მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
7 წამში თორმეტნაოჭიანი ხინკალს "ახვევს" - ქართველმა მექანიკოსმა ხინკლის მანქანა გამოიგონა
23:21 / 10-11-2013
როგორ დავამზადოთ ეროვნული სამზარეულოს მშვენება - ხინკალი, რომლის მოხვევა დიდ დროსა და კულინარიულ გამოცდილებას მოითხოვს, ხელით ჩარევის გარეშე? - ამ კითხვაზე პასუხს გამოგონების - "შიგთავსიანი ცომეული ნაწარმის ფორმირების მოწყობილობის"გაცნობის შემდეგ მიიღებთ, რომელზეც ავტორი, მექანიკოს-კონსტრუქტორი დიმიტრი სანაძე გვესაუბრება:
- იდეის დაბადებიდან განხორციელებამდე წელიწად-ნახევარი დამჭირდა. ჩემი მანქანა - "შიგთავსიანი ცომეული ნაწარმის ფორმირების მოწყობილობა"ადამიანის ხელის იმიტაციას ცდილობს, რითაც დიდი დრო და სახსრები იზოგება, კონსტრუქციაც საკმაოდ კომპაქტურია. მანქანა აკეთებს ნაოჭებს, მოჭრილ ცომში დებს ფარშს, თანაც ისე, რომ ცომის კედლები არ სველდება (წინააღმდეგ შემთხვევაში ხინკალი აღარ შეიკვრება), მერე ცომს ატრიალებს და ყუნწს აცლის. მოწყობილობას ფორმირების ორი - ზედა და ქვედა თავები აქვს, ქვედა თავს აქვს კბილანები, ზედას - ფრთები, რომლებიც ერთმანეთში ჯდება და ასე კეთდება ნაოჭი. ასევე იჭრება საჭირო ზომისა და ფორმის ცომი. მანქანა შეიცავს ცომეული ნაწარმის მაფორმირებელ მრგვალდანიან მექანიზმს, რომელიც შედგება ვერტიკალურად გადაადგილების შესაძლებლობის მქონე მაფორმირებელი თავისა და ცომის მიმღებ-მაფორმირებელი თავისგან, ასევე მოსაჭიმი მექანიზმის, მიმღებისა და ამძრავისგან.
- რამდენნაოჭიანი ხინკლის დამზადება შეუძლია?
- თორმეტნაოჭიანის. ცომი იღებს სასურველ ნაოჭებიან ფორმას, სადაც მისაწოდებელი არხით ნელ-ნელა ჩაედინება ფარში და ავსებს მოცულობას, შიგთავსი შეგიძლია სასურველი რაოდენობით ჩადო, თავისი ჩამკეტიც აქვს. ეს არის ფურცლოვანი ჩამკეტი, დაახლოებით ფოტოაპარატის მსგავსი, რომელიც ერთი მიმართულებით ტრიალებს და ცომს კრავს, ზედმეტ ნაწილს, ყუნწს კი წყვეტს. ერთი ხინკლის დამზადებას 7 წამი სჭირდება. მექანიზმი ასევე უზრუნველყოფს, რომ ნამზადიდან შიგთავსის წვენი არ გადმოიღვაროს, რაც ხინკლის ხარისხს ამაღლებს. თუ მოწყობილობის მასშტაბი გაიზრდება, მეტი მაფორმირებელთავიანი მექანიზმი აეწყობა, მეტი ხინკლის დამზადება გახდება შესაძლებელი, წარმადობაც გაიზრდება.
- მომავალში ნაოჭების რიცხვის გაზრდა თუ შეიძლება?
- მაფორმირებელ თავებს ცოტა რთული გეომეტრია აქვს, მაგრამ შეუძლებელი არაფერია. ყველა ეტაპს თავისი ფუნქცია აქვს, ერთმანეთზეა გადაჯაჭვული, რაც მომავალში შეიძლება უფრო დაიხვეწოს. მაგალითად, აპარატში, რომელიც ახლა მუშაობს, ცვლილებები შევიტანეთ, დანით ამოკვეთისას ცომის დანაკარგი რაც შეიძლება ნაკლები რომ ყოფილიყო.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
