სოხუმში "ტყის ძმების" ერთ-ერთი ხელმძღვანელი გაასამართლეს
აფხაზეთის დე ფაქტო რესპუბლიკის სასამართლომ შეიარაღებული დაჯგუფების, "ტყის ძმების" ერთ-ერთ ხელმძღვანელს, გიორგი ლუკავას სხვადასხვა დროს ჩადენილი დანაშაულებებისთვის 20 წლით თავისუფლების აღკვეთა მიუსაჯა. მას ბრალად შეიარაღებული დაჯგუფების ჩამოყალიბება, მკვლელობა და ადამიანის გატაცება ედება. დე ფაქტო რესპუბლიკის პროკურატურის ინფორმაციით, ლუკავამ და გამოძიებისთვის ჯერ კიდევ დაუდგენელმა პირებმა მოკლეს ა.ბუთბა და ა.კამლია. იმავე დღეს ლუკავამ ჩაიდინა კიდევ ერთი დანაშაული და მოკლა მოქალაქე აშუბა. დე ფაქტო პროკურატურის ცნობით, ეს უკანასკნელი ვიზუალურად ჰგავდა დე ფაქტო რესპუბლიკის პირველ პრეზიდენტ ვლადისლავ არძინბას.
"აფსნიპრესი" დე ფაქტო რესპუბლიკის მთავარ პროკურატურაზე დაყრდნობით იუწყება, რომ მსჯავრდებულს სასჯელის მოხდა მკაცრი რეჟიმის გამოსასწორებელ კოლონიაში მოუწევს. ამასთან, სასამართლომ გიორგი ლუკავას ჯარიმის სახით 225 ათასი რუსული რუბლის გადახდაც დააკისრა.
აფხაზური პრესა, "ტყის ძმებისა" და ლუკავას მიერ ჩადენილ დანაშაულებათა ნუსხასაც აქვეყნებს. თუმცა აღნიშნულ ცნობებს დეზინფორმაციად აფასებს "ტყის ძმების" დამფუძნებელი დავით შენგელია. "გიორგი ლუკავა არასდროს ირიცხებოდა ტყის ძმებში, არც გამიგია და არც მსმენია ამ გიორგის შესახებ არაფერი. აფხაზური პრესა ბევრ რამეს წერს, მათ ზოგჯერ მეც ველანდები. ხან გუდაუთაში გამოვჩნდი, ხან გაგრაში გამოვჩნდი, ელანდებათ", - აცხდებს "ტყის ძმების" დამფუძნებლი.
იხილეთ ვრცლად
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
