ძირკოკში ადრეული შუა საუკენეების ეკლესია აღმოაჩინეს

გურჯაანის სოფელ ძირკოკიდან დაახლოებით 3-4 კილომეტრში, ტყეში, ნახევრად დანგრეული ეკლესია აღმოაჩინეს. გურჯაანის გამგეობის კულტურის, განათლებისა და სოციალური განვითარების სამსახურის, ძეგლთა დაცვის სფეროს სპეციალისტის, თამაზ მარკოზაშვილის თქმით, შენობა ადრეულ შუა საუკენეებს განეკუთვნება.

"ადგილობრივების დახმარებით ვიპოვე ძველი ბაზილიკა, რომელიც ნახევრად დანგრეული და დაზიანებულია. კედლები დაახლოებით ორი მეტრის სიმაღლეზეა შემორჩენილი, სახურავი ჩაქცეულია. ნალისებური აბსიდა აქვს და ვიზუალურად ადრეულ შუა საუკუნეებს განეკუთვნება. ეკლესიის გარშემო სიპი ქვის ფრაგმენტებია განლაგებული - ძველისძველი საფლავები, მას საოჯახო აკლდამებს ვეძახით. საკურთხეველს ნალისებური მოყვანილობა აქვს, რომელიც სიძველის ერთ-ერთი ნიშანია", - აღნიშნა თამაზ მარკოზაშვილმა.

აღსანიშნავია, რომ ძეგლი არც ერთ ისტორიულ წყაროში და ოფიციალურ დოკუმენტში არ არის მოხსენიებული, ის უცნობია მეცნიერებისთვისაც.

იხილეთ ვრცლად

”სპექტრი”