სოხუმი და ცხინვალი იტალიასა და სან-მარინოს დამოუკიდებლობის აღიარებას სთხოვენ

აფხაზეთისა და ე.წ. სამხრეთ ოსეთის დე-ფაქტო მთავრობები იტალიასა და სან-მარინოს დამოუკიდებლობის აღიარებას სთხოვენ.

ამის შესახებ ერთობლივ პრესკონფერენციაზე აფხაზეთის და ეწ. სამხრეთ ოსეთის დე-ფაქტო საგარეო საქმეთა მინისტრებმა, ვიაჩესლავ ჩირიკბამ და დავით სანაკოევმა განაცხადეს.

მათი ინფორმაციით, შესაბამისი, ოფიციალური წერილი უკვე გაეგზავნა იტალიის პრეზიდენტს, ჯორჯიო ნაპოლიტანოს და სან-მარინოს წარმომადგენლებს.

"ჩვენ მივდივართ საერთაშორისო აღიარების მოპოვების გზით და ეს პროცესი შეუქცევადია", - განაცხადა დავით სანაკოევმა.

ვიაჩესლავ ჩირიკბამ კი აღნიშნა, რომ მათ ევროკავშირისგან პირველ რიგში იმის აღიარება სურთ, რომ "არ დავბრუნდებით საქართველოს შემადგენლობაში".

"ინტერპრესნიუსი"