სულ რა­ღაც ერთი კვი­რა დარ­ჩა და რი­გით მე­ო­თხე პრე­ზი­დენ­ტის ვი­ნა­ო­ბა ცნო­ბი­ლი იქ­ნე­ბა. თუ პირ­ველ­სა­ვე ტურ­ში "ქარ­თუ­ლი ოც­ნე­ბის" პრე­ზი­დენ­ტო­ბის კან­დი­და­ტი გი­ორ­გი მარ­გვე­ლაშ­ვი­ლი 50%-ს არ მი­ი­ღებს, მე­ო­რე ტუ­რის და­ნიშ­ვნის შემ­თხვე­ვა­შიც კი პრაქ­ტი­კუ­ლად უკვე წი­ნას­წარ იქ­ნე­ბა ცნო­ბი­ლი, ვინ იქ­ნე­ბა პრე­ზი­დენ­ტი. ერთი მხრივ, მარ­გვე­ლაშ­ვილ­მა უკვე რამ­დენ­ჯერ­მე გა­ნა­ცხა­და, რომ მე­ო­რე ტურ­ში მო­ნა­წი­ლე­ო­ბას არ მი­ი­ღებს და, შე­სა­ბა­მი­სად, მე­ო­რე ტურ­ში გა­და­სუ­ლი მე­ო­რე­ად­გი­ლო­სა­ნი კან­დი­და­ტი ერთი ხმის მი­ღე­ბის პი­რო­ბებ­შიც კი პრე­ზი­დენ­ტი ხდე­ბა.

ექ­სპერტთა უმ­რავ­ლე­სო­ბა ასეთ სცე­ნარს ნაკ­ლე­ბად სა­ვა­რა­უ­დოდ მი­იჩ­ნევს. მათი აზ­რით, თუკი გა­მარ­ჯვე­ბუ­ლი პირ­ველ­მა ტურ­მა ვერ გა­მო­ავ­ლი­ნა, "ოც­ნე­ბის" მიერ და­ა­ნონ­სე­ბუ­ლი მე­ო­რე ტუ­რის ბო­ი­კო­ტის გა­და­წყვე­ტი­ლე­ბა გა­და­ი­ხე­დე­ბა. ამ შემ­თხვე­ვა­ში კი მარ­გვე­ლაშ­ვილს პრე­ზი­დენ­ტო­ბა გა­რან­ტი­რე­ბუ­ლი აქვს - ექ­სპერტთა შე­ფა­სე­ბით, თუკი მე­ო­რე ტურ­ში მისი მე­ტო­ქე ბაქ­რა­ძე იქ­ნე­ბა, არ­ჩევ­ნებს გა­მო­თი­შუ­ლი ნინო ბურ­ჯა­ნა­ძის ხმე­ბი მთლი­ა­ნად მარ­გვე­ლაშ­ვილ­თან წავა, ხოლო თუ მე­ო­რე ტურ­ში "ოც­ნე­ბის" კან­დი­დატს ბურ­ჯა­ნა­ძეს­თან მო­უ­წევს და­პი­რის­პი­რე­ბა, გა­მო­თი­შუ­ლი ბაქ­რა­ძის ხმე­ბის უმ­რავ­ლე­სო­ბას ისევ და ისევ მარ­გვე­ლაშ­ვი­ლი მი­ი­ღებს.

სოსო ცის­კა­რიშ­ვი­ლი აცხა­დებს, რომ "არ­ჩევ­ნე­ბის პირ­ველ­სა­ვე ტურ­ში დას­რუ­ლე­ბის შე­საძ­ლებ­ლო­ბა 50%-ია. ხოლო საით გა­და­ი­წევს სას­წო­რის პინა, ამა­ზე პა­სუხს ამომ­რჩე­ვე­ლი გას­ცემს".

ხა­თუ­ნა ლა­გა­ზი­ძის გან­ცხა­დე­ბით, "მე­ო­რე ტუ­რის ალ­ბა­თო­ბა არ დად­გე­ბა და მარ­გვე­ლაშ­ვი­ლი პირ­ველ­სა­ვე ტურ­ში მო­ი­გებს". იგი მე­ო­რე ტუ­რის ალ­ბა­თო­ბას უშ­ვებს მხო­ლოდ იმ შემ­თხვე­ვა­ში, თუკი ცოტა ამომ­რჩე­ვე­ლი მივა არ­ჩევ­ნებ­ზე ან თუ ზეს­კან­და­ლუ­რი რამ მოხ­და, მა­გა­ლი­თად, რა­ი­მე სკან­და­ლუ­რი ფა­რუ­ლი ჩა­ნა­წე­რის გავ­რცე­ლე­ბა, ან, ვთქვათ, ბაჩო ახა­ლა­ი­ას შე­საძ­ლო გა­მარ­თლე­ბა.

"ის, რომ შე­საძ­ლოა, ამომ­რჩე­ველ­თა მცი­რე რა­ო­დე­ნო­ბა მი­ვი­დეს არ­ჩევ­ნებ­ზე, ბუ­ნებ­რი­ვია.

უპირ­ვე­ლეს ყოვ­ლი­სა, ეს იმი­ტომ, რომ ეს არ­ჩევ­ნე­ბი არ არის გა­დარ­ჩე­ნა-არ­გა­დარ­ჩე­ნას შო­რის ბრძო­ლა, ისე­თი რო­გო­რიც გა­სუ­ლი წლის, ან 2008 წლის ან 2003 წლის არ­ჩევ­ნე­ბი იყო. ჩვენ­თან არ­ჩევ­ნე­ბით პო­ლი­ტი­კუ­რი პარ­ტი­ე­ბი კი არ იც­ვლე­ბოდ­ნენ, არა­მედ - პო­ლი­ტი­კუ­რი ეპო­ქე­ბი. არ­სე­ბუ­ლი სა­ხე­ლი­სუფ­ლე­ბო ძა­ლის ჩა­მო­შო­რე­ბის სხვა გზა არ იყო და არ­ჩევ­ნებ­ზე მი­სას­ვლე­ლად ამომ­რჩე­ველ­თა მო­ტი­ვა­ცი­აც ამი­ტომ იყო მა­ღა­ლი. დღეს ამის აუ­ცი­ლებ­ლო­ბა არ დგას. ნე­ბის­მი­ე­რი კან­დი­და­ტის გა­მარ­ჯვე­ბა სტა­ბი­ლუ­რო­ბას საფრ­თხეს არ უქ­მნის, იმი­ტომ, რომ პრე­ზი­დენტს შე­ზღუ­დუ­ლი ძა­ლა­უფ­ლე­ბა აქვს. ამი­ტო­მაც შე­იძ­ლე­ბა ცოტა ამომ­რჩე­ვე­ლი მი­ვი­დეს სა­არ­ჩევ­ნო ყუთ­თან.

"მე­ო­რე მი­ზე­ზი, რა­ტო­მაც შე­იძ­ლე­ბა ამომ­რჩე­ვე­ლი პა­სი­უ­რი გახ­დეს, ისაა, რომ პრე­ზი­დენტს დიდი უფ­ლე­ბე­ბი აღარ აქვს.

"და მე­სა­მე - მუდ­მი­ვად ქა­რიზ­მა­ტულ ლი­დე­რებს ვი­ყა­ვით შეჩ­ვე­უ­ლი, დღეს კი არ­ცერ­თი კან­დი­და­ტი არ არის ქა­რიზ­მა­ტუ­ლი და არ­ჩე­ვა­ნის გა­სა­კე­თებ­ლა­დაც ნაკ­ლე­ბი ენ­თუ­ზი­აზ­მია", - ამ­ბობს ლა­გა­ზი­ძე.

მისი თქმით, თუკი სა­არ­ჩევ­ნო უბ­ნებ­ზე მცი­რე რა­ო­დე­ნო­ბის ამომ­რჩე­ვე­ლი მივა, მათი უმე­ტე­სო­ბა "ნა­ცი­ო­ნა­ლუ­რი მოძ­რა­ო­ბის" მხარ­დამ­ჭე­რი იქ­ნე­ბა, რად­გა­ნაც ყვე­ლა­ზე ორ­გა­ნი­ზე­ბუ­ლი და მო­ტი­ვი­რე­ბუ­ლი ამომ­რჩევ­ლე­ბი სწო­რედ მათ ჰყავთ.

"ყვე­ლა­ზე სტრუქ­ტუ­ი­რე­ბუ­ლი და გა­მოც­დი­ლი ძალა "ნა­ცი­ო­ნა­ლუ­რი მოძ­რა­ო­ბაა", მათ შო­რის რე­გი­ო­ნებ­ში გა­მარ­თუ­ლი პარ­ტი­უ­ლი სტრუქ­ტუ­რე­ბით და წარ­მო­მად­გენ­ლე­ბით სა­არ­ჩევ­ნო კო­მი­სი­ებ­შიც. ისი­ნი ქუდ­ზე კა­ცის პრინ­ცი­პით გავ­ლენ არ­ჩევ­ნებ­ზე და ხელ­შე­სა­ხებ შე­დეგს და­დე­ბენ.

"ასე­თი­ვე მო­ტი­ვი­რე­ბუ­ლი არი­ან ბურ­ჯა­ნა­ძის მხარ­დამ­ჭე­რე­ბიც, რომ­ლე­ბიც საპ­რო­ტეს­ტო ელექ­ტო­რატს წარ­მო­ად­გე­ნენ და, რო­გორც წესი, საპ­რო­ტეს­ტო ელექ­ტო­რა­ტი ყო­ველ­თვის აქ­ტი­უ­რია. თუ გა­მო­ცხა­დე­ბა და­ბა­ლი იქ­ნე­ბა, ხმე­ბი, რა თქმა უნდა, ოპო­ზი­ცი­ურ კან­დი­და­ტებს შო­რის გა­ი­ყო­ფა და მე­ო­რე ტუ­რის ალ­ბა­თო­ბას ეს გა­მო­იწ­ვევს.

"პრე­მი­ერ­მაც, როცა მე­ო­რე ტუ­რის მი­უ­ღებ­ლო­ბა­ზე ილა­პა­რა­კა, გათ­ვლა ელექ­ტო­რა­ტის მო­ბი­ლი­ზე­ბა­ზე გა­ა­კე­თა და კო­ა­ლი­ცია ყვე­ლა­ფერს იღო­ნებს იმი­სათ­ვის, რომ არ­ჩევ­ნე­ბი პირ­ველ­სა­ვე ტურ­ში დას­რულ­დეს", - დას­ძენს ლა­გა­ზი­ძე.

სცე­ნა­რი #1 - ყვე­ლა­ფე­რი პირ­ველ ტურ­ში სრულ­დე­ბა

პო­ლი­ტო­ლო­გე­ბის პროგ­ნო­ზით, თუ ბი­ძი­ნა ივა­ნიშ­ვი­ლის საპ­რე­ზი­დენ­ტო კან­დი­და­ტი გი­ორ­გი მარ­გვე­ლაშ­ვი­ლი მო­ი­გებს პირ­ველ ტურ­ში, და­მარ­ცხე­ბულ­თა მხრი­დან იქ­ნე­ბა მცი­რე­ო­დე­ნი უკ­მა­ყო­ფი­ლე­ბა, თუმ­ცა ამას რა­ი­მე, თუნ­დაც მცი­რე­მას­შტა­ბი­ა­ნი საპ­რო­ტეს­ტო აქ­ცია, არ მოჰ­ყვე­ბა.

"პროგ­ნო­ზე­ბი უმა­დუ­რი საქ­მეა, მაგ­რამ თუ მარ­გვე­ლაშ­ვი­ლი პირ­ველ ტურ­ში გა­ი­მარ­ჯვებს, ეს ისე­თი დიდპ­რო­ცენ­ტი­ა­ნი გა­მარ­ჯვე­ბა მა­ინც ვერ იქ­ნე­ბა, რო­გორც ბი­ძი­ნა ივა­ნიშ­ვილს სურს", - ამ­ბობს სო­ცი­ა­ლურ და პო­ლი­ტი­კურ მეც­ნი­ე­რე­ბა­თა ფა­კულ­ტე­ტის პრო­ფე­სო­რი კორ­ნე­ლი კა­კა­ჩია.

მისი თქმით, თუ მარ­გვე­ლაშ­ვილ­მა გა­ი­მარ­ჯვა, მაგ­რამ ბურ­ჯა­ნა­ძე მე­ო­რე ად­გილ­ზე გა­ვი­და და ხმე­ბის დიდი რა­ო­დე­ნო­ბა მო­აგ­რო­ვა, შე­საძ­ლოა, მან და­ჩაგ­რუ­ლის იმი­ჯი შე­იქ­მნას. პრე­ტენ­ზია ექ­ნე­ბა, რომ "ქარ­თუ­ლი ოც­ნე­ბის" რე­ა­ლუ­რი კონ­კუ­რენ­ტი მისი პო­ლი­ტი­კუ­რი ძა­ლაა და პარ­ლა­მენ­ტი დღე­ვან­დელ პო­ლი­ტი­კურ ძალ­თა ბა­ლანსს არ ასა­ხავს. ამი­ტო­მაც შე­საძ­ლოა ახა­ლი ხე­ლი­სუფ­ლე­ბა აი­ძუ­ლოს, რომ ვა­დამ­დე­ლი სა­პარ­ლა­მენ­ტო არ­ჩევ­ნე­ბი ჩა­ა­ტა­როს.

"მე­ო­რე ტურს გა­მოვ­რი­ცხავ, თუ რა­ი­მე ზეს­კან­და­ლუ­რი არ მოხ­და", - ამ­ბობს ხა­თუ­ნა ლა­გა­ზი­ძე.

- მისი თქმით, რა მას­შტა­ბის შო­კიც მი­ი­ღო შარ­შან სა­ზო­გა­დო­ე­ბამ ცი­ხის კად­რე­ბის გავ­რცე­ლე­ბით, ასე­თი­ვე შოკი თუ მი­ი­ღო სა­ზო­გა­დო­ე­ბამ, მე­ო­რე ტური იქ­ნე­ბა.

მისი აზ­რით, ბაჩო ახა­ლა­ი­ას გა­მარ­თლე­ბა იქ­ნე­ბა სე­რი­ო­ზუ­ლი დარ­ტყმა, თუმ­ცა ჰგო­ნია, რომ თუ ამ კონ­კრე­ტულ საქ­მე­ზე გა­მა­მარ­თლე­ბე­ლი გა­ნა­ჩე­ნი დად­გა, პრო­კუ­რა­ტუ­რას მის წი­ნა­აღ­მდეგ ალ­ბათ კი­დევ ექ­ნე­ბა რა­ღაც მო­რი­გი საქ­მე.

ლა­გა­ზი­ძი­სა­გან გან­სხვა­ვე­ბით, ექ­სპერ­ტე­ბის უმე­ტე­სი ნა­წი­ლი მი­იჩ­ნევს, რომ დიდი ალ­ბა­თო­ბით, მე­ო­რე ტური მო­სა­ლოდ­ნე­ლია. მი­ზე­ზი ბევ­რია: პირ­ვე­ლი - სხვა­დას­ხვა სო­ცი­ო­ლო­გი­უ­რი კვლე­ვით მარ­გვე­ლაშ­ვი­ლი 50%-ს ვერ აგ­რო­ვებს; მე­ო­რე – მარ­გვე­ლაშ­ვილს ცნო­ბა­დო­ბის პრობ­ლე­მა აქვს; და მე­სა­მე – წლე­ვან­დელ არ­ჩევ­ნებ­ზე ძა­ლი­ან ბევ­რი წამ­ყვა­ნი და ცნო­ბი­ლი პო­ლი­ტი­კო­სი იყ­რის კენ­ჭს და ერთ კან­დი­დატს პირ­ველ­სა­ვე ტურ­ში სა­ჭი­რო ხმე­ბის დაგ­რო­ვე­ბა გა­უ­ჭირ­დე­ბა.

სცე­ნა­რი #2 - მარ­გვე­ლაშ­ვი­ლი VS ბაქ­რა­ძე

თუკი მე­ო­რე ტურ­ში მარ­გვე­ლაშ­ვი­ლი და ბაქ­რა­ძე და­უ­პი­რის­პირ­დე­ბი­ან ერ­თმა­ნეთს, ბურ­ჯა­ნა­ძის მომ­ხრე­ე­ბის მხრი­დან იქ­ნე­ბა მცი­რე პრო­ტეს­ტი, შე­საძ­ლოა, პა­ტა­რა აქ­ცი­აც, ბურ­ჯა­ნა­ძის ხმე­ბი კი მარ­გვე­ლაშ­ვი­ლის სა­სარ­გებ­ლოდ გა­და­ნა­წილ­დე­ბა და გა­მარ­ჯვე­ბა მარ­გვე­ლაშ­ვილს დარ­ჩე­ბა.

პო­ლი­ტო­ლოგ რა­მაზ საყ­ვა­რე­ლი­ძის გან­ცხა­დე­ბით, ის დიდი ხა­ნია, მე­ო­რე ტუ­რის ალ­ბა­თო­ბას პროგ­ნო­ზი­რებს და თა­ვი­სი ვერ­სი­ის უკან წა­ღე­ბის მი­ზეზს ჯერ­ჯე­რო­ბით ვერ ხე­დავს.

რა­მაზ საყ­ვა­რე­ლი­ძე: "პრე­მი­ე­რიც და მარ­გვე­ლაშ­ვი­ლიც და­ბე­ჯი­თე­ბით ამ­ბო­ბენ, ყვე­ლა­ფე­რი პირ­ველ ტურ­ში გა­და­წყდე­ბაო, თუმ­ცა, რო­დე­საც პრე­მი­ერ­მა მე­ო­რე ტურ­ში მარ­გვე­ლაშ­ვი­ლის არ­მო­ნა­წი­ლე­ო­ბის ფორ­მუ­ლა გა­ახ­მა­უ­რა, ამით გა­მოჩ­ნდა, რომ მას პირ­ველ ტურ­ში ვერ­გა­მარ­ჯვე­ბაც დაშ­ვე­ბუ­ლი აქვს.

"მე­ო­რე ტუ­რის ალ­ბა­თო­ბას ვუშ­ვებ იმი­ტომ, რომ წლე­ვან­დელ არ­ჩევ­ნებ­ზე ძა­ლი­ან ბევ­რი წამ­ყვა­ნი და ცნო­ბი­ლი პო­ლი­ტი­კო­სი იყ­რის კენ­ჭს. პო­ლი­ტი­კოს­თა ასე­თი სი­ჭარ­ბე ერთი კან­დი­და­ტის­თვის 50%-მდე ას­ვლას გა­არ­თუ­ლებს. მარ­გვე­ლაშ­ვილს ასე­თი კონ­კუ­რენ­ცი­ის გამ­კლა­ვე­ბა გა­ურ­თულ­დე­ბა. მე­ო­რეც - არის ცნო­ბა­დო­ბის პრობ­ლე­მაც".

რო­გორც საყ­ვა­რე­ლი­ძე ამ­ბობს, ბურ­ჯა­ნა­ძეს არა­ერ­თხელ გა­ნუ­ცხა­დე­ბია, რომ ის პო­ლი­ტი­კუ­რი კურ­სი, რო­მელ­საც ივა­ნიშ­ვი­ლი ად­გას, მის­თვის მი­სა­ღე­ბია და პრე­ტენ­ზი­ე­ბი მხო­ლოდ ამ კურ­სის გა­ტა­რე­ბის ტემ­პთან და ენერ­გი­ას­თან აქვს.

"ბურ­ჯა­ნა­ძეს ის ხალ­ხი მი­ემ­ხრო, რომ­ლე­ბიც სწო­რედ "ნა­ცი­ო­ნა­ლუ­რი მოძ­რა­ო­ბის" წარ­მო­მად­გე­ნელ­თა და­უს­ჯე­ლო­ბის გა­მოა გა­ნა­წყე­ნე­ბუ­ლი და არა­ლო­გი­კუ­რი იქ­ნე­ბა, ამ ამომ­რჩევ­ლებ­მა ბაქ­რა­ძეს და­უ­ჭი­რონ მხა­რი", - გან­მარ­ტავს საყ­ვა­რე­ლი­ძე.

"ბურ­ჯა­ნა­ძე არ არის ის პო­ლი­ტი­კო­სი, რომ თა­ვი­სი ხმე­ბი სხვას გა­უ­ნა­წი­ლოს, თუმ­ცა, მარ­გვე­ლაშ­ვი­ლი ნე­ბის­მი­ერ კონ­კუ­რენ­ტთან მო­ი­გებს", - აცხა­დებს ექ­სპერ­ტი სოსო ცის­კა­რიშ­ვი­ლი.

იმა­ვეს ამ­ბობს კორ­ნე­ლი კა­კა­ჩი­აც.

"მე­ო­რე ტური არ გა­მო­ი­რი­ცხე­ბა და ამას ამ­ბობს ყვე­ლა კვლე­ვა. თვით ივა­ნიშ­ვი­ლი­სა და მარ­გვე­ლაშ­ვი­ლის გან­ცხა­დე­ბე­ბიც მე­ო­რე ტურ­ში არ­მო­ნა­წი­ლე­ო­ბის და­ჟი­ნე­ბის შე­სა­ხე­ბაც ამა­ზე მი­უ­თი­თებს... თუკი მე­ო­რე ტურ­ში მარ­გვე­ლაშ­ვილ­მა იყა­რა კენ­ჭი, ის ყვე­ლა შემ­თხვე­ვა­ში გა­მარ­ჯვე­ბუ­ლია", - აცხა­დებს კორ­ნე­ლი კა­კა­ჩია.

სცე­ნა­რი #3 - მარ­გვე­ლაშ­ვი­ლი VS ბურ­ჯა­ნა­ძე

მარ­თა­ლია, სხვა­დას­ხვა სო­ცი­ო­ლო­გი­უ­რი კვლე­ვის მი­ხედ­ვით, მე­ო­რე ად­გილ­ზე გას­ვლის შან­სი ნინო ბურ­ჯა­ნა­ძეს არ აქვს, თუმ­ცა, თუ გა­მო­კი­თხვე­ბი არ გა­მარ­თლდა და ბურ­ჯა­ნა­ძე მე­ო­რე ტურ­ში მარ­გვე­ლაშ­ვილს და­უ­პი­რის­პირ­დე­ბა, ბაქ­რა­ძის ხმე­ბის დიდი უმე­ტე­სო­ბა მარ­გვე­ლაშ­ვილს და­ე­მა­ტე­ბა და "ნა­ცი­ო­ნა­ლე­ბი" ამ პრო­ცესს სა­კუ­თა­რი ოფი­სი­დან და­აკ­ვირ­დე­ბი­ან.

"ბაქ­რა­ძის ხმე­ბი მარ­გვე­ლაშ­ვილ­თან უფრო წავა, ვიდ­რე ბურ­ჯა­ნა­ძეს­თან, სწო­რედ ამ შე­უ­რი­გებ­ლო­ბის გამო, რო­მელ­საც ბურ­ჯა­ნა­ძე "ნა­ცი­ო­ნა­ლუ­რი მოძ­რა­ო­ბის" მი­მართ ავ­ლენს", - აღ­ნიშ­ნავს საყ­ვა­რე­ლი­ძე.

"მარ­გვე­ლაშ­ვილს თა­ვად "ნა­ცი­ო­ნა­ლე­ბიც" კი და­უ­ჭე­რენ მხარს, ოღონდ ბურ­ჯა­ნა­ძე არ მო­ვი­დეს ხე­ლი­სუფ­ლე­ბა­ში. ის ხალ­ხიც კი მოვა არ­ჩევ­ნებ­ზე, ვი­საც 27 ოქ­ტომ­ბერს და­ე­ზა­რე­ბა სა­არ­ჩევ­ნო ურ­ნას­თან მის­ვლა", - ამ­ბობს ცის­კა­რიშ­ვი­ლი.

რამ­დე­ნად რე­ა­ლუ­რია ივა­ნიშ­ვი­ლი-მარ­გვე­ლაშ­ვი­ლის ბო­ი­კო­ტი

"თუ მე­ო­რე ტურ­ზე მარ­გვე­ლაშ­ვი­ლი უარს იტყვის, ძა­ლი­ან რთულ პრო­ცე­სებ­ში აღ­მოვ­ჩნდე­ბით ჩარ­თუ­ლე­ბი", - აცხა­დებს რა­მაზ საყ­ვა­რე­ლი­ძე.

"მარ­გვე­ლაშ­ვი­ლის არ­მო­ნა­წი­ლე­ო­ბა – ეს სა­კუ­თა­რი ხალ­ხის წი­ნა­შე და­ნა­შა­უ­ლი იქ­ნე­ბა", - აცხა­დებს ხა­თუ­ნა ლა­გა­ზი­ძე.

სოსო ცის­კა­რიშ­ვი­ლის თქმით კი, ეს ემო­ცი­უ­რი გან­ცხა­დე­ბა იყო და დიდი მნიშ­ვნე­ლო­ბა არ უნდა მი­ვა­ნი­ჭოთ. თუმ­ცა ამ­ბობს იმა­საც, რომ ივა­ნიშ­ვი­ლის რჩე­ვის შემ­დეგ ბევ­რად მეტი და­მო­უ­კი­დებ­ლო­ბის ხა­რის­ხი რომ გა­მო­ემ­ჟღავ­ნე­ბი­ნა პრე­ზი­დენ­ტო­ბის კან­დი­დატს, უკე­თე­სი იქ­ნე­ბო­და.

"რო­დე­საც დიდ პო­ლი­ტი­კა­ში მი­დი­ხარ, თავ­მოყ­ვა­რე­ო­ბის კო­ე­ფი­ცი­ენ­ტი შე­იძ­ლე­ბა ოდ­ნავ ბარ­ბა­ცებ­დეს, მაგ­რამ თუ საქ­მე მო­ი­თხოვს და მე­ო­რე ტური აუ­ცი­ლე­ბე­ლი გახ­დე­ბა, მარ­გვე­ლაშ­ვილ­მა ან ბო­ლომ­დე იბ­რძო­ლოს, ან "ნა­ცი­ო­ნა­ლუ­რი მოძ­რა­ო­ბის" შე­მად­გენ­ლო­ბა­ში გა­და­ვი­დეს, იქ უფრო მეტი პა­ტი­ვი ექ­ნე­ბა, რად­გან სხვა პო­ლი­ტი­კურ გუნდში მას აღარ და­ედ­გო­მე­ბა", - ამ­ბობს ცის­კა­რიშ­ვი­ლი.

მე­ო­რე ტურ­ზე უა­რის თქმას პი­ა­რის ნა­წი­ლად მი­იჩ­ნევს კორ­ნე­ლი კა­კა­ჩია – იმის­თვის, რომ ამომ­რჩევ­ლე­ბის მეტი მო­ბი­ლი­ზე­ბა შეძ­ლონ.

"არ მგო­ნია, რომ ასეთ უპა­სუ­ხის­მგებ­ლო გა­და­წყვე­ტი­ლე­ბას მი­ი­ღე­ბენ, იქი­დან გა­მომ­დი­ნა­რე, რომ ქარ­თვე­ლი ამომ­რჩე­ვე­ლის ხმა და­სა­ფა­სე­ბე­ლია და კო­ა­ლი­ცი­ას არ აქვს უფ­ლე­ბა, გა­ბუ­ტუ­ლი ბავ­შვის პოზა და­ი­ჭი­როს. არც ის­ტო­რი­ას არ ახ­სოვს მსგავ­სი რამ.

"ეს გან­ცხა­დე­ბა სე­რი­ო­ზუ­ლი არ არის. მარ­გვე­ლაშ­ვი­ლის მხარ­დამ­ჭე­რებს ბაქ­რა­ძის თუ ბურ­ჯა­ნა­ძის გაპ­რე­ზი­დენ­ტე­ბის გაპ­რო­ტეს­ტე­ბის მო­რა­ლუ­რი უფ­ლე­ბაც კი არ ექ­ნე­ბათ, იმი­ტომ, რომ მათ­მა კან­დი­დატ­მა წი­ნას­წარ და­ა­ა­ნონ­სა, მე­ო­რე ტურ­ში მო­ნა­წი­ლე­ო­ბას არ მი­ვი­ღე­ბო", ამ­ბობს კა­კა­ჩია.

სცე­ნა­რი #4 - მარ­გვე­ლაშ­ვი­ლი მე­ო­რე ტურ­ზე უარს ამ­ბობს

ყვე­ლა­ზე მეტ კი­თხვის ნი­შანს და პო­ლი­ტო­ლოგ­თა კრი­ტი­კას ივა­ნიშ­ვი­ლი-მარ­გვე­ლაშ­ვი­ლის ეს შე­საძ­ლო ბო­ი­კო­ტი აჩენს.

საყ­ვა­რე­ლი­ძე ამ­ბობს, რომ "ყვე­ლა გა­მოკ­ვლე­ვის მი­ხედ­ვით, მე­ო­რე ად­გილ­ზე ბაქ­რა­ძეა, ამის ლო­გი­კით გა­ნა­ცხა­და ივა­ნიშ­ვილ­მა, რომ თუ პირ­ველ ტურ­ში ჩემი კან­დი­და­ტი არ გა­ი­მარ­ჯვებს, მე­ო­რე ტურ­ში არ გა­მო­ვა, დაგ­რჩე­ბათ ბაქ­რა­ძე და "ნა­ცი­ო­ნა­ლე­ბი" დაბ­რუნ­დე­ბი­ა­ნო.

"თუმ­ცა, სო­ცი­ო­ლო­გი­ა­ში არის ნი­უ­ან­სე­ბი. მა­გა­ლი­თად, სა­უ­ბა­რია, რომ ბაქ­რა­ძი­სა და ბურ­ჯა­ნა­ძის ხმებს შო­რის მხო­ლოდ 3-4%-იანი გან­სხვა­ვე­ბაა. ამ მცი­რე სხვა­ო­ბა­ში სტა­ტის­ტი­კა სან­დო აღარ არის. ეს კი იმას ნიშ­ნავს, რომ მათ­გან რო­მე­ლი იქ­ნე­ბა მე­ო­რე, ამის პროგ­ნო­ზი­რე­ბა რთუ­ლია".

საყ­ვა­რე­ლი­ძის თქმით, თუ მე­ო­რე ტურ­ში ბაქ­რა­ძე დარ­ჩა, შე­იძ­ლე­ბა სტი­ქი­უ­რი პრო­ცე­სე­ბი წა­ვი­დეს.

რა­მაზ საყ­ვა­რე­ლი­ძე: "რა­ი­ო­ნებ­ში სა­ზო­გა­დო­ე­ბა "ნა­ცი­ო­ნა­ლე­ბის" მი­მართ ძა­ლი­ან ნე­გა­ტი­უ­რად არის გან­წყო­ბი­ლი და თუ ხალ­ხმა და­ი­ნა­ხა, რომ მე­ო­რე ტურ­ში ბაქ­რა­ძე დარ­ჩე­ბა, ამას მძაფ­რი პრო­ცე­სე­ბი შე­იძ­ლე­ბა მოჰ­ყვეს და ეს აგ­რე­სია არა მარ­ტო "ნა­ცი­ო­ნა­ლე­ბის", არა­მედ "ქარ­თუ­ლი ოც­ნე­ბის" მი­მარ­თუ­ლე­ბი­თაც იქ­ნე­ბა.

"ამ მე­ო­რე ტურ­ზე უა­რის თქმით ივა­ნიშ­ვილ­მა ისე­თი ნა­ბი­ჯი გა­ა­კე­თა, გა­მო­დის "ნა­ცი­ო­ნა­ლე­ბის" მოყ­ვა­ნას უწყობს ხელს. მით უმე­ტეს, არ­გუ­მენ­ტად ის იყო მოყ­ვა­ნი­ლი, რომ თუ პირ­ველ ტურ­ში ვერ გა­ვი­მარ­ჯვებთ, "ნა­ცი­ო­ნა­ლე­ბი" და­წი­ნა­ურ­დე­ბი­ა­ნო. სე­რი­ო­ზუ­ლი უპი­რა­ტე­სო­ბა მი­ე­ნი­ჭა ბაქ­რა­ძეს და ივა­ნიშ­ვილ­მა თით­ქმის თქვა ის, რომ ამით დაგსჯით და "ნა­ცი­ო­ნა­ლე­ბი" დაბ­რუნ­დე­ბი­ა­ნო. მეც ადა­მი­ა­ნი ვარ და ხა­ლი­სიც აღარ მექ­ნე­ბა, ამ ქვეყ­ნის­თვის რამე გა­ვა­კე­თოო. თა­ვი­სი თა­ვის მო­ტი­ვა­ცი­აც კი შე­მო­ი­ტა­ნა.

"ქარ­თუ­ლი ოც­ნე­ბა" ბევრ ისეთ ნა­ბიჯს დგამს, რაც იმა­ზე მი­უ­თი­თებს, რომ ბევრ რა­მეს არ ით­ვლი­ან. თუკი მარ­გვე­ლაშ­ვი­ლის კან­დი­და­ტო­ბა გა­და­წყვე­ტი­ლი იყო, მისი ხალ­ხის­თვის გაც­ნო­ბა ადრე უნდა და­წყე­ბუ­ლი­ყო, მარ­გვე­ლაშ­ვი­ლი ადრე გა­პი­ა­რე­ბუ­ლი­ყო. სა­ერ­თოდ, სა­არ­ჩევ­ნო კამ­პა­ნია არა­საკ­მა­რი­სად იყო ჩა­ტა­რე­ბუ­ლი და მას დღე­საც აქვს ცნო­ბა­დო­ბის პრობ­ლე­მა. პო­ლი­ტი­კურ პი­არ­ზე უა­რის თქმა მე არ მეს­მის", - ამ­ბობს საყ­ვა­რე­ლი­ძე.

მისი ვა­რა­უ­დით, მე­ო­რე ტურ­ში მო­ნა­წი­ლე­ო­ბის მი­უ­ღებ­ლო­ბა ივა­ნიშ­ვილს კო­ა­ლი­ცი­ა­ში პრობ­ლე­მებს შე­ქუმ­ნის, ამი­ტო­მაც ჰგო­ნია, რომ ეს ფორ­მუ­ლა ბო­ლოს მა­ინც გა­და­ი­ხე­დე­ბა.

რა­მაზ საყ­ვა­რე­ლი­ძე: "იმ ლო­გი­კით, რომ "ნა­ცი­ო­ნა­ლურ მოძ­რა­ო­ბას", რე­ა­ლუ­რად და არა არ­ჩევ­ნე­ბის შე­დე­გით, მო­სახ­ლე­ო­ბის უდი­დეს­მა პრო­ცენ­ტმა ერთი წლის წინ უარი უთხრა და ამ წლის გან­მავ­ლო­ბა­შიც ხალ­ხის­თვის სა­სი­ა­მოვ­ნო არა­ფე­რი უთ­ქვამს და უკე­თე­ბია, ბაქ­რა­ძის მე­ო­რე ად­გილ­ზე გას­ვლაც კი სა­ეჭ­ვოა, მი­უ­ხე­და­ვად იმი­სა, რომ სო­ცი­ო­ლო­გი­ურ­მა კვლე­ვებ­მა ის მე­ო­რე ად­გი­ლოს­ნად წარ­მო­ა­ჩი­ნეს.

"უფრო რე­ა­ლუ­რია ბურ­ჯა­ნა­ძის მე­ო­რე ად­გილ­ზე გას­ვლა. თუ მარ­გვე­ლაშ­ვილ­მა ბრძო­ლის გაგ­რძე­ლე­ბა­ზე უარი თქვა, მა­შინ ბურ­ჯა­ნა­ძეს რჩე­ბა პრე­ზი­დენ­ტო­ბა, რაც ივა­ნიშ­ვილს კო­ა­ლი­ცი­ა­ში მძი­მე სი­ტუ­ა­ცი­ას შე­უქ­მნის. კო­ა­ლი­ცი­ა­ში ბევ­რია ისე­თი პო­ლი­ტი­კუ­რი ძალა, რომ­ლე­ბიც ბურ­ჯა­ნა­ძის მი­მართ კრი­ტი­კუ­ლად არი­ან გან­წყო­ბი­ლე­ბი. ამი­ტომ მგო­ნია, რომ ივა­ნიშ­ვი­ლი-მარ­გვე­ლაშ­ვი­ლის პო­ზი­ცია შე­იძ­ლე­ბა გა­და­ი­ხე­დოს და ბრძო­ლა მე­ო­რე ტურ­შიც გაგ­რძელ­დეს".

ხა­თუ­ნა ლა­გა­ზი­ძე აცხა­დებს, რომ თუ ხე­ლი­სუფ­ლე­ბა უარს იტყვის მე­ო­რე ტურ­ზე, ეს მას ძა­ლი­ან ცუ­დად შე­მო­უბ­რუნ­დე­ბა და მე­ო­რე ტური მშვი­დო­ბი­ა­ნი აღარ იქ­ნე­ბა.

"თუ მარ­გვე­ლაშ­ვი­ლი მო­ნა­წი­ლე­ო­ბას არ მი­ი­ღებს, ეს დეს­ტა­ბი­ლი­ზა­ცი­ის საფრ­თხეს ქმნის და შე­საძ­ლოა, ვილ­ნი­უ­სის სა­მიტ­ზე ასო­ცი­რე­ბის ხელ­შეკ­რუ­ლე­ბის პა­რა­ფი­რე­ბა ვერ შევ­ძლოთ", - ამ­ბობს ლა­გა­ზი­ძე.

სოსო ცის­კა­რიშ­ვი­ლი აცხა­დებს, რომ ამომ­რჩევ­ლის­თვის ზურ­გის შექ­ცე­ვა მი­უ­ღე­ბე­ლი იქ­ნე­ბა და იმედს გა­მოთ­ქვამს, რომ "არ შევ­ცდე­ბით და არ მოვ­ხვდე­ბით გი­ნე­სის წიგ­ნის ორი­გი­ნა­ლუ­რი გა­და­წყვე­ტი­ლე­ბე­ბის გან­ყო­ფი­ლე­ბა­ში".

სოსო ცის­კა­რიშ­ვი­ლი: "მარ­თა­ლი გი­თხრათ, გა­მოვ­რი­ცხავ, რომ მარ­გვე­ლაშ­ვილ­მა მე­ო­რე ტუ­რის შემ­თხვე­ვა­ში მო­ნა­წი­ლე­ო­ბა არ მი­ი­ღოს. თუ რა­ი­მე ქმე­დე­ბა­ში ლო­გი­კის დე­ფი­ცი­ტია, მა­შინ დგე­ბა მარ­ცხი, მაგ­რამ მარ­ცხი გა­მარ­ჯვე­ბის უძ­ლუ­რე­ბი­დან უნდა გა­მომ­დი­ნა­რე­ობ­დეს, მარ­გვე­ლაშ­ვილს კი გა­მარ­ჯვე­ბის შან­სი აქვს. სა­უ­ბა­რი იმა­ზე, რომ ის ბრძო­ლის ვე­ლი­დან გა­იქ­ცე­ვა, უმალ გა­მო­იწ­ვევს პარ­ლა­მენ­ტის დაშ­ლა­საც კი, რად­გან "ქარ­თულ ოც­ნე­ბა­ში" ქა­ო­სი და­ი­წყე­ბა".

ეკა ბა­სი­ლა­ია

გა­ზე­თი "რე­ზო­ნან­სი"