არჩევნებში მონაწილეობა უკვე 240 732-მა ამომრჩეველმა მიიღო

ამომრჩეველთა აქტივობა 10:00 საათისთვის 6.8 %-ს შეადგენს. ამის შესახებ ცესკო-ს სპიკერმა ეკა აზარაშვილმა დღეს გამართულ ბრიფინგზე განაცხადა.

მისი ინფორმაციით, არჩევნებში მონაწილეობა უკვე 240 732-მა ამომრჩეველმა მიიღო. აზარაშვილის თქმით, ოლქების მიხედვით ყველაზე მეტი - 63360 ამომრჩეველი თბილისში მივიდა.

რაც შეეხება აქტივობის პროცენტულ მაჩვენებელს, ყველაზე მაღალი აქტივობა ამ დროისათვის 12,2 % რაჭა-ლეჩხუმის საარჩევნო ოლქში დაფიქსირდა.

ცესკოს სპიკერის განცხადებით, არჩევნები მშვიდ ვითარებაში მიმდინარეობს და არსებითი დარღვევები არ დაფიქსირებულა.

მისსივე თქმით, რამდენიმე უბანზე მომხდარი პროცედურული ხარვეზები უკვე აღმოფხვრილია. ამასთან, ეკა აზრაშვილი განმარტავს, რომ ბიულეტენები კანონის შესაბამისად არის მიტანილი და საჭიროების შემთხვევაში, ცესკო უბნებზე ბიულეტენებს დაამატებს.

"ინტერპრესნიუსი"