მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საკადრო წმენდა მთავრობაში - ვინ დარჩება მინისტრთა კაბინეტს მიღმა
02:31 / 05-11-2013
ეკონომიკის მინისტრი გიორგი კვირიკაშვილი, განათლების მინისტრი თამარ სანიკიძე, თავდაცვის მინისტრი ირაკლი ალასანია, ფინანსთა მინისტრი ნოდარ ხადური, სოფლის მეურნეობის მინისტრი შალვა ფიფია - ეს იმ მინისტრების არასრული ჩამონათვალია, რომლებიც პოლიტოლოგებისა და ოპოზიციის აზრით, საკადრო წმენდაში მოხვედრასა და პოსტიდან განთავისუფლებას ყველაზე მეტად იმსახურებენ.
მათი უმეტესობა იმასაც აღნიშნავს, რომ ახალი პრემიერის მოსვლის შემდეგ, მთავრობაში სერიოზულ ცვლილებებს არ ელიან, თუმცა აქვე დასძენენ, რომ ეს ცუდი არ იქნებოდა.
იმის შესახებ, რომ მინისტრთა კაბინეტში საკადრო ცვლილებებს უნდა ველოდოთ, განცხადება "ქართული ოცნების" პოლიტიკურმა მდივანმა, არმაზ ახვლედიანმა გააკეთა და დასძინა, რომ ამ საკითხზე მსჯელობა უკვე მიმდინარეობს.
"იმედი გვაქვს, რომ ახალი პრემიერ-მინისტრი ჩვენი პარტიის თავმჯდომარე იქნება. ეს თავისთავად მმართველი პარტიის გაძლიერებას და, რა თქმა უნდა, იმას ნიშნავს, რომ მომავალი სამთავრობო ცვლილებები, ზოგადად საკადრო პოლიტიკა, პარტიაში განიხილება. ეს მეტ-ნაკლებად ადრეც ასე იყო, მაგრამ ახლა უფრო მიზანმიმართულად მოხდება.
"მთავრობაში ძირეულ ცვლილებებს არ ველოდებით. როგორც მოქმედმა პრემიერმა განაცხადა და მომავალმაც დაადასტურა, ამის აუცილებლობას ვერავინ ხედავს, თუმცა არც იმას გამოვრიცხავთ, რომ რამდენიმე საკადრო ცვლილება განხორციელდეს. ამაში უჩვეულო არაფერი იქნება, როდესაც პრემიერი იცვლება, შესაძლებელია, მთავრობის შემადგენლობა ნაწილობრივ ან სრულადაც, შეიცვალოს", - განაცხადა არმაზ ახვლედიანმა.
"რეზონანსი" შეეცადა გაეგო თუ ვის შეიძლება შეეხოს ცვლილებები, ვინ შეიძლება დატოვოს პოსტი და ვისი წასვლა წაადგება საქმესაც და სახელმწიფოსაც. სპეციალისტების აზრი ამ თემაზე გაიყო და მათ ის მინისტრები დაასახელეს, ვისი საქმიანობაც, მათი აზრით, ამ ერთი წლის განმავლობაში, ყველაზე ნაკლებად ეფექტური იყო.
"შესაძლოა ეს ცვლილება ბატონ ალასანიას სახელს უკავშირდებოდეს, ვინაიდან იგი პრემიერმა რამდენჯერმე ჯარისკაცების მოწამვლასთან დაკაშვირებით ახსენა. თუმცა, იმედი მაქვს ეს ცვლილება მას არ შეეხება, ვინაიდან მიმაჩნია, რომ კარგი მინისტრია.
"ასევე არაა გამორიცხული აქ ფინანსთა მინისტრიც იგულისხმებოდეს, ვინაიდან როგორც ვიცი, რაღაც პრობლემები შეიქმნა ბიუჯეტში 400-მილიონიანი გარღვევაა, ასევე ქვეყანაში ეკონომიკური სტაგნაციაა და შესაძლოა ეკონომიკის მინისტრთანაც არსებობდეს გარკვეული კითხვის ნიშნები.
"თუმცა, არ მგონია მინისტრთა კაბინეტში ადგილი რადიკალურ ცვლილებებს ჰქონდეს. შეიძლება 1-2 მინისტრი შეიცვალოს, მაგრამ დიდ ცვლილებებს ეჭვის თვალით ვუყურებ," - გვითხრა საერთაშორისო და უსაფრთხოების საკითხების კვლევის ცენტრის ხელმძღვანელმა ნიკა ჩიტაძემ.
ჯონდი ბაღათურიას აზრით, ზოგადად მთავრობას, აქამდე რამე განსაკუთრებული ნაბიჯები არ გადაუდგამს და ამიტომ, განახლებას მოითხოვს. მისი თქმით, იქ ძალიან ბევრი წესიერი ადამიანი მუშაობს, მაგრამ მარტო წესიერება და ივანიშვილთან ახლობლობა არაა საკმარისი იმისთვის, რომ ადამიანი მინისტრი იყოს ან რამე დიდი პოსტი ეკავოს.
"შემიძლია დავასახელო 3 ძალიან ჩავარდნილი სფერო, სადაც შესამჩნევი წინსვლაა - ესაა შინაგან საქმეთა, სასჯელაღსრულებისა და ჯანდაცვის სამინისტროები. აქ საკითხისადმი სერიოზული საქმიანი და გულწრფელი დამოკიდებულებაა. ამ უწყებებში წინსვლა ნამდვილად თვალშისაცემია და შეუძლებელია ეს არ დაინახო.
"გარდა ამ სამი მინისტრისა, რა თქმა უნდა, ანგარიშგასაწევი მინისტრია ირაკლი ალასანიაც თავისი კავშირებითა და პარლამენტში მისი გუნდით. წესიერი და პატიოსანი კაცი ჩანს დევნილთა მინისტრიც, ჩანს რომ მონდომებულიცაა, მაგრამ რეალური ფორმირება სამინისტროში არ შეიმჩნევა", - ამბობს ბაღათურია და დასძენს, რომ კარგი იქნება, თუ მინისტრთა კაბინეტის განახლება რეალური იქნება, მაგრამ ამას, ამ ეტაპზე არ ელის.
ბევრი მინისტრი იმსახურებს შეცვლას პოლიტოლოგ ხათუნა ლაგაზიძის აზრით. მან ჩვენთან საუბარში წარმატებული და წარუმატებელი მინისტრები ჩამოთვალა და იმედი გამოთქვა, რომ მთავრობა გადახალისდება.
"ნამდვილად არ ვფიქრობ, რომ დღეს მთავრობაში კარგი და უკეთესი მინისტრები არიან, როგორც ეს ივანიშვილმა წინასაარჩევნოდ თქვა. არის რამდენიმე მართლაც კარგი მინისტრი - ჯანდაცვის მინისტრი (დავით სერგეენკო), იფნრასტრუქტურის (დავით ნარმანია), თავდაცვის (ირაკლი ალასანია) და ა.შ. მაგრამ ძალიან ბევრი სამინისტრო კრიტიკას უბრალოდ ვერ უძლებს - განათლების რეფორმა არ დაწყებულა, რაც სასიცოცხლოდ მნიშვნელოვანია, კულტურის სფეროში ასევე სერიოზული ცვლილებებია განსახორციელებელი და კიდევ ბევრ სხვა მიმართულებაშიც. მთლიანობაში, მინისტრთა კაბინეტში ცვლილებები მისასალმებელი და აუცილებელია", - აღნიშნავს ლაგაზიძე.
მინისტრების საზოგადოებაში დამკვიდრებულ იმიჯს აფასებს საზოგადოებრივი კომუნიკაციების მართვის სპეციალისტი არჩილ გამზარდია და ასახელებს მინისტრებს, ვისაც მისი აზრით საზოგადოებაში არცთუ მყარი იმიჯი აქვთ.
"გარკვეული კითხვები მიჩნდება ნოდარ ხადურთან და კახა კალაძესთან დაკავშირებით, რომლებიც საზოგადოებაში ბოლომდე თავისუფლად ვერ რეალიზდებიან. ოპონენტებისა თუ საზოგადოების დამოკიდებულება მათი იმიჯის სტაბილურობას ხელს უშლის. იგივე შემიძლია ვთქვა რეინტეგრაციის მინისტრთან დაკავშირებითაც.
"არიან მინისტრები, რომელთაც საზოგადოებაში უფრო პოზიტიური იმიჯი აქვთ - ინფრასტრუქტურის, სოფლის მეურნეობის მინისტრი შალვა ფიფია, შსს, იუსტიციის", - აცხადებს გამზარდია.
ხალხის მოლოდინი, "ლიდერთა სკოლის" ხელმძღვანელის, ეკონომისტის გია მაისაშვილის აზრით, ყველაზე მეტად, ეკონომიკის მინისტრმა, გიორგი კვირიკაშვილმა ვერ გაამართლა და აქედან გამომდინარე მიიჩნევს, რომ დაკავებული თანამდებობიდან პირველ რიგში ის უნდა განთავისუფლდეს.
"შემიძლია ვთქვა, რომ ყველაზე მთავარი ცვლილება და გადაიარაღება ეკონომიკურ გუნდში უნდა მოხდეს. ესაა დღეს ყველაზე სუსტი და სასიცოცხლო სფერო. ვფიქრობ, ახალ პრემიერს ახლა თაფლობის თვე აქვს და შემდგომ ამ სფეროს ცვლილებით უფრო მეტ სასუნთქ ენერგიას მისცემს", - განაცხადა მაისაშვილმა.
თაკო მათეშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
