მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ფილმს იღებს პირველი პრეზიდენტის შვილიშვილი - ზვიად გამსახურდია უმცროსი და მისი რეჟისორული ხედვა
02:32 / 21-10-2013
პროექტი, რომელზეც ზვიად გამსახურდია უმცროსი (კოკო გამსახურდიას ვაჟი) მუშაობს, მოკლემეტრაჟიანი (10-წუთიანი) ფილმია სახელწოდებით - "The Typewriter", (ქართულად "საბეჭდი მანქანა"). ფილმი ნოემბრის ბოლოს დასრულდება, მანამდე youtube-ზე მხოლოდ ტრაილერის ნახვაა შესაძლებელი. ნამუშევარი სხვადასხვა საერთაშორისო ფესტივალებზე გაიგზავნება. "ამბები.გე" ზვიად გამსახურდიას დაუკავშირდა.
- ფილმების გადაღებით უკვე წელიწად-ნახევარია, რაც გატაცებული ვარ. მანამდე როგორც პროფესიონალი მევიოლინე, მუსიკალურ კარიერას ინტენსივობით მივყვებოდი. რეჟისურით კი პირველი მცირე ფილმ-პროექტების შემდეგ დავინტერესდი... იმის გამო, რომ მუსიკას საკმარისი დრო დავუთმე და დიდ წარმატებებსაც მივაღწიე, გადავწყვიტე, თავი ხელოვნების ახალ ჟანრში მეცადა. მიმდინარე წლის გასაფხულზე სურვილი გამიჩნდა, ჩემ გარემოცვაში ახალგაზრდა და კრეატიული ხალხი მომეძებნა და მათთან ერთად სერიოზული მასშტაბის ფილმი გადამეღო. ასე დავიწყე შინაარსზე, იდეაზე მუშაობა და სცენარი დავწერე. სცენარი იმდენად საინტერესო აღმოჩნდა, რომ ყველა ადამიანი, ვისაც ფილმში მონაწილეობის მიღება შევთავაზე, მაშინვე დამთანხმდა, მაგალითად, ცნობილი შვეიცარიელი კინომსახიობი - სამუელ მერცი და ასევე წარმატებული თეატრის მსახიობი - ქლოე ლორი.
მე ამ პროექტის როგორც წამყვანი, ასევე ფილმის ავტორი და რეჟისორი ვარ. ფილმის მუსიკა ჩემმა ძმამ, დემეტრე გამსახურდიამ დაწერა, ოპერატორი ფოტოგრაფიის ფაკულტეტის სტუდენტი - აურელ ზალცერი იყო, ხოლო ლისანდერ პაროდი-დელფინო მთავარ როლს ასრულებდა და ამავე დროს ფილმის პროდიუსერიც გახლდათ.
გადაღებები აგვისტოში დაიწყო და სულ ხუთ დღეს გაგრძელდა. ვიღებდით ბაზელთან ახლოს, დორნახის ძველი ციხე-სიმაგრის ნანგრევებში.
ამჟამად ფილმი მონტაჟისა და დამუშავების პროცესშია. ცოტა ხანში კონსერვატორიის სტუდიაში მუსიკა დემეტრეს ხელმძღვანელობით ჩაიწერება, დაუკრავს სამკაციანი ანსამბლი. ასევე შვეიცარიაში მცხოვრები, წარმოშობით ქართველი ალექსანდრე კორძაია. ის აუდიოდიზაინის ფაკულტეტის სტუდენტია, რომელიც ხმის ტექნიკური რედაქტორიც გახლავთ...
- რას გვეტყვით ფილმის შინაარსზე?
- ფილმის შინაარსზე ჯერ არ მსურს საუბარი, ჟანრობრივად უფრო სიურეალისტური დრამაა, ფორმის მხრივ - სტილიზებულ-ესთეტიკური. ჩემი მიზანია, ფილმმა მაყურებელში დამაფიქრებელი და შთამბეჭდავი იმპულსები აღძრას...
ლალი ფაცია
სპეციალურად "ამბები.გე"სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
