მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პრობლემა მოსახლეობაშია და არა მეფეში" - რას ფიქრობენ ცნობილები მონარქიის აღდგენაზე
02:45 / 20-06-2017
ქვეყანაში კონსტიტუციური მონარქიის შემოღების შესახებ პატრიარქის განცხადების შემდეგ, თემას აქტიურად განიხილავენ სოციალურ ქსელებში. საზოგადოებას ამ საკითხთან დაკავშირებით არაერთგვაროვანი მოსაზრება აქვს, - ყველა თავისებურად აფასებს.
საინტერესოა, რას ფიქრობენ საქართველოში კონსტიტუციური მონარქიის, "მეფის ინსტიტუტის" აღდგენასთან დაკავშირებით საზოგადოებისთვის ცნობილი ადამიანები.ლიკა ყაზბეგი, სამოდელო სააგენტოს ხელმძღვანელი:
- ჩვენ ის ერი ვართ, ვისაც კონსტიტუციური მონარქია შეეფერება. თან, ვიცი, რომ ამ საკითხზე დიდი ხანია საუბრობენ და სულმოუთქმელად ველოდები მონარქიის აღდგენას. ვიცი, რომ პატრიარქიც მოწადინებულია, ქვეყანას მონარქი ჰყავდეს. ჩვენ ეს გვჭირდება.
- მაინც რატომ გგონია ასე?
- მგონია, რომ მონარქი რაღაცით შეგვკრავს. ჩვენს დიდებულ წარსულს გაგვახსენებს, რაღაც ძაფებით მასთან მიგვაბამს (საამაყო მეფეები გვყავდა). თან, მიმაჩნია, რომ მონარქია ხელს შეუწყობს ერის გამთლიანებას.
ნიკა წულუკიძე, თეატრმცოდნე:
- რთული საკითხია, რა გითხრათ? სიმბოლური სახით სამეფო ოჯახის არსებობა შეიძლება (როგორც ქვეყნის სასიამოვნო ტრადიცია), ისიც, შორეულ პერსპექტივაში, თუ მაინცდამაინც საქართველოში სამეფო ოჯახი უნდა წარმოვიდგინო.
მაგრამ ეს ყველაფერი ბუნებრივი, ლამაზი და კარგია მაშინ, როცა თავიდანვე მოგდგამს და მასთან კავშირი არც გაწყვეტილა...
დათო გოგიშვილი, ისტორიკოსი:
- საქართველოს ტერიტორიულ მთლიანობის აღდგენამდე, მიმაჩნია, რომ საქართველოსთვის ეს იდეა გაუმართლებელი და მატერიალური ფუფუნებაა. თუ გავითვალისწინებთ იმასაც, რომ ქართულ მენტალურ კორუფციას სერიოზული ინფექციური თვისებები გააჩნია, კონსტიტუციური მონარქიის აღდგენის შემთხვევაში, ქართულ რეალობაში ძალიან არ მინდა დამკვიდრდეს ტერმინები: "მეფის კაზინო", "მეფის შვილის სახინკლე" "მეფის უმცროსი შვილის საუნა" და ა.შ.
- ე.ი. კონსტიტუციური მონარქიის აღდგენის წინააღმდეგი ხარ...
- დიახ, ესენი იმ ბაგრატიონების უშუალო შტოს წარმომადგენლები არიან, რომლებმაც 1801 წელს მუხლებზე დაჩოქილი ქართლ-კახეთის სამეფო რუსეთს ლანგარზე დადებული მიართვეს.
- "მეფის ინსტიტუტის" შემოღება რას გამოიწვევს საქართველოში?
- ეს ყველაფერი საქართველოში დამატებით პარალელური მმართველობითი სტრუქტურების, გაურკვეველი სამართლებრივი წარმომავლობის მქონე გავლენებისა და კლანების ჩამოყალიბებას გამოიწვევს. იქნება ელიტური კორუფციის სტიმულის მიმცემი დიდი საფრთხე.
ისტორიკოსი ვარ და მიმაჩნია, რომ საქართველო დღეს არცერთი ლოგიკითა და კრიტერიუმით კონსტიტუციური მონარქიის აღდგენისათვის მზად არ არის. ევროპის განვითარებულ სახელმწიფოებს მონარქიების შენახვა მილიარდები უჯდებათ. მათ ამის საშუალება აქვთ, საქართველოს - არა.
ზაზა ორაშვილი, რეჟისორი:
- მიმაჩნია, რომ ჩვენი ქვეყნის წინაშე ბევრად დიდი პრობლემები დგას და მეტად პრიორიტეტული საკითხებია გადასაწყვეტი. ეგ საკითხი შეიძლება დადგეს მაშინ, როცა ქვეყანა წელში გაიმართება და ისიც მოსახლეობის სურვილის თანახმად...
ეკა ნიჟარაძე, მსახიობი:
- გუშინ ბატონიშვილი გიორგი მონათლეს... თუ ეს საქართველოს წაადგება, რატომაც - არა. ღვთის წყალობით, გვყავს პატარა უფლისწული...
- როგორ გგონია, დღეს კონსტიტუციური მონარქია საქართველოს სჭირდება?
- ისე, ეგ მართლა არ ვიცი...
თაკო აბაშიძე, მსახიობი:
- საქართველოში "მეფის ინსტიტუტის" არსებობის მომხრე არ ვარ.…ჩემი აზრით, ახალი თავსატეხების ამოხსნას, ჯობია, საქმეს მივხედოთ და ჩვენს ქვეყანას მოვუაროთ. ყველა მოქალაქემ უნდა გააცნობიეროს, რომ თითოეულის ვალია ქვეყნის მოვლა, მასზე ზრუნვა და არა ერთი რომელიმე ადამიანის. მხოლოდ ასე ვიქნებით ნამდვილად დემოკრატიული, ლამაზი და თავისუფალი ქვეყანა!
მოკლედ, რაც ყველაზე მნიშვნელოვანია, ყველამ თავისი საქმე უნდა აკეთოს, ის, რაც ყველაზე კარგად იცის.
- მაგრამ არიან ადამიანები, რომლებიც კონსტიტუციური მონარქიის აღდგენას სერიოზულად ემხრობიან...
- მიემხრონ, ეს მათი უფლებაა.
თამუნა მუსერიძე, ტელე-რადიოწამყვანი:
- მიუხედავად იმისა, რომ ქართველებს ქვეცნობიერად გვინდა მეფე და ეს ფაქტი გვხიბლავს, ვფიქრობ, რომ მონარქიის აღდგენას ძალიან დიდი არეულობა მოჰყვება, რის დალაგებასაც ძალიან დიდი დრო დასჭირდება.
ჩემს თანამშრომლებს ვკითხე ახლა და აღმოჩნდა, რომ თურმე მეფე იმიტომ უნდათ, რომ თვითონ დაიბრუნონ "თავადის ტიტული" და წოდება.
ანუ კვლავაც ჩვენს თავზე და "იმიჯზე" ვფიქრობთ და არა იმაზე, თუ რა წაადგება საქართველოს.
რა თქმა უნდა, ძალიან კარგი იქნება, თუ გვეყოლება ისეთი "პატრონი", ვინც მართლა ქვეყანაზე იზრუნებს და გვეცოდინება, რომ ეს არის ჩვენი მეფე და არანაირი არჩევნები აღარ იქნება საჭირო, მაგრამ ქართველები ცოტა ამაყები ვართ, - ვინმე ოდნავ სხვაზე მეტს თუ მიაღწევს, უკვე ყველას ზევიდან უყურებს.
წარმოიდგინეთ, "თავადობას" რომ დაიბრუნებს, მერე როგორ დაუწყებს სხვას მზერას?
მოკლედ, თვითონ მოსახლეობაშია პრობლემა და არა მეფეში.
ლალი ფაცია
AMBEBI.GE
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლა მეფის ოჯახი შეინახე კიდევ! წავა კორუფცია ტიტულების ჩამორიგებაზე... თანაც, რამდენი თავადი და აზნაური წამოყოფს თავს და პრივილეგიებს მოითხოვს.
გაუმარჯოს მეფეს