14
აგვისტოდღის ზოგადი ასტროლოგიური პროგნოზი
Grand hyatt Taipei
სასტუმრო Grand hyatt Taipei ტაილანდში მდებარეობს. აქ ვიზიტორებს სთავაზობენ უმაღლესი ხარისხის მომსახურებას, საუკეთესო კერძებს, გასართობ და დასასვენებელ ადგილებს, ყველა პირობაა შექმნილი კარგი დასვენებისთვის, მაგრამ ღამით ძილი შესაძლოა უცნაურმა მოვლენებმა დაგიფრთხოთ. ტურისტულ ფორუმებზე ამის შესახებ უამრავ ინფორმაციას წააწყდებით. ადგილზე, სადაც ახლა სასტუმროა განთავსებული, მეორე მსოფლიო ომის დროს ტყვეთა ბანაკი იყო, სადაც ხალხს სასტიკად აწამებდნენ. ტურისტების განცხადებით, სასტუმროში ღამის საათებში დადიან აჩრდილები, ისმის კივილის, ზოგჯერ კი სიცილის ხმა. ასევე მძიმე ნაბიჯები. ამის მიუხედავად Grand hyatt Taipei -ში დაბინავებაზე უარს არავინ ამბობს.
ძველი სინაგოგა
ეს ძველი სინაგოგა პრაღაში მდებარეობს, ის განთქმულია მამაკაცის მოჩვენებით, რომელიც აქ ცხოვრობს. აჩრდილის შესახებ, რომელსაც სინაგოგაში ხედავენ, სხვადასხვა ლეგენდა არსებობს, ერთ-ერთი ლეგენდის მიხედვით, 1940 წელს, სინაგოგის სხვენში ფაშისტური გერმანიის საიდუმლო აგენტი დაიმალა, რომელიც საიდუმლო ვითარებაში გარდაიცვალა. გერმანიის აგენტი 33 წლის მამაკაცი იყო, პრაღელები ამბობენ, რომ სინაგოგიდან ღამით სწორედ ამ ასაკის მამაკაცის აჩრდილი გამოდის, რომელიც ხანდახან ქუჩებშიც დასეირნობს.
ალკატრასის ციხე
ალკატრასის ციხეში უამრავი პარანორმალური მოვლენა ხდება. იქ ხშირად ხედავენ მოჩვენებებს იმ სამი ახალგაზრდა ბიჭისა, რომლებიც გაქცევის მცდელობის დროს მოკლეს ვიწრო დერეფანში. იქ განსხვავებული წნევაა და ხშირად ესმით ხმები. სამრეცხაოში კი, სადაც ერთი პატიმარი ბადრაგებს მოუკლავთ, ისმის კივილის ხმა. ყველაზე საოცარია ბანჯოს ხმა, რომელიც ყველგან ისმის და ყველა დამთვალიერებელი ამ ხმაზე ერთსა და იმავეს ჰყვება. ამბობენ, რომ ეს ალკაპონეს მოჩვენებაა.
ციხესიმაგრე loftus hall
ამ ციხესიმაგრეს საინტერესო ისტორია აქვს. loftus hall-ი აშენებულია სხვა, დანგრეული ციხესიმაგრის ადგილას. 1870 წელს ძველი შენობა დაანგრიეს და მის ადგილზე ახალი ააშენეს. ლეგენდის მიხედვით, მე-18 საუკუნის მიწურულს ციხესიმაგრეში ერთმა ადამიანმა დააკაკუნა და შესვლა ითხოვა. მასპინძლებმა უარი არ უთხრეს. ვახშმის დროს მეპატრონის ქალიშვილი დაიხარა და დაინახა, რომ სტუმარს გამჭვირვალე ფეხები ჰქონდა. როდესაც გოგონამ დაიყვირა, უცნობი მაშინვე გაქრა და ჭერზე ხვრელი დატოვა. გოგონა მალევე გარდაიცვალა, სახლში კი მოჩვენებები დაბინავდნენ. ოჯახმა სთხოვა მღვდელს, ბოროტი სული განედევნა, სახლი აკურთხეს და ყველაფერი მორჩა, მაგრამ ამბობენ, რომ საწყალი გოგონას სული ახლაც დაძრწის.
იხილეთ ფოტოგალერეა
მოამზადა თამარ ბოჭორიშვილმა
ყოველკვირეული გაზეთი "ყველა სიახლე"
(გამოდის ოთხშაბათობით)
