9
ივლისიდღის ზოგადი ასტროლოგიური პროგნოზი
ალკოჰოლური სასმელების კომპანია "ასკანელი ძმები" პოლონეთში გამართული ნობელის მშვიდობის პრემიის ლაურეატების მსოფლიო სამიტის ერთ-ერთი მხარდამჭერი იყო. მაღალი რანგის სტუმრებისთვის ვარშავაში "ასკანელი ძმების" სასმელების დეგუსტაცია მოეწყო და ქართული სასმელი სამიტის ფარგლებში მოწყობილ საზეიმო ვახშამზეც იყო წარმოდგენილი.
ამასთან დაკავშირებით ვარშავაში კომანიის დამფუძნებელი ჟიმშერ ჩხაიძე-ასკანელი იმყოფება. მისი ინფორმაციით, მშვიდობის დარგში ნობელის პრემიის ლაურეატებს და სამიტზე დამსწრე მაღალი რანგის სტუმრებს საჩუქრად, კონიაკის - "XO"-ს სპეციალური ჩამოსხმა გადაეცა, რომელიც კომპანიამ საგანგებოდ ამ დღეებისთვის დაამზადა.
სამიტის ფარგლებში, რომელიც 21 ოქტომბერს გაიხსნა და დღეს იხურება, მსოფლიოში მშვიდობის მხარდასაჭერად გაიმართა "მშვიდობის კონცერტი". ასევე ჩატარდა მსოფლიოში ცნობილი ქართველი პიანისტის ელისო ბოლქვაძისა და ლიტველი შემსრულებლების სოლო საფორტეპიანი კონცერტი "PIANO FOR PEACE", რომელსაც საქართველოს დელეგაციაც დაესწრო.
მშვიდობის რიგით მე-13 მსოფლიო სამიტზე, ნობელის პრემიის ლაურეატები მსჯელობდნენ იმაზე, თუ რა გამოწვევების და საფრთხის წინაშე დგას მსოფლიო, შეიარაღებული კონფლიქტების, ეკონომიური უთანასწორობის და მიგრაციის ფონზე. მშვიდობის სამიტზე დასასწრებად, ვარშავაში დალაი ლამა და ამერიკელი მსახიობი - შერონ სთოუნი იმყოფებოდნენ.
"კომპანია "ასკანელი ძმებისთვის" დიდი პატივია ამ ღონისძიების მხარდაჭერა. ჩვენ დიდი სიამოვნებით გამოვეხმაურეთ და ჩვენი წვლილი შევიტანეთ ნობელის მშვიდობის სამიტზე. მოხარულები ვართ, რომ მოწვეულმა სტუმრება ჩვენი სასმელი დააგემოვნეს და ქართული პროდუქცია ასეთი მაღალი დონის სამიტზე წარმოვადგინეთ. უნდა აღინიშნოს, რომ "ასკანელი ძმების" პროდუქცია, პოლონელი ხალხისთვისაც არაა უცხო. რადგან უკვე რამდენიმე წელიწადია, ჩვენი კომპანია პოლონეთის ბაზარზე ექსპორტს ახორციელებს" - აცხადებს "ასკანელი ძმების" დამფუძნებელი ჯიმშერ ჩხაიძე-ასკანელი.
მშვიდობის სამიტზე, საქართველოს დელეგაციასთან ერთად, კულტურის მინისტრი გურამ ოდიშარია და საქართველოს საგანგებო და სრულუფლებიანი ელჩი პოლონეთში - ნიკოლოზ ნიკოლოზიშვილიც იმყოფებოდნენ.
კომპანია "ასკანელი ძმები" 15 წლის წინ დაარსდა და სადღეისოდ ერთ–ერთი წამყვანი კომპანიაა ქართულ ალკოჰოლის მწარმოებელ კომპანიებს შორის. კომპანია აწარმოებს 8 სახეობის კონიაკს, 32 დასახელების ღვინოს, 4 დასახელების ჭაჭას. "ასკანელი ძმების პროდუქცია" აღიარებულია საუკეთესოდ და მინიჭებული აქვს 100–ზე მეტი ჯილდო, სხვადასხვა გამოფენებსა და დეგუსტაციებზე. "ასკანელი ძმების" მიერ წარმოებული სასმელები გადის ექსპორტზე 19 ქვეყანაში, მათ შორის აშშ–ში, უკრაინაში, ჩინეთში, გერმანიაში, დიდ ბრიტანეთში, ესტონეთში, ლიტვაში, ლატვიაში, პოლონეთში, ჩეხეთში, ყაზახეთში, ფინეთში, აზერბაიჯანში და ბელორუსიაში.
®
