მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნანა ნებიერიძე: ”ცეკვავენ ვარსკვლავებში” მონაწილეობა ჩემთვის დიდი გამოწვევაა
00:06 / 10-11-2013
უკვე მესამე სეზონია, რაც ტელეეთერით პროექტი "ცეკვავენ ვარსკვლავები" გადის და შოუ პოპულარობას არ კარგავს. წლევანდელი სეზონი წინამორბედებისგან განსხვავდება, რადგან პროექტში სხვადასხვა სფეროს წარმომადგენლები მონაწილეობენ ვარსკვლავის რანგში, მათ შორის სპორტსმენებიც. ჩვენი რესპონდენტი ნანა ნებიერიძე პროფესიონალი წყალში მხტომელია, არის სიდნეის ოლიმპიადის პრიზიორი, შემდეგ მუშაობდა ჟურნალისტად, თუმცა საზოგადოების დიდმა ნაწილმა სწორედ "ცეკვავენ ვარსკვლავებში" გამოჩენის შემდეგ გაიცნო.
- ნანა, რატომ დათანხმდით პროექტ "ცეკვავენ ვარსკვლავებში" მონაწილეობას?
- სპორტსმენი ვარ, ვმუშაობდი ტელეკომპანია "პიკში". როცა ამ პროექტში მონაწილეობა შემომთავაზეს, სიამოვნებით დავთანხმდი, რადგან ჩემთვის ეს დიდი გამოწვევა იყო. პროფესიიდან გამომდინარე, რეჟიმში ცხოვრებას ბავშვობიდან მიჩვეული ვარ, ამიტომ მთელი დღე რეპეტიციებზე ყოფნა ჩემთვის დამღლელი არ არის. ყველა კონკურსანტის მიზანი პროექტში გამარჯვებაა, მეც ყველაფერს ვაკეთებ ამისთვის, ხალხისგანაც დიდ მხარდაჭერას ვგრძნობ, "ფეისბუქზე" მწერენ, ზოგიერთი რჩევებსაც მაძლევს. ვნახოთ, გავალ თუ არა ფინალში.
- გამოჩენისთანავე გახდით ქართველი მამაკაცების სიმპათიის ობიექტი, როგორ გამოხატავენ ამას?
- ვერ გეტყვით, როგორ გამოხატავენ, რადგან შეხება არავისთან არ მქონია. მყავს ადამიანი, რომელთანაც თავს ბედნიერად ვგრძნობ. ის ერთი წლის წინ გავიცანი, მანამდე ერთი ნახვით სიყვარულის არ მჯეროდა, მაგრამ როცა ჩემს რჩეულს შევხვდი, მივხვდი, რომ ის "ის" იყო. ძალიან ბედნიერი ვარ. ადამიანს როცა დაინახავ, უნდა მიხვდე, რომ შენია და ასე მოხდა ჩემს ცხოვრებაშიც. ჩემი რჩეული ვინ არის - არ დავასახელებ, მას აქვს ძალიან საინტერესო პროფესია, ყველაზე ძლიერი ადამიანია.
- პირველი სიყვარულია?
- არა, რა თქმა უნდა. მყავს 19 წლის ქალიშვილი, მეუღლეს 17 წლის წინ დავშორდი, ახლა ის საზღვარგარეთ ცხოვრობს. ჩემი ქალიშვილი ძალიან მიდგას გვერდში, შეიძლება ითქვას, რომ კონკურსის დღეს ჩემზე მეტად ნერვიულობს. მისი მხარდაჭერა ჩემთვის განსაკუთრებით მნიშვნელოვანია.
- სპორტს სამუდამოდ ჩამოსცილდით?
- კი, ასეა. სიდნეის ოლიმპიადის შემდეგ აქტიური სპორტით აღარ ვარ დაკავებული. წყალი ძალიან მიყვარს, როცა ვხედავ, მაკანკალებს. "ცეკვავენ ვარსკვლავების" პრომოში არის ერთი ეპიზოდი, სადაც გოგონა იახტიდან ხტება წყალში, ამბობენ თითქოს ეს კადრი ფილმიდან არის ამოღებული, მაგრამ სინამდვილეში მე ვარ ის გოგო. ღამის 11 საათზე გადავიღეთ ეს ეპიზოდი. ესაა ჩემი მთავარი პროფესია - წყალში ხტომა.
- გემოვნებიან ქალად გთვლიან, თავადაც ასე ფიქრობთ?
- (იცინის) დიდი მადლობა, ვინც ასე ფიქრობს. მე ჩემი სტილი მაქვს. არ ვარ მაინცდამაინც ბრენდების მოყვარული. მთავარია, კარგი ხარისხის ფეხსაცმელი მეცვას, რადგან მთელი დღე ფეხზე ვდგავარ და მნიშვნელოვანია, რომ ფეხი კომფორტულად მქონდეს.
- ფორმას როგორ ინარჩუნებთ?
- განსაკუთრებულს არაფერს ვაკეთებ, არ მივირთმევ ცომეულს, მუდმივად ვვარჯიშობ და ამით ვინარჩუნებ ფორმას.
- რას ურჩევ ქართველ ქალებს?
- ვურჩევ, ხშირად გაიღიმონ და ყველაფერი კარგად იქნება მათ ცხოვრებაში.
მოამზადა თამარ ბოჭორიშვილმა
ყოველკვირეული გაზეთი "ყველა სიახლე"
(გამოდის ოთხშაბათობით)
"ცეკვავენ ვარსკვლავებში" მონაწილეობა ჩემთვის დიდი გამოწვევაა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
