მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ცოლის მკვლელობაში ბრალდებულს ფსიქიკური პრობლემები ჰქონდა - ქუთაისში დატრიალებული ტრაგედიის მიზეზები
23:42 / 21-10-2013
სამწუხაროდ, კვირა არ გავა, ოჯახის წევრებს შორის დაპირისპირება და დანაშაული რომ არ მოხდეს. შემზარავი მკვლელობა ამჯერად 13 ოქტომბერს, ქუთაისში, საღორიის დასახლებაში მოხდა.
ახალგაზრდა მამაკაცმა მეუღლეს დანით ორი ჭრილობა მიაყენა და სისხლიანი დანით ოთახიდან გარეთ გამოვარდა. ყველაფერი ისე სწრაფად მოხდა, რომ სახლში მყოფმა შვილმა სიტუაციის განმუხტვა ვერ შეძლო. 14 წლის ბავშვს დედის განწირული ხმა შემოესმა: "მიშველეთ, მომკლა!" - და ოთახისკენ გაიქცა. იქ შესულს, საშინელი სურათი დახვდა. დაჭრილი დედა ძირს ეგდო, განძრევას ვეღარ ახერხებდა და შვილს მხოლოდ ეს უთხრა, - შვილო მიშველე, დაჭრილი ვარო.
სასოწარკვეთილი ბავშვი გარეთ გამოვარდა და დაინახა მამამისი, რომელიც სისხლიანი დანით ხელში იდგა. მანაც მას შესჩივლა - დედა შველას ითხოვსო. ამ სიტყვებმა მამაკაცი თითქოს გამოაფხიზლა, "სასწრაფოს" ნომერი აკრიფა და ექიმებს დახმარება სთხოვა. როგორც ამბობენ, დამნაშავე მამაკაცი ცოლის გადარჩენას შეეცადა, "სასწრაფოს" გაჰყვა კიდეც, მაგრამ მიყენებული ჭრილობები სასიკვდილო აღმოჩნდა და ქალი საავადმყოფოში მიყვანისთანავე გარდაიცვალა.
სამართალდამცავებმა ამ ფაქტზე სისხლის სამართლის საქმე განზრახ მკვლელობის მუხლით აღძრეს და მკვლელობიდან რამდენიმე საათში, 45 წლის კობა თ. დააკავეს. ოჯახის ახლობლებმა თავდაპირველად ასეთი ინფორმაცია გაავრცელეს, - ბრალდებული დანაშაულს არ აღიარებს, ამბობს, რომ ცოლთან შელაპარაკება მოუხდა, დაპირისპირების დროს ცოლს ხელში დანა ეჭირა და იმ დანაზე დაეცაო. მაგრამ ეს ვერსია აბსურდული აღმოჩნდა, რადგან გარდაცვლილს ორი შემავალი ჭრილობა ზურგში აქვს მიყენებული. შემთხვევის ადგილიდან ამოღებულია მკვლელობის იარაღი - დანა. სამართალდამცავთა ინფორმაციით, ბრალდებული დანაშაულს აღიარებს. მკვლელობის მიზეზად, ეჭვიანობის ნიადაგზე ცოლ-ქმარს შორის მომხდარ შელაპარაკებას ასახელებენ.
ბრალდებულის ახლობლებმა კობა თ-ს დაცვა ადვოკატ ლედი ტუკვაძეს შესთავაზეს, ამიტომ დეტალების გასარკვევად, მას დავუკავშირდით.
ლედი ტუკვაძე:
- ჯერ არ მაქვს გადაწყვეტილი, ჩავერთვები თუ არა ამ საქმეში. ჩემთვის ყველაზე მთავარია, არასრულწლოვანი ბავშვების უფლებები არ დაირღვეს. მათ ორი ვაჟი ჰყავთ, ერთ-ერთი - ფაქტის თვითმხილველია. ისინი უმძიმეს მდგომარეობაში არიან და მათთან გასაუბრების შემდეგ გადავწყვეტ, დავიცავ თუ არა ბრალდებულს. გამოძიებით ჯერჯერობით არ არის დადგენილი მკვლელობის დეტალები. შეიძლება, ეს იყოს აფექტის მდგომარეობაში ჩადენილი დანაშაული, მაგრამ ჯერ ვერაფერს გეტყვით, ყველაფერი გასარკვევია. ვადასტურებ, რომ მკვლელობის მიზეზად ეჭვიანობას ასახელებენ. როგორც ახლობლებისგან ვიცი, სახლში დაბრუნებულმა მამაკაცმა თავისი ცოლის სატელეფონო საუბარი მოისმინა და ეს გახდა შელაპარაკების მიზეზი. ჰქონდა თუ არა მამაკაცს ეჭვიანობის მიზეზი, ესეც გასარკვევია. ჩემი ინფორმაციით, ბრალდებულს ფსიქიკური პრობლემები ჰქონდა. ის ავტოავარიაში მოყვა და ამის შემდეგ შეექმნა ჯანმრთელობის პრობლემები. მძიმე ფიზიკური მდგომარეობის გამო, ინვალიდობაც მიანიჭეს და როგორც ფსიქიკური ავადმყოფი, პენსიასაც იღებდა. წამლებსაც სვამდა. ახლობლების მტკიცებით, პატიოსანი ოჯახი ჰქონდათ, ცოლ-ქმარი შვილებთან ერთად ცხოვრობდა, ქალბატონი მედეა არ მუშაობდა, შვილების აღზრდით და საოჯახო საქმეებით იყო დაკავებული. მამაკაცი არჩენდა ოჯახს. ამბობენ, მათ შორის კონფლიქტი ადრე არასდროს ყოფილა. მათი გადმოცემით, ქალი სამზარეულოში საჭმელს ამზადებდა, ამ დროს დარეკა ტელეფონმა. სამზარეულოს დანით ხელში, ქალი ყურმილის ასაღებად მეორე ოთახში გავიდა და კარი მიხურა. ვიღაც ქალს ესაუბრებოდა. როგორც ბრალდებული ირწმუნება, საუბარი შეეხებოდა ვიღაც მამაკაცს. ამ დიალოგს მოულოდნელად შეესწრო სამსახურიდან დაბრუნებული მეუღლე. ეს საუბარი გახდა ეჭვიანობის მიზეზი. შელაპარაკდნენ და ყველაფერი წამებში მოხდა. ბავშვი ოთახში რომ შევიდა, დედა შეეხვეწა, გადამარჩინეთო. მამაკაცი ამბობს, რაც მოისმინა, მისთვის იმდენად შეურაცხმყოფელი იყო, რომ გაღიზიანდა და დანაშაული აფექტის მდგომარეობაში ჩაიდინა. ცხადია, სახეზეა უბედური შემთხვევა. ჰქონდა თუ არა საფუძველი მამაკაცს ეჭვიანობის, გამოძიებით გაირკვევა. ექსპერტიზაც ბევრ რამეს დაადგენს, ამიტომ დაველოდოთ გამოძიებას. ბავშვები დედის ცხედართან გაოგნებულები დგანან. ბრალდებულის ნათესავები თავს ვალდებულად თვლიან, რომ სიმართლე გაირკვეს. თუ დამტკიცდება აფექტის მდგომარეობაში ჩადენილი მკვლელობა, მაშინ ბრალდებულმა მკვლელობისთვის უნდა აგოს პასუხი. მათ მხოლოდ სიმართლე აინტერესებთ. ერთი წესიერი ოჯახი იყო, მშვიდი, გაწონასწორებული, არასოდეს ჰქონიათ პრობლემები, სამწუხაროდ, ყველაფერი ტრაგიკულად დასრულდა. ცოლ-ქმარს შორის რა ხდებოდა, ეს არავინ იცის.
გავრცელებული ინფორმაციით, მოკლული ქალი თავის ახლობელ ქალბატონს უყვებოდა, რომ ვიღაც მამაკაცი გამუდმებით ურეკავდა და მასთან ერთად ქვეყნის დატოვებასა და რუსეთში წასვლას სთხოვდა. ქალი ამბობდა, ამ კაცს ვერ ვიცილებ და ვერ გავაგებინე, ამ გადაწყვეტილებას რომ ვერ მივიღებ, რადგან ქმარი და შვილები მყავსო. სავარაუდოდ, ეს სიტყვები გახდა მამაკაცის ეჭვიანობის მიზეზი. რამდენად რეალურია ეს ინფორმაცია, არსებობდა თუ არა საერთოდ მამაკაცი, რომელიც ქალს ამ ტექსტს ეუბნებოდა, - ეს და სხვა მნიშვნელოვანი დეტალები ალბათ გამოძიებით გახდება ცნობილი. შედეგი უმძიმესია, არასრულწლოვანი ბიჭები მშობლების გარეშე დარჩნენ. დედა მათ მამამ მოუკლა და ალბათ მათზე ზრუნვა მოხუც ბებიასა და ნათესავებს მოუწევთ. თურმე ბიჭები დედის ცხედარს არ შორდებიან.
თეა ხურცილავა
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
