მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გრამატიკის მოძულეები - "პირველკურსელები მეუბნებიან, რომ გრამატიკა საერთოდ არ უსწავლიათ!"
23:24 / 11-11-2013
ქართული ენა, მისი გრამატიკა, სასწავლო დისციპლინებს შორის მოსწავლეებისთვის კვლავ აქილევსის ქუსლად რჩება; მიუხედავად იმისა, რომ არაერთი სახელმძღვანელო, მოსწავლის რვეული შეიქმნა - აკაკი შანიძის, ლეო კვაჭაძის, ივანე იმნაიშვილის "ქართული ენის გრამატიკა", ავთანდილ არაბულის "ქართული ენის სამყარო" და ა.შ. - გამოკითხვისას, სკოლადამთავრებულთა უმრავლესობა ამბობს, რომ "ქართული გრამატიკა უჭირდა, არ ესმოდა". როგორ შეიძლება გადაიჭრას ეს პრობლემა? - ამ საკითხზე ფილოლოგიის მეცნიერებათა დოქტორი, პროფესორი ავთანდილ არაბული გვესაუბრება:
- დაბალ კლასებში სისტემური გრამატიკის სწავლების კატეგორიული წინააღმდეგი ვარ, ეს იმ დროის გადმონაშთია, როცა სისტემური გრამატიკა რუსული გრამატიკის სტანდარტით ისწავლებოდა და ძალზე ადრეული ასაკიდან, მეორე-მესამე კლასიდან იწყებოდა, რაც არასწორი მიდგომაა და, რაც მთავარია, ბავშვებში გაღიზიანებას იწვევს; კვლევებმა აჩვენა, რომ ისინი წესებს მხოლოდ იზეპირებენ, არსს ვერ იგებენ და გრამატიკის მოძულეებად ყალიბდებიან, მე-4-5 კლასელს ცხადია, უჭირს მორფოლოგიისა და სინტაქსის, ზმნისა და შემასმენლის გარჩევა; ქართული ენა გრამატიკასთან არ უნდა იგივდებოდეს, მით უმეტეს, რომ მშობლიური ენის გრამატიკას, უცხო ენის გრამატიკისგან განსხვავებით, ბავშვი ენის ადგმასთან ერთად ითვისებს, არ სჭირდება რთული კონსტრუქციების დასწავლა. წიგნიერ, ლიტერატურულ ქართულს მოზარდი მაინც ლიტერატურული ტექსტებით სწავლობს და არა გრამატიკის წესების ზეპირად სწავლით. დადგენილია, რომ მე-4-5 კლასელები ცნებებს ვერ აღიქვამენ და კონკრეტული ფაქტების განზოგადება უჭირთ, ამიტომ მიმაჩნია, რომ ამ კლასებში მეტი ყურადღება პრაქტიკულ სავარჯიშოებს უნდა დაეთმოს, ხოლო სისტემური გრამატიკა მაღალ კლასებში ვასწავლოთ. ენის სწავლება მარტო გრამატიკა არ არის. პრობლემაა ისიც, რომ სკოლაში ქართული ენისა და ლიტერატურის გაკვეთილებს კვირაში 2 საათი მოაკლდა, ძირითადად, გრამატიკის ხარჯზე, ასეთია, სამწუხაროდ, ზოგიერთი მასწავლებლის არჩევანი. ამ წლების განმავლობაში პედაგოგთა ნაწილი დაუბრუნდა სქოლასტიკურ გრამატიკას - შანიძეს, კვაჭაძეს, რომლითაც თაობებმა ისწავლეს, მაგრამ ახლა სწავლების სხვა სისტემაა, ზოგმა გრამატიკა საერთოდ უარყო, და შედეგი ისაა, რომ მყავს სტუდენტები, პირველკურსელები, რომლებიც მეუბნებიან, რომ გრამატიკა საერთოდ არ უსწავლიათ! დღეს ხშირად ამბობენ - გრამატიკა არ ისწავლება, სახელმძღვანელოები არ გვაქვსო, თუმცა ასე არ არის - არსებობს სტანდარტი, პროგრამები, სახელმძღვანელოს თან ახლავს პრაქტიკული გრამატიკის რვეულები. ვფიქრობ, თუ ის მოკლებული საათები აღდგება, ეს ყველა მასწავლებელს დაავალდებულებს, მოსწავლეებს გრამატიკა ასწავლოს. ჩვენი ახალგაზრდები ნაკითხები არ არიან არა იმიტომ, რომ გრამატიკა არ იციან, არამედ იმიტომ, რომ ლიტერატურულ ტექსტებს არ იცნობენ. გრამატიკა არის მასალა, რომელსაც ვერ გამოიყენებ, თუ საფუძველი არ გაქვს, ის მშვენიერი შენობაა, რომლის არქიტექტურა მოსწავლეს მაშინ უნდა დაანახო, ასწავლო, როცა ამის აღქმის უნარი ექნება.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
