მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თავახდილი ჭები თბილისში
04:10 / 11-11-2013
თავახდილი ჭების პრობლემა თბილისის მოსახლეობას დიდი ხანია, აწუხებს. თბილისის ცენტრალურ სავალ გზებზე პრობლემა მეტ-ნაკლებად მოგვარებულია, თუმცა გარეუბნებში ისევ რჩება. მოუწესრიგებელი ინფრასტრუქტურის გამო მოსახლეობა შეწუხებულია და დახმარებას შესაბამის უწყებებს სთხოვს.
"თავახდილი ჭების რაოდენობა ყოველ წელს მატულობს", - განაცხადა "მთელ კვირასთან" ვარკეთილის მე-4 მიკრორაიონში მცხოვრებმა ნინო გოგოხიამ.
"სამი წელია რაც ამ რაიონში ვცხოვრობ და ყოველ წელს თავახდილი ჭების რაოდენობა იზრდება. ნუთუ, მერიას და შესაბამის სამსახურს შემოწმება და ამ პრობლემის მოგვარება არ ევალებათ?! უმეტესად ჭები ისეთ ადგილებშია, სადაც ბავშვები თამაშობენ, მოუწესრიგებელ ჭებს ვინმე ხომ არ უნდა შეეწიროს, რომ მოგვხედონ?
"ჩვენი სადარბაზოს წინ ერთი თავახდილი ჭაა. მეზობლებმა შიგ ხის ტოტები ჩავყარეთ, მაგრამ ტოტებს ყველგან ჩვენ ხომ არ ჩავყრით. ძალიან ვთხოვთ, შესაბამის სამსახურს, რომ ერთხელ და სამუდამოდ ეს პრობლემა მოაგვარონ", - ამბობს გოგოხია...
როგორც თბილისის მერიის პრესსამსახურში განგვიცხადეს, ჭების პრობლემის გადაჭრა მათ არ ეხებათ.
"მაგისტრალზე სხვადასხვა დანიშნულების ჭებია განთავსებული და მათ მოვლა-პატრონობაზე პასუხისმგებელი შესაბამისი უწყებაა", - თქვეს მერიის პრესსამსახურში.
"წლების განმავლობაში მოსახლეობა მოუწესრიგებელი ინფრასტრუქტურით დავიღალეთ", - გვითხრა თემქის მესამე მიკრორაიონში მცხოვრებმა ნონა გორდელაძემ".
"თავახდილი ჭები დიდი ხნის პრობლემაა. რამდენჯერმე გამგეობას მივმართეთ, რომ ყურადღება მოექციათ, მაგრამ უშედეგოდ, რადგან გარეუბანში ვცხოვრობთ, დედაქალაქის მერიამ ყურადღება არ უნდა მოგვაქციოს?
"ჩვენს რაიონში ზოგ ჭას ხუფი აქვს, ზოგს - არა, ზოგსაც დაფარებული ცუდად აქვს. უხუფო ჭები ისეთ ადგილებშია, რომ ადამიანი თუ ყურადღებით არ იქნება, დღისით, მზისით შეიძლება შიგ ჩავარდეს. წლებია, უკვე ეს პრობლემა გვაწუხებს და მოუგვარებელია," - ამბობს გორდელაძე.
წყალსადენისა და კანალიზაციის მაგისტრალურ ქსელებზე, ანუ წითელ ხაზებს გარეთ მოწყობილ ჭებს ექსპლუატაციას "ჯორჯიან უოთერ ენდ ფაუერი" უწევს.
როგორც "მთლე კვირას" "ჯორჯიან უოთერ ენდ ფაუერის" საზოგადოებასთან ურთიერთობის და მარკეტინგის დეპარტამენტში განუცხადეს, პრობლემის არსი ჩარჩო-ხუფების მოპარვაა, რაც საკმაოდ ძვირი ღირს.
"სხვადასხვა მაგისტრალზე სხვადასხვა დანიშნულების ჭებია განთავსებული - წყალსადენის, კანალიზაციის, სანიაღვრე მეურნეობის, ყოფილი თბომეურნეობის და კავშირგაბმულობის. მათ მოვლა-პატრონობაზე პასუხისმგებელია შესაბამისი უწყება.
"წყალსადენისა და კანალიზაციის მაგისტრალურ ქსელებზე, ანუ წითელ ხაზებს გარეთ მოწყობილ ჭებს ექსპლუატაციას "ჯორჯიან უოთერ ენდ ფაუერი" უწევს, ხოლო საცხოვრებელი სახლებისა და კორპუსების წითელ ხაზებში მოქცეული ჭების უსაფრთხოება მობინადრეებმა და კორპუსების ამხანაგობებმა უნდა უზრუნველყონ.
"იშვიათად შესაძლებელია, რაიმე სახის ზეწოლამ ჭის ხუფის მტვრევა გამოიწვიოს, მაგრამ თავახდილი ჭები იმიტომ გხვდებათ, რომ მათი თუჯის ჩარჩო-ხუფები, უმეტესწილად მოპარულია. ხუფების მოპარვის შემთხვევები უმეტესად დედაქალაქის გარეუბნებშია.
"თუჯისგან დამზადებული ჩარჩო-ხუფები საკმაოდ ძვირი ღირს და მოპარვის მიზეზიც სწორედ ეს გახლავთ. კომპანიას ყოველთვიურად გარკვეული ოდენობის ხუფების შეძენა უწევს, რისთვისაც დამატებით ხარჯებს სწევს. სამართალდამცავი ორგანოები ხშირ შემთხვევაში გვატყობინებენ ასეთი ფაქტების თაობაზე და შესაბამის ზომებსაც იღებენ.
"ჯორჯიან უოთერ ენდ ფაუერიც" შეტყობინებისთანავე ახდენს შესაბამის რეაგირებას მაგრამ თუჯის ჩარჩო-ხუფების მოპარვის ფაქტები იმდენად ხშირია, რომ კომპანია მუშაობს ჭების გადახურვის ალტერნატიული გზების შემუშავებაზე", - განაცხადეს "ჯორჯიან უოთერ ენდ ფაუერის" საზოგადოებასთან ურთიერთობის და მარკეტინგის დეპარტამენტში.
ანი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
