარი ბუნებრივია, მაგრამ ადამიანს ფილმიდან საცურაო კოსტიუმში გადაღებულ ფოტოს რომ კომპრომატად უდებენ, გეგონება რაღაც დააშავა, ეს ჩემთვის სიბნელეა. ამაზე უარესი შვილების საკითხია. ეს ჩემთვისაც ძალიან მტკივნეული თემაა, ყველას შვილები დადიან დაბადების დღეებზე და ერთობიან, რა არის ამაში საოცარი? მაგრამ მე არ მომწონს მაკას, როგორც მსახიობის მიერ შესრულებული როლების პოლიტიკურ კომპრომატად გამოყენება, ეს ჩემთვის მიუღებელია.
თაკო ჩხეიძე, მოდელი:
- ეს არჩევნები ყველანაირი ექსცესის გარეშე ჩატარდა. მახსოვს, წინა არჩევნებზე ლამის სამკვდრო-სასიცოცხლო ბრძოლა იყო. თვალებიდან არ ამომდის ის კადრი, როდესაც კახი კალაძეს ქვებით მისდევდნენ. ისიც ვიცი, რომ ახლა საჯარო სამსახურებში არავის მოუწოდებდნენ "ქართული ოცნების" ან სხვა პოლიტიკური ძალისთვის მიეცათ ხმა. მივესალმები ცვლილებებს და ძალიან მიხარია, რომ ახალი ლიდერი გვყავს. იმედია, ისე აღარ გამიცრუვდება იმედი, როგორც წინა შემთხვევაში. ეს პრეზიდენტი იქნება ისეთი, როგორიც ხალხს უნდა რომ იყოს. როგორც ვიცი, უფლებები შეზღუდული ექნება, მაგრამ ალბათ ასე უმჯობესია. მე პოლიტიკოსი არ ვარ და პოლიტიკურ შეფასებებს ვერ გავაკეთებ, მაგრამ როდესაც მარგველაშვილს ტელევიზიით ვუსმენდი, ჯერ კიდევ მაშინ, ვიდრე აქტიურ პოლიტიკაში ჩაერთვებოდა, მის აზრებს ვიზიარებდი და ვეთანხმებოდი. რაც შეეხება მაკა ჩიჩუას, მას მე ძალიან დიდი ხანია ვიცნობ. სხვათა შორის, მინდა გითხრათ, რომ ჩემი პირველი პორტფოლიოსთვის მაკამ გამიკეთა პირველი მაკიაჟი. ქართველი კარლა ბრუნი გვეყოლება. მე არავის პირად ცხოვრებაში არ ვერევი, ზოგადად ძალიან მიხარია, რომ ლამაზი პირველი ლედი გვეყოლება, დანარჩენს დრო გვიჩვენებს.
ქეთი საგინაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
