5
მაისიდღის ზოგადი ასტროლოგიური პროგნოზი
პოლონეთის მკვიდრმა პროზექტურაში გაიღვიძა, ექიმებს იგი გარდაცვლილი ეგონათ და პროზექტურაში გადაიყვანეს.
56 წლის მარეკ მიხაილსკი გამვლელებმა იპოვეს. მათ სკამზე მწოლარე მამაკაცი უგონო მდგომარეობაში ნახეს. ადგილზე მისულმა ექიმებმა მამაკაცი გარდაცვლილად ჩათვალეს და მისი "გვამი" პროზექტურაში გააგზავნეს.
მიხაილსკიმ დაწესებულებაში მიყვანიდან რამდენიმე საათში გაიღვიძა და ყვირილი დაიწყო. ამასთან, მამაკაცი სპეციალურ ტომარაში იყო გახვეული.
პოლონელს განზრახული აქვს საავადმყოფოს სასამართლოში უჩივლოს, რადგან იგი მკვდარი ეგონათ და გვამების ტომარაში მოათავსეს. "საშინელებები მესიზმრება, თუ როგორ მჭრიან ექიმები, რომლებიც ვერ ხვდებიან, რომ ცოცხალი ვარ და ჩემი გაკვეთა უნდათ",- ამბობს იგი.
საავადმყოფოში მის განცხადებას უპასუხეს, რომ ექიმები უბრალოდ საკუთარ სამუშაოს ასრულებდნენ - რეგლამენტის თანახმად, ტრანსპორტირებამდე გვამს ჰერმეტულ პაკეტში ათავსებენ.
მომზადებულია Metro-ს მიხედვით.
