დღეში 3 ფინჯანი ყავა ღვიძლის კიბოს წინააღმდეგ საუკეთესო საშუალებაა. ექსპერიმენტის ავტორი ექიმი კარლო ლა ვეჩია ამბობს, რომ ყავა კარგია ჯანმრთელობისთვის და განსაკუთრებით სასარგებლოა ღვიძლისთვის.
"ღვიძლის კიბოსთვის ყავის დადებითი ეფექტი შესაძლოა იმასთან იყოს დაკავშირებული, რომ ეს სასმელი საუკეთესოა დიაბეტის თავიდან ასაცილებლად, რომელიც ღვიძლის კიბოს დაავადების მთავარ რისკ-ფაქტორს წარმოადგენს", - ამბობს კარლო ლა ვეჩია.
მკვლევარებმა 1996 წლიდან 2012 წლამდე დაბეჭდილი სტატიების ანალიზით იხელმძღვანელეს. როგორც სამედიცინო ჟურნალში Clinical Gastroenterology and Hepatology დაბეჭდილ სტატიაში ამოიკითხავთ: "მიუხედავად გამოკვლევისა, მაინც გაურკვეველი რჩება, ყავას აქვს ღვიძლის კიბოს პრევენციისთვის ზედნადები როლი თუ არა, რადგანაც დღემდე პრევენციისთვის 3 ძირითადი ხერხი გამოიყენება".
ძირითადად ღვიძლის კიბოს თავიდან ასაცილებლად პაციენტებს ბე ჰეპატიტის ვირუსის ვაქცინაცია უკეთდებათ, ცე ჰეპატიტის ვირუსის გადაცემა კონტროლდება და ალკოჰოლური სასმელების მიღება მცირდება. ღვიძლის კიბოს გამომწვევ რისკ-ფაქტორებში შედის: ალკოჰოლი, სიგარეტი, სიმსუქნე და დიაბეტი.
მომზადებულია Clinical Gastroenterology and Hepatology-ს მიხედვით.