კინომანები დიკაპრიოს ახალი ფილმის მოლოდინში არიან

ინტერნეტში მარტინ სკორსეზეს ახალი ფილმის - The Wolf of Wall Street-ის ტრეილერი გამოჩნდა. ფილმში მთავარ როლს ლეონარდო დიკაპრიო ასრულებს.

ეს სურათი მსახიობისა და რეჟისორის მეხუთე ერთობლივი ნამუშევარია. ცნობილია, რომ კრიმინალური დრამის გადაღებების დაწყება 2008 წელს იგეგმებოდა, მაგრამ მაშინ სკორსეზემ და დიკაპრიომ ვერ მოახერხეს უკვე გაწერილი გრაფიკის ერთმანეთთან შეთანხმება. გავიდა რამდენიმე წელი და კინოინდუსტრიის მოღვაწეები პროექტს კვლავ დაუბრუნდნენ.

ფილმს საფუძვლად უდევს ჯორდან ბელფორტის იგივე სახელწოდების მემუარები. ბელფორტმა უოლ-სტრიტზე ფინანსური იმპერია შექმნა. მოგვიანებით კი ის თაღლითობისთვის გაასამართლეს. გარდა ამისა, ის ებრძოდა ალკოჰოლზე და ნარკოტიკზე დამოკიდებულებას და შეძლო ყველა პრობლემა გადაელახა. ამჟამად ბელფორტი კითხულობს ლექციებს, მოგზაურობს მსოფლიოს გარშემო და თავისი მემუარებით ჰოლივუდს ფილმების გადაღებას შთააგონებს. 

ფილმში სწორედ დიკაპრიო ასრულებს ბროკერის როლს. სურათში დიკაპრიოს უფროსის როლი მეთიუ მაკგონაჰს ერგო.

ფილმის მსოფლიო პრემიერა დეკემბერში უნდა გაიმართოს.

მომზადებულია spletnik.ru-ს მიხედვით.