მნიშვნელოვანი ინფორმაცია
27
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბიძინა ივანიშვილის ბიზნესცენტრში პოლიტსაბჭოს სხდომა მიმდინარეობს
03:27 / 02-11-2013
საპარლამენტო უმრავლესობის ლიდერი დავით საგანელიძე ადასტურებს, რომ პრემიერ-მინისტრის შემცვლელის პოსტზე შს მინისტრის ირაკლი ღარიბაშვილის კანდიდატურა განიხილება. ამის შესახებ დავით საგანელიძემ ბიძინა ივანიშვილის ბიზნესცენტრში კოალიციის პოლისტსაბჭოს სხდომის დაწყების წინ განაცხადა.
პრემიერის ბიზნესცენტრში უკვე მივიდნენ, საქართველოს ახლად არჩეული პრეზიდენტი გიორგი მარგველაშვილი, თავდაცვის მინისტრი ირაკლი ალასანია, მთავარი პროკურორის მოადგილე ლაშა ნაცვლიშვილი, პარლამენტის თავმჯდომარე დავით უსუფაშვილი, უმრავლეობის წევრები ზაქარია ქუცნაშვილი, დავით ბერძენიშვილი, ირაკლი ჩიქოვანი, გოგი თოფაძე, ზურაბ ტეყმალაძე. ამასთან, ბიზნესცენტრში ასევე მივიდა კახა შარტავაც.
"ქართული ოცნების" აღმასრულებელი მდივნის არმაზ ახვლედიანის ინფორმაციით, პრემიერის კანდიდატურა დღეს დასახელდება და იგი იქნება ერთ-ერთი საუკეთესო.
ჟურნალისტების შეკითხვას განიხილავენ თუ არა პოლიტსაბჭოს სხდომაზე შს მინისტრის კანდიდატურას პრემიერის პოსტზე, არმაზ ახვლედიანმა უპასუხა, რომ გუნდი იმდენად წარმატებული და წელგამართულია, რომ შესაძლებელია ნებისმიერი კანდიდატურა განიხილონ, მათ შორის ალბათ შს მინისტრიც.
მედიის წარმომადგენლების შეკითხვაზე, შესაძლებელია თუ არა რომ შს მინისტრად პრემიერის სახელმწიფო დაცვის სპეციალური სამსახურის უფროსი დაინიშნოს, არმაზ ახვლედიანმა უპასუხა, რომ როგორც ჩანს, ჟურნალისტებმა მასზე მეტი იციან.
ბიძინა ივანიშვილის ბიზნესცენტრში პოლიტსაბჭოს სხდომა უკვე მიმდინარეობს.
საქართველოს პრემიერ-მინისტრი ბიძინა ივანიშვილი დღეს თავის შემცვლელს დაასახელებს. ამ თემაზე კოალიციის პოლიტსაბჭო იმსჯელებს, რის შემდეგაც პრემიერი კანდიდატურას საპარლამენტო უმრავლესობას გააცნობს.
ბიძინა ივანიშვილის შეხვედრა უმრავლესობასთან "ქართული ოცნების" ცენტრალურ ოფისში 15:00 საათისთვის არის დაგეგმილი.
საპარლამენტო უმრავლესობაში აცხადებენ, რომ ბიძინა ივანიშვილს მოქმედი მინისტრთა კაბინეტის ერთ-ერთი წევრი შეცვლის. როგორც უშიშროების საბჭოს მომავალმა მდივანმა, დეპუტატმა ირინა იმერლიშვილმა განაცხადა, "ქართული ოცნების" პოლიტსაბჭო დღევანდელ სხდომაზე იმ მინისტრის შემცვლელზეც იმსჯელებს, რომელიც პრემიერი გახდება.
ამასთან, ამ დროისთვის არსებული ინფორმაციით, პრემიერი ირაკლი ღარიბაშვილი გახდება, მისი შემცვლელი შს მინისტრის პოსტზე კი - სახელმწიფო დაცვის სპეციალური სამსახურის უფროსი ანზორ ჩუბინიძე ან ღარიბაშვილის ახლანდელი მოადგილე ვახტანგ გომელაური.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვინ ხარჯავს ყველაზე მეტს თავდაცვაზე და როგორ გამოიყურება საქართველოს შეირაღებული ძალების შესაძლობები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
