მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შავი სიის" ტყვეები - "ვალებით აგებენ "პირამიდებს" და შემდეგ მასში იხრჩობიან"
02:33 / 23-10-2013
"შავი სია" - ასე უწოდებენ საზოგადოებაში საბედისწერო სიას, სადაც ურჩ გადამხდელებს აღრიცხავენ. საქართველოს ეროვნული ბანკის მონაცემებს თუ დავეყრდნობით, მიმდინარე წლის ივნისის ბოლოს ვადაგადაცილებული სესხების რაოდენობა 265. 97 მილიონ ლარს აღწევდა. ამ მტკივნეულ საკითხზე საუბარი ეკონომიკის მეცნიერებათა დოქტორს, პროფესორ მიხეილ თოქმაჯიშვილს ვთხოვეთ:
- პროფესიულ ენაზე ამას ვადაგადაცილებული სესხები ჰქვია. ამ სიაში უნდა გამოვყოთ სესხები, რომლებიც უზრუნველყოფილია ქონებით და მათი საპროცენტო განაკვეთი შედარებით დაბალია, და ისეთი სესხები, რომლებიც ქონებით უზრუნველყოფილი არ არის და მათი საპროცენტო განაკვეთიც დაახლოებით 8-12 პროცენტით მაღალია. დღეს ყველაზე დიდი პრობლემა და საფიქრალი სწორედ ქონებით უზრუნველყოფილი სესხებია, ანუ იმ ხალხის მიერ აღებული ვალი, რომელსაც ქონება უნდა ჩამოერთვას და ეს ფული კომერციულ ბანკს უკან უნდა დაუბრუნდეს.
ყველაზე ცუდ მდგომარეობაში ისინი აღმოჩნდნენ, ვინც ჯერ ერთ ბანკში აიღო ვალი, მერე მის გასასტუმრებლად მეორე ბანკს ან სულაც კერძო მევახშეს მიმართა და მათ ტყვეობაში აღმოჩნდა. ასეთები "პირამიდებს" აგებენ, სამ-ოთხ სესხს იღებენ და ბოლოს ამ "პირამიდაში" იხრჩობიან. ამავე დროს, კომერციული ბანკებიც არ არიან ბოლომდე მართალი - თუ მათ საოპერაციო ხარჯებს დავაკვირდებით, აღმოჩნდება, რომ თანხის 50 პროცენტი სახელფასო ხარჯებზე მიდის, ევროკავშირის ქვეყნებში კი საოპერაციო ხარჯებზე მხოლოდ 30 პროცენტია.
- როგორია ვადაგადაცილებული სესხების სტრუქტურა?
- ვადაგადაცილებული სესხების ნახევარზე მეტი სამეწარმეო სექტორზე მოდის, ფიზიკურ პირებზე გაცემული სესხი კი შედარებით ნაკლებია. დღესდღეობით ძნელია თქმა, რამდენ ადამიანს ან ფირმას აქვს დავალიანება, მაგრამ სესხები გაცემულია ფიზიკურ პირებზეც, შიდა მეურნეობებზეც და ფირმებზეც. არ უნდა ვიფიქროთ, რომ ფირმის ან საწარმოს მიერ აღებული უიმედო ვალი ნაკლები პრობლემაა, რადგან ასეთ დროს საწარმო იყიდება და იქ დასაქმებული ადამიანები ულუკმაპუროდ რჩებიან.
- სად არის ყველაზე ოპტიმალური გამოსავალი ამ სიტუაციიდან?
- თუ ბანკირები შეამცირებენ საოპერაციო ხარჯებს, შემცირდება საპროცენტო განაკვეთი, რომელიც დღეს ძალიან მაღალია - 12-დან 24 პროცენტამდეც კი ადის. საპროცენტო განაკვეთის შემცირება იქნება ერთ-ერთი პირობა იმისა, რომ ადამიანებმა შეღავათი იგრძნონ. მეორე პირობაა სესხების რესტრუქტურიზაცია.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
