მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ექიმის შეცდომა - "ყველაფერი ადამიანის მორგში მოხვედრით მთავრდება"
23:09 / 09-11-2013
ათიოდე დღის წინ კახეთში ორი თვის ბავშვი გარდაიცვალა და გავრცელდა ინფორმაცია, რომ ბავშვის დაღუპვაში მშობლები ექიმებს ადანაშაულებენ. უფრო ადრე, აპრილში, ქუთაისის რეგიონულ კლინიკურ საავადმყოფოში ნაღვლის ბუშტის ოპერაციის შემდეგ 36 წლის ქალი გარდაიცვალა, ახლობლები ამ შემთხვევაშიც პასუხს ექიმს სთხოვდნენ. 2013 წლის 5 სექტემბერს, წნორში, საკეისრო კვეთის შედეგად 33 წლის მშობიარე ქალი დაიღუპა. ოჯახის წევრებმა კლინიკის ექიმს დასდეს ბრალი. მსგავსი მაგალითების მოყვანა კიდევ შეიძლება... რა ხდება? რატომ ტყუვდებიან ექიმები და რას უნდა დავაბრალოთ შემაშფოთებელი ციფრები და ფაქტები, რომლებსაც ვერსად დავემალებით? - ამ შეკითხვებით ცნობილ მეან-გინეკოლოგ ლადო კახაძეს მივმართეთ:
- შეცდომისაგან დაზღვეული არავინაა, მაგრამ მთავარია, რა მოჰყვება ამ შეცდომას. აქვე დგება საკითხი - რამ გამოიწვია ეს შეცდომა - არაკვალიფიციურობამ, არაპროფესიონალიზმმა, გულგრილობამ, უყურადღებობამ, სიჩქარემ თუ იმან, რაც ყველაზე მთავარია - არასწორმა დიაგნოზმა? ადრე იყო კონსილიუმების სისტემა, სადაც რამდენიმე ექიმი ერთად წყვეტდა უამრავ საკითხს. ახლა ეს სისტემა მოშლილია და მე ვკითხულობ - რატომ?! იქნებ დავაბრუნოთ კონსილიუმის სისტემა, რადგან ექიმს, რომელიც ცხვირს აწევს და იტყვის, მე ვარ და ჩემი ნაბადიო, შეიძლება ფეხი დაუცდეს და კისერიც მოიმტვრიოს. თუ შეცდომის საფუძველი ანგარება და ფულია, აქ უკვე დამთავრებულია ყველაფერი. ასეთ ექიმებზე რა უნდა ვთქვა, ისიც არ ვიცი...
- მესმის, რომ კოლეგიალობის გამო ამ თემაზე ლაპარაკი გიძნელდებათ, მაგრამ თქვენს კოლეგებს შეცდომები დაბალი კვალიფიკაციის გამოც ხომ არ მოსდით?
- იმის მიუხედავად, რომ ყოველთვის ექიმის მხარეზე ვარ, უნდა დაგეთანხმოთ. მოდაში შემოვიდა პოსტდიპლომური სწავლება და გაუთავებელი კურსები. რამდენი რეფორმა ჩავატარეთ, მაგრამ მედიცინას მაინც არ ეშველა. დაგიწერენ ჰაიდლაინს, თუ შეასრულებ, შეიძლება შენს ხელში ადამიანი მოკვდეს, მაგრამ მაინც გეტყვიან - მაგარი ხარო. დანაშაულია ადამიანის მკურნალობა სტანდარტებითა და ჰაიდლაინებით, რომელზეც ვიღაც ფულს აკეთებს. საფუძვლიანი სწავლისა და გამოცდილების გარეშე ექიმი ვერ ჩამოყალიბდება და ვერც სწორ დიაგნოზს დასვამს. ეს ყველაფერი კი იმით მთავრდება, რომ ადამიანი მორგში ხვდება. შეიქმნა მახინჯი სისტემა, რომლის წყალობითაც ერთი დღე რომ გაატარო საავადმყოფოში, ხუთვარსკვლავიანი სასტუმროს ფასი უნდა გადაიხადო. თუმცა, ექიმის მიერ გამოვლენილ ანგარებას მაინც ვერ გავამართლებ. ჩემს სიცოცხლეში ერთადერთი ხელოვნური აბორტი მაქვს გაკეთებული და იმის მიუხედავად, რომ ეს არ ყოფილა კრიმინალური აბორტი და ქალის ოჯახთანაც შეთანხმებული იყო, დღემდე მშვიდად არ მაძინებს. ამ ცოდვის გამოსასყიდად უამრავი სიცოცხლე გადამირჩენია.
უცხოელი ექიმების შეცდომები - 2007 წელს ინდოელი საბრან პრავინის მუცელში ექიმს ხელსახოცი დარჩა. 2000 წელს, დონალდ ჩერჩემის სხეულში ექიმებს 31-სანტიმეტრიანი სამედიცინო იარაღი დარჩათ, პაციენტმა კომპენსაციის სახით 97.000 დოლარი მიიღო. იუჯინ რიგსი სან-ფრანცისკოს სამხედრო ჰოსპიტალში გადიოდა მკურნალობას, ექიმმა კუჭის ნაცვლად საკვები მილი ფილტვებს შეუერთა, ჯერომი პარკსს, რომელსაც სიმსივნე ჰქონდა ენაზე, შეცდომით დასმული დიაგნოზის წყალობით ტვინის ღეროვანი ჯანმრთელი ნაწილი ამოაჭრეს. შედეგად პაციენტი დაბრმავდა და დაყრუვდა. 1995 წელს 52 წლის ვილი კინგს, ფლორიდის შტატის ქალაქ ტამპაში, მარცხენა ფეხის მაგივრად მარჯვენა მოაჭრეს.
ესაუბრა ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
