მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ასტრახანიდან ქართველ მეფეთა გადმოსვენების საკითხის განხილვა შეჩერებულია
06:39 / 05-11-2013
ასტრახანიდან ქართველ მეფეთა ნეშტი გადმოსვენების საკითხის განხილვა შეჩერებულია. როგორც "ინტერპრესნიუსს" საქართველოს საპატრიარქოს საგარეო ურთიერთობათა განყოფილების ხელმძღვანელმა, ზუგდიდისა და ცაიშის მიტროპოლიტმა, მეუფე გერასიმემ (შარაშენიძე) განუცხადა, მეფეთა ნეშტების გადმოსვენებასთან დაკავშირებით ჯერ არანაირი სიახლე არ არის. ასტრახანში სექტემბერისთვის გასამართი კონფერენციაც არ ჩატარებულა.
როგორც ცნობილია, ასტრახანში სექტემბრის თვეში კონფერენცია უნდა გამართულიყო, რათა იქაურ საზოგადოებას გაეგო, იქ დასაფლავებული ქართველ მეფეთა ვახტანგ მე-6-სა და თეიმურაზ II-ის ნეშთების საქართველოში გადასვენების მიზეზების შესახებ, გაცნობოდნენ მათ ანდერძებს.
"კონფერენცია სექტემბერში უნდა ჩატარებულიყო. ჯერ არ ჩატარებულა. ველოდებით რუსეთის მხრიდან ამ შეხვედრის თარიღის შეთანხმებას", - აღნიშნა მეუფე გერასიმემ.
მისივე განცხადებით, შეხვედრის თარიღის დაზუსტების შემთხვევაში, ასტრახანში საქართველოს ეკლესიიდან დელეგაცია ჩავა. ამ ეტაპზე უცნობია, როდის შეიძლება ჩავიდეს დელეგაცია ასტრახანში ან როდის შეიძლება გაიმართოს კონფერენცია. ჯერ შეხვედრა შეთანხმებული არ არის.
ამასთან, მიტროპოლიტმა საუბრისას არ დაადასტურა გავრცელებული ინფორმაცია, რომ რუსეთის მხარეს არ სურს საკითხის გადაწყვეტა და ქართველ მეფეთა ნეშტების საქართველოში გადმოსვენება. "რადგანაც მოლაპარაკება მიდის, ე.ი იქნება შეთანხმება", - დასძინა მეუფე გერასიმემ.
ქართველი მეფეების: ვახტანგ მეექვსისა და თეიმურაზ მეორის ნეშტს ასტრახანიდან გადმოსვენების საკითხზე რუსეთის პრეზიდენტსა და პატრიარქს სრულიად საქართველოს კათოლიკოს-პატრიარქმა გასული წლის ნოემბერში მიმართა. რუსეთის პატრიარქის მიერ შექმნილი კომისიის პირველი სხდომა 13 დეკემბერს გაიმართა. რუსულმა მხარემ ისტორიული და არქეოლოგიური მასალის შესასწავლად დრო ითხოვა.
ამასთან, ყოვლადწმინდა სამების საკათედრო ტაძარში უკვე გამზადებულია მეფეთა ნეშტის განსასვენებლად ქვის საფლავები.
ვახტანგ მეექვსე 1737 წელს 26 მარტს ასტრახანში გარდაიცვალა და მიძინების ტაძარშია დაკრძალული.
თეიმურაზ მეორე პეტერბურგში 1762 წლის 8 იანვარს გარდაიცვალა. მეფე-პოეტის ნეშტი 1762 წლის 4 ივნისს ასტრახანში გადაასვენეს და ისიც მიძინების ტაძარში, მისი სიმამრის, ვახტანგ მეექვსის გვერდით დაკრძალეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
