22
ივნისიდღის ზოგადი ასტროლოგიური პროგნოზი
რადიო "პალიტრა" რადიოების საინფორმაციო გადაცემების პოპულარობის მიხედვით ლიდერია. 24-26 ოქტომბერს ქართული რადიოების საინფორმაციო გადაცემების სმენადობის რეიტინგის დასადგენად პიარისა და მარკეტინგული კომუნიკაციების კომპანია "ჯეპრამ" საინფორმაციო საიტების მომხმარებლის გამოკითხვა ჩაატარა.
სპეციალური კითხვარი 8 საინფორმაციო პორტალზე იყო განთავსებული და გამოკითხვაში მონაწილეობა 8836 ადამიანმა მიიღო. რადიოების საინფორმაციო გადაცემების პოპულარობის მიხედვით, პირველ ადგილზე რადიო "პალიტრა" გავიდა (21,3%), რადიო "მაესტრო" - მეორეზე (14,7%), "ფორტუნამ" (8.9%) შეინარჩუნა მესამე ადგილი, რადიო "იმედი" (8,8%) - მეოთხეზეა," აფხაზეთის ხმა" (7%) - კვლავ მეხუთე ადგილზეა.
რადიო "პალიტრის" საინფორმაცო სამსახურის ხელმძღვანელი ეკატერინე ბურჭულაძე რადიოს წარმატებას პროფესიონალთა გუნდის მუშაობას უკავშირებს.
ეკატერინე ბურჭულაძე - რადიო "პალიტრა" 5 წლისაა, მაუწყებლობის დაწყებისთანავე ეთერში გადის საინფორმაციო გამოშვებებიც. რადიო მუშაობს იმისთვის, რომ მსმენელი იყოს ოპერატიულად და ობიექტურად ინფორმირებული. განსაკუთრებულ სიტუაციებში რადიო ნონსტოპის რეჟიმში მუშაობს. რადიო "პალიტრის" საინფორმაციო გამოშვებებს ამზადებს პროფესიონალთა გუნდი, წამყვანები და "ინტერპრესნიუსის" კორესპოდენტები. გვაქვს პირდაპირი ჩართვები.
ოპერატიული ინფორმაცია ეს არის სავიზიტო ბარათი, რითაც "პალიტრამ" მსმენელის ერთგულება დაიმსახურა. რადიოს თავდაპირველი სლოგანები იყო "სიმართლე უმთავრესია", "ინფორმაცია რეალურ დროში". 5 წლის შემდეგ ჩვენი სლოგანი შეიცვალა – "შენი სანდო თანამგზავრი" .
მადლობა მინდა გადავუხადო კორესპოდენტებს, წამყვანებს და იმ შემოქმედებით ჯგუფს, რომლის გარეშეც ვერ იქნებოდა რადიო ასეთი რეიტინგული. განსაკუთრებული მადლობა კი მსმენელებს, რომლებიც ერთგულად გვისმენენ FM 103,9 და ინტერნეტში "პალიტრატვ.გე"-ზე, გვენდეთ და გვისმინეთ.
ჟურნალისტი ია ანთაძე ამბობს, რომ რადიო "პალიტრა" ძალიან საინტერესო მედიასაშუალებაა.
ია ანთაძე – როდესაც "პალიტრაზე" ვლაპარაკობთ, ეს არის ძალიან საინტერესო მედიასაშუალება და მისი მოსმენა ბევრ ადამიანს მიაჩნია საჭიროდ, რადგან იქ არის ნაირნაირი გადაცემები, სრულიად სხვადასხვა შინაარსის, სხვადასხვა ტემპორითმის წამყვანებით და ეს წამყვანები თავისთავად პოპულარულები ხდებიან. ძალიან ხშირად მე ვუსმენ რადიო პალიტრას და ხშირად გადაცემების სტუმარიც ვარ.
"ჯეპრას" წინა გამოკითვასთან შედარებით, რომელიც 2013 წლის 4-7 მარტს ჩატარდა, კითხვარში დამატებული იყო 18 წლამდე ასაკობრივი კატეგორია, რამაც როგორც რესპოდენტთა დემოგრაფიულ, ასევე შემოსავლების სურათზე, გარკვეული გავლენა იქონია. გამოკითხვაში მონაწილეთა რაოდენობა ასაკობრივ ჭრილში ასე გადანაწილდა: 18 წლამდე ასაკი -5,4 %, 18-24 წელი - 18,7%, 25-32 წელი - 26,5%, 33-45 წელი - 23%, 46-55 წელი - 16,1%, 56-64 წელი - 6,7%, 65+ წელი - 3,6%.
რესპოდენტების 69,6% დასაქმებულია, 11,7% - სტუდენტი, 5,3% - დიასახლისი, 3,2% - პენსიონერია, ხოლო 10,3 % - უმუშევარი. გამოკითხულთა უმრავლესობის (42,6%) ყოველთვიური შემოსავალი 500 ლარამდეა, 25,5%-ის შემოსავალი 1000 ლარამდეა, 1000-დან 2000-მდე ლარის შემოსავალი აქვს 16,3%-ს და 2000 ლარზე ზევით შემოსავლების მქონე პირები კი გამოკითხულთა 15,6 პროცენტს შეადგენდა.
"ჯეპრას" წინა გამოკითხვის შედეგები კი ასეთი იყო: რადიო "მაესტრო" ლიდერობდა 23%-ით, მეორე ადგილზე იყო რადიო "პალიტრა" 18%-ით, მესამეზე- რადიო "ფორტუნა" 10%-ით, მეოთხეზე - რადიო "იმედი" 8%-ით, მეხუთე ადგილს 7%-ით რადიო "აფახზეთის ხმა"იკავებდა.
"მეორე საპილოტო ინტერნეტ-გამოკითხვის შედეგებით კმაყოფილი ვართ. საინფორმაციო საიტების მომხმარებლებმა აქტიურობა გამოიჩინეს. მეთოდოლოგიისა და კითხვარის დახვეწამ უფრო სრულყოფილი ინფორმაციის მიღების საშუალება მოგვცა, რის საფუძველზეც უკვე თებერვლის თვეში სრულმასშტაბიანი პროექტის განხორციელებას ვგეგმავთ. ვმუშაობთ გამოკითხვის ტექნიკურ სრულყოფაზე, გვსურს, რომ გამოკითხვის შედეგები უფრო გამჭვირვალე და მყისიერად ცნობილი გახდეს, როგორც თითოეული რესპოდენტისთვის, ასევე ვებ-საიტების ყველა მომხმარებლისთვის", - განაცხადა "ჯეპრას" უფროსმა კონსულტანტმა სოსო გალუმაშვილმა.
"გამოკითხვის ჩატარების პირველსავე ეტაპზე ვთქვით, რომ მას მაღალი ხარისხის რეპრეზენტატიულობაზე პრეტენზია არ ექნებოდა და კლასიკურ სოციოლოგიურ კვლევას ვერ ჩაანაცვლებდა. თუმცა, გამოკითხვის შედეგებში არსებული ცდომილების შემცირება კვლევის მასშტაბების გაზრდით და განმეორებითი კვლევების ჩატარებით იქნება შესაძლებელი. მსოფლიოში სულ უფრო და უფრო პოპულარული ხდება ონლაინ-გამოკითხვები, რომელთაც მომხმარებელთა ქცევის შესასწავლად და მათ მოლოდინებზე უკუკავშირის მისაღებად იყენებენ. საქართველოში ინტერნეტის პენეტრაციისა და შესაბამისად, ინტერნეტ-მომხმარებლების რიცხოვნობის ზრდა, საუკეთესო ბაზას გვაძლევს შედარებით იაფი და მრავალრიცხოვანი გამოკითხვის ჩატარებისთვის. ჩვენი დიდი სურვილია, საპილოტე კვლევის შემდეგ რადიოსადგურებთან და ვებ-პორტალებთან ერთად მოხდეს კვლევის მეთოდოლოგიის შეჯერება, ყველა არსებული ხარვეზის აღმოფხვრა და სინდიკატური კვლევის ჩატარება", - აცხადებენ ჯეპრაში.
პიარისა და მარკეტინგული კომუნიკაციების კომპანია "ჯეპრას" ზემოთხსენებული ონლაინ-გამოკითხვა რიგით მეორეა. პირველი ანალოგიური გამოკითხვა ჩატარდა 2013 წლის 3-7 მარტს." ჯეპრა" 2002 წლიდან პიარის სფეროში საქმიანობს და ემსახურება ქართულ და საერთაშორისო კომპანიებს, სამთავრობო და საზოგადოებრივ ორგანიზაციებს. 2013 წლის ოქტომბერში "მარკეტინგ ბრილიანსის" კონკურსზე "ჯეპრა" საქართველოში წარმოებული საუკეთესო პიარ კამპანიისთვის დააჯილდოვეს.
თეა ბითაძე
