მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი ქალი, რომელიც კოკო შანელის ექსკლუზიური მოდელი გახდა - მერი შერვაშიძე
04:18 / 23-10-2013
მერი შერვაშიძე ერთადერთი ქართველი ქალი იყო, რომლის გარეგნობამ ლეგენდალური ფრანგი დიზაინერის, კოკო შანელის ყურადღება მიიპყრო და მისი მოდის სახლის ექსკლუზიური მოდელი გახდა. მერიმ 1921 წელს სტამბოლში გამართულ მსოფლიო სილამაზის კონკურსში გაიმარჯვა. გადმოცემით ის გალაკტიონ ტაბიძის მუზა იყო.
მერი მაღალი ქალი იყო და მამაკაცებს შავი, ლამაზი თვალებითა და წაბლისფერი თმით ხიბლავდა. როგორც ამბობენ, მას მეგობრების ვიწრო წრე ჰყავდა. ნაცნობები შერვაშიძეს ახასიათებდნენ, როგორც თავმდაბალსა და დიდსულოვან ადამიანს.
მერი 1888 წელს ბათუმში დაიბადა. მამამისი გენერალ-მაიორი პროკოფი შერვაშიძე აფხაზი თავადი, რუსეთის სახელმწიფო დუმის დეპუტატი იყო. პროკოფი შერვაშიძის გარდაცვალების შემდეგ მისი ოჯახი ქუთაისში ცხოვრობდა. შერვაშიძის მეუღლე გიგუშა ერისთავი (გიორგი ქსნის ერისთავი) იყო. 1921 წელს, საქართველოს გაწითლებამდე რამდენიმე დღე რჩებოდა, როცა მერი ბათუმიდან გემით საფრანგეთში გაემგზავრა. გემი რამდენიმე დღით სტამბულში შეჩერდა. სწორედ ამ დროს იმართებოდა სტამბულში მსოფლიო სილამაზის კონკურსი - კონკურსში მერიმ გაიმარჯვა. მერის შვილი არ ჰყოლია, რადგანაც მეუღლე ახალგაზრდა გარდაეცვალა. ხანდაზმული მერი პარიზში, ლატურის ქუჩაზე სრულიად მარტო ცხოვრობდა. მან სიცოცხლის ბოლო წლები მოხუცთა თავშესაფარში გაატარა. თუმცა, ეს არ იყო მიუსაფართა დაწესებულება, მშვენიერ ქალბატონს იქ მოახლეც ჰყავდა. როგორც მერის უახლოესი მეგობარი ბაბო დადიანი იხსენებდა, მერის სახლში სიცოცხლის ბოლომდე ეწყო მისი სილამაზით აღფრთოვანებული ნაცნობ თუ უცნობ თაყვანისმცემელთა გამოგზავნილი ყვავილები. მერი პარიზში მდებარე მოხუცებულთა თავშესაფარში 1986 წელს, 98წლის ასაკში გარდაიცვალა. ის სენტ-ჟენევიევ-დე-ბუას სასაფლაოზე, მეუღლის გვერდით დაკრძალეს. შერვაშიძის უახლოესი მეგობრის, ბაბო დადიანის თხოვნით, კათოლიკოს-პატრიარქმა, უწმინდესმა და უნეტარესმა ილია მეორემ მერის პანაშვიდი საქართველოში, სიონის ტაძარში გადაუხადა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
