როდის გაიცემა კომპენსაცია სენაკში სტიქიით დაზარალებული ოჯახებისთვის

სენაკში კოკისპირული წვიმის შედეგად ივლისსა და სექტემბერში დაზარალებულ მოსახლეობას კომპენსაცია ამ დრომდე არ მიუღია. სენაკის გამგებელი გოჩა დგებუაძე აცხადებს, რომ მომდევნო კვირას საკრებულო სხდომაზე გადაწყვეტს, როდის გაიცემა დაზარალებულ ოჯახებზე შესაბამისი თანხა.

"ექსპერტიზამ მუშაობა დაასრულა. მთავრობის განკარგულებით თანხა გამოყოფილია, მაგრამ გადმორიცხული ჯერ არ არის. საკრებულოს სხდომის შემდეგ გახდება ყველაფერი ცნობილი. შეიძლება ერთ ოჯახს 100 გადაეცეს, მეორეს კი ზარალი 5000 ლარი ჰქონდეს. რაც ექსპერტიზამ დაუდგინა, ის გადაეცემათ", - განაცხადა გოჩა დგებუაძემ.

კოკისპირული წვიმის შედეგად, სენაკის მუნიციპალიტეტი წელს ორჯერ დაზარალდა.

იხილეთ ვრცლად

livepress.ge