მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვარსკვლავები, რომლებიც კულტებსა და სექტებში იყვნენ გაწევრიანებულნი
06:08 / 11-11-2013
სექტანტობა ბუნდოვანი და საკმაოდ სახიფათო საქმეა. კულტში მოხვედრისგან თავის დაცვა კი არა მხოლოდ ჩვეულებრივ ადამიანებს, ვარსკვლავებსაც უჭირთ. არიან ცნობილი ადამიანები, რომლებიც ან სექტაში გაიზარდნენ, ან მასში მსოფლიო ცნობადობის მოპოვებამდე მოხვდნენ, არიან ისეთებიც, ვინც სექტა კარიერის აღმავლობის დროს მიატოვა. ზოგიერთმა მათგანმა ეს ცხოვრებისეული გამოცდილება საზოგადოებას გაუზიარა.
მსახიობი მიშელ პფაიფერი 1970-იანი წლების ბოლოს არასასურველ საზოგადოებაში მოხვდა. მსახიობის თქმით, იგი ერთ წყვილს მიეჯაჭვა, რომლებიც მის ცხოვრებას აკონტროლებდნენ. "მათთან არ ვცხოვრობდი, მაგრამ სტუმრად ხშირად მივდიოდი, ყოველთვის მეუბნებოდნენ, რომ უფრო მეტი სიხშირით მევლო ... ადამიანებს დიეტებს უნიშნავდნენ",- ყვება მიშელი.
მაგრამ მსახიობი მათთან სიახლოვით კულტის შესახებ ფილმზე მუშაობისთვის ემზადებოდა და მოგვიანებით მიხვდა, რომ რაღაც მსგავსში თავად ჩაება. "ჩვენ კულტის ყოფილ წევრთან ვსაუბრობდით და მან ფსიქოლოგიური მანიპულაცია აღწერა",- აცხადებს პფაიფერი.
როუზ მაკჰოუენმა ერთ-ერთ ინტერვიუში აღიარა, რომ მისმა ბავშვობამ კულტ "ღვთის შვილებში" გაიარა (კულტი 1978 წელს დაიშალა). "გარესამყაროსთან კონტაქტი არ გვქონდა. აბსოლუტურად მიუღებელი საქციელი ნორმალური გახდა. მახსოვს, ვუყურებდი, კაცები ქალებთან დროს როგორ ატარებდნენ და ადრეულ ასაკშივე გადავწვიტე, რომ არ მინდოდა ამ ქალებს დავმგვანებოდი. ისინი მამაკაცების სიამოვნებას ემსახურებოდნენ. მათთვის ერთ ქალზე მეტის ყოლა ჩვეული ამბავი იყო",- ამბობს მსახიობი.
ჰოაკინ ფენიქსი და მისი ძმა რივერი ასევე "ღვთის შვილებში" იზრდებოდნენ. ოჯახთან ერთად სამხრეთ ამერიკაში მოგზაურობდნენ, ამ პერიოდში ჰოაკინს სახელი შეუცვალეს და ლიფი (ფოთოლი) დაარქვეს. ერთ მშვენიერ დღეს ფენიქსის ოჯახმა ამ რელიგიურ მოძრაობაზე გული აიყარა და იგი დატოვა, რომ მისიონერი ქრისტიანები გამხდარიყვნენ. ხოლო სახელი ლიფი მომავალმა მსახიობმა 15 წლის ასაკში მოიშორა.
მსახიობ ვაინონა რაიდერის მშობლები "ბიტნიკების" თაობის წარმომადგენლები იყვნენ, რომლებთანაც ალენ გინზბერგი, ფილიპ დიკი და ტომოტი ლირი მეგობრობდნენ. გარკვეული დროის განმავლობაში მომავალი ვარსკვლავი კომუნაში, სახელად "ცისარტყელაში" ცხოვრობდა.
გლენ კლოუზმა ბავშვობის დიდი ნაწილი უკიდურესად კინსერვატულ ჯგუფში - სახელად "მორალური გადაიარაღება" გაატარა. ეს იყო კულტი, სადაც ყველას ერთნაირად აზროვნებას აძალებდნენ. "ეს დამანგრეველია",- აღიარა მსახიობმა.
ამერიკელი მსახიობების პატრისია და დევიდ არკეტების შემთხვევაშიც საუბარი უფრო კომუნას ეხება, ვიდრე კულტს. "ჩვენი მშობლებმა ეს მეგობრებთან ერთად დაიწყეს, მათ რაღაც უტოპიური საზოგადოების შექმნა სურდათ. დევიდი იქ დაიბადა",- მოყვა პატრისია.
პოლ ჰაგისმა არა მხოლოდ საიენტოლოგიის ეკლესია მიატოვა, არამედ მას საჯაროდ კულტი უწოდა. "კულტში 34 წელი ვიყავი. ყველა ხედავდა ამას. მაგრამ არ ვიცი, ეს მე რატომ ვერ შევძელი",- განაცხადა რეჟისორმა ერთ-ერთ ინტერვიუში.
მომზადებულია Zimbio-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
