მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაუშვებელია, როცა ქართველი ქალის კერპი სავაში ან სულეიმანია"
23:04 / 01-11-2013
დღეს საქართველოში თითქმის ყველა ოჯახში უყურებენ თურქულ სერიალებს, რომელ არხზეც უნდა გადართოთ, ეკრანიდან თურქული სერიალის გმირები გვიღიმიან, და თუ ადრე სერიალების მოყვარულნი ხუანის, პედროსა და ლუის-ალბერტოს მზეს იფიცებდნენ, ახლა მათი ადგილი სავაშმა, ბორანმა და მუსტაფამ დაიკავა. ჩვენ დავინტერესდით, როგორ აფასებენ ამ მოვლენას სასულიერო პირები და ამ საკითხის განხილვა ზემო ფონიჭალის ყოველთა წმიდათას სახელობის ტაძრის წინამძღვარს, დეკანოზ იოანე წკეპლაძეს ვთხოვეთ:
- ეს ერთი შეხედვით უწყინარი ფილმები ძალიან ცუდად მოქმედებს ადამიანის ფსიქიკაზე, უფრო მეტიც, გონებას რყვნის, იქ არც ეროვნულია რაიმე და არც სულისათვის სასარგებლო. ამ სერიალებში ძალიან ბევრი ისეთი რამ არის, რაც ეწინააღმდეგება ჩვენს ტრადიციებს, სინდის-ნამუსს, ბოლოს და ბოლოს, ქრისტიანობას. ყველაფერს რომ თავი დავანებოთ, ვინ ვისი ცოლია და ვინ ვისი ქმარი, ვერ გაიგებ.
- მამა იოანე, ხშირად ამ სერიალების გმირი კეთილშობილი და ღირსეული კაცია, რომელიც მაყურებელში სიმპათიას იწვევს, შემდეგ კი მის კერპად იქცევა ხოლმე.
- ეს იმიტომ, რომ ყველანაირი საშუალებით ებრძვიან ჩვენს რწმენასა და ტრადიციებს. როგორ შეიძლება ქართველ ქალს ვიღაც მუსტაფა ან სავაში ჰყავდეს კერპად? ქართველი კაცი თავისი ვაჟკაცობით, კეთილშობილებითა და სიბრძნით ყოველთვის გამორჩეული იყო, წინაპრებიც ასეთი გვყავდა, ახლაც არიან ჩვენში ღირსეულნი და მომავალშიც იქნებიან… რასაც ომით ვერ ახერხებდნენ, მშვიდობიანად და უბრძოლველად მოახერხეს. ომებსა და შემოსევებში ოღონდ ტყვედ არ წაეყვანათ და ჩვენი ქალები თავს იკლავდნენ, კლდეზე იჩეხებოდნენ. ზოგჯერ მამაკაცი საკუთარი ხელით კლავდა დედას, დას, მეუღლეს, რომ ისინი მტრების ლუკმად არ ქცეულიყვნენ, ახლა კი თავისი ნებით მიდიან უცხო ქვეყნებში და იქ ათასგვარ საშინელებას სჩადიან.
- სხვათა შორის, მეც მყავს სერიალების მოყვარული ნაცნობები. როდესაც ვეკითხები, რატომ მოსწონთ თუნდაც სავაშ ბალდარი ან ბორანი, ამბობენ, რომ რეალურ ცხოვრებაში ასეთ მამაკაცებს ვერ ხედავენ და ამ პერსონაჟებში თავიანთი იდეალი იპოვეს.
- ეს არ არის ჯანმრთელი მდგომარეობა. რაღა სერიალს უყურებ? - რელიგიური წიგნები, წმინდანების ცხოვრება წაიკითხე და იდეალს იქ დაინახავ. ვერ ხედავ იმიტომ, რომ შენი სულიერი გონება სხვაგან არის მიმართული და არ გინდა დაინახო, თორემ შეიძლება ყოველდღე ხედავდე ამ პერსონაჟებზე უკეთეს ადამიანს. მარტივ შედარებას მოვიყვან: როდესაც მაღაზიაში შედიხარ, ვაშლის ყიდვა თუ გინდა, სხვა რამეს აღარც აკვირდები და რასაც ეძებ, იმას იპოვი. ფილმიც, შენს გონებაზე თუ არ არის მორგებული, რა გაყურებინებს? მართალია, საქართველოში ბევრი მამაკაცი დღეს ვერ არის თავის სიმაღლეზე, მაგრამ ძალიან ბევრია ღირსეულიც. თუნდაც ჩვენს მრევლში ძალიან ბევრ ნიჭიერ, მშრომელ და კარგ ადამიანს ვხედავ, რომელიც მომავალში ბევრ სიკეთეს მოუტანს თავის ხალხსა და ქვეყანას. საბედნიეროდ, ეკლესიები მოგვიმრავლდა, ჩვენი უწმინდესისა და უნეტარესის ყველა სიტყვა სიბრძნეა, მისი მოსმენა ახალგაზრდებსაც უყვართ და ვინც მას უსმენს, აუცილებლად სიკეთის გზას აირჩევს. ადამიანის ბუნება, თუ უფალთან არ არის, უმეტესად დაცემულია, დაცემული ბუნება კი გასართობს ეძებს და პოულობს კიდეც. ამიტომაა მისთვის გმირი სავაში, ბორანი ან სულთან სულეიმანი. ჩემი აზრით, სერიალების ყურება დროის ფლანგვაა და ამის გამო არც უნდა მოცდეს ადამიანი. რომ დაუფიქრდე, საკუთარი ცხოვრება გაიხსენო და წარსულს თვალი გადაავლო, ყველაფერი წამებში გაივლის, ადამიანი ხომ უნდა ჩაფიქრდეს - აქვს კი დრო სავაშისთვის, მუსტაფასთვის ან სულეიმანისთვის? ეს რომ იყოს ისეთი ფილმები, რომელიც რწმენას განგიმტკიცებს, შენს გულში ერთგულებას, სიწმინდესა და კეთილშობილებას გააღვიძებს, მაშინ, კი ბატონო, უყურე, მაგრამ რომ არ არის? თანაც, რეალობას რომ გწყვეტს და გაშორებს?
- მამაო, ზოგიერთ ფილმში თითქოს საგანგებოდ არის წახალისებული არატრადიციული ურთიერთობები, რაც ასევე მიუღებელია ჩვენი რელიგიისათვის.
- საუბედუროდ, ამ ცოდვის დაკანონება სურთ. ამის დასტური იყო 17 მაისს მომხდარი მოვლენებიც. მაშინ გვაბრალებდნენ, სასულიერო პირები უმცირესობის წინააღმდეგ გამოვიდნენო, მაგრამ დამერწმუნეთ, ჩვენ ამ ცოდვის წინააღმდეგ გამოვედით. ყველა ადამიანი ღვთის ხატია, ყველას, ვინც ეკლესიაში მოვა და მხარდაჭერას ითხოვს, ეკლესია გულში ჩაიხუტებს და დაეხმარება ამ ცოდვის მოხსნაში. ჩვენს მტრებს უნდათ ყველას შთააგონონ, რომ ეს ცოდვა არ არის, მაგრამ უფალმა სოდომი და გომორი სწორედ ამის გამო მოსპო, ნუთუ გვინდა, რომ ახალი წარღვნა, ან ახალი სოდომ-გომორი მივიღოთ? ჩვენ მხოლოდ ცოდვის და იმ ადამიანების წინააღმდეგ გამოვდივართ, ვისაც ამ ცოდვის დაკანონება სურს, თორემ ადამიანების წინააღმდეგ - არავითარ შემთხვევაში!
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
