22
მაისიდღის ზოგადი ასტროლოგიური პროგნოზი
გურჯაანში, ნონოშვილის გამზირზე, 2010 წელს გაკეთებული გზაგამყოფი ფილები ავტოსაგზაო შემთხვევების მიზეზი ხშირად ხდება, რის გამოც, უკმაყოფილებას გურჯაანელები წლებია გამოთქვამენ, თუმცა უშედეგოდ. გზაგამყოფი ზოლის დემონტაჟი ამ დრომდე არ მომხდარა და ავარიული სიტუაციებიც ხშირად იქმნება.
ქალაქში, აღნიშნულ გზაგამყოფთან ბოლო ავარია რამდენიმე დღის წინ მოხდა. ერთმანეთს მოტოციკლი და ჟიგულის მარკის ავტომობილი შეეჯახა. საბედნიეროდ შემთხვევას მსხვერპლი არ მოჰყოლია, მოტოციკლის მძღოლმა ტვინის შერყევა მიიღო და სასწრაფო დახმარების მანქანით გურჯაანის "ჯეოჰოსპიტალსის" საავადმყოფოში გადაიყვანეს. როგორც თვითმხილველები ამბობენ, რომ არა გზაგამყოფი ბეტონის ფილები, ამ შემთხვევის თავიდან აცილება შესაძლებელი იქნებოდა. მათი თქმით, ავარიებს გზაგამყოფი ზოლის მოწყობის შემდეგ მანქანის სავალი ნაწილის დავიწროება იწვევს.
გზაგამყოფის პრობლემა გურჯაანის გამგებლის მოადგილის, ზურა დანელიშვილისთვისაც ცნობილია, თუმცა მისი თქმით, ქალაქის ბიუჯეტში თანხა არ არის და ეს საკითხი შესაძლოა მომავალ წელს მოგვარდეს.
