21
ივნისიდღის ზოგადი ასტროლოგიური პროგნოზი
ბოლო რამდენიმე დღეა, პოლიციის ყოფილი უფროსი ლეიტენანტის, ავდო მახარამოვის ცემის ფაქტი საზოგადოების განსჯის საგანი გახდა. შს სამინისტროს საზოგადოებასთან ურთიერთობის სამსახურის ხელმძღვანელის, ნინო გიორგობიანის თქმით, "განცხადება, თითქოს ავთო მახარამოვს შურისძიების მოტივით გაუსწორდნენ პოლიტიკური სპეკულაციაა, მახარამოვს არასოდეს უმუშავია შსს-ში, ის პოლიციის აკადემიის კურსანტი იყო და იქიდან გარიცხეს"...
ჩვენ დაზარალებულს "არამიანცის" საავადმყოფოში მივაკითხეთ და მომხდარის გახსენება ვთხოვეთ:
ავდო მახარამოვი:
- სოფელ ფონიჭალაში ვცხოვრობ. ახლობლის ქორწილიდან სახლში ვბრუნდებოდი, როცა თანასოფლელებმა დამიძახეს. ვიცოდი, რომ ამნისტირებულები იყვნენ. ძმები არიან, გვარად ფაშაევები და ჩემს მეზობლად, ერთ სახლში ცხოვრობენ. ერთ-ერთმა - შენს დროს დაგვიჭირესო, მაგრამ ახლა თქვენი, "ნაციონალების" დრო წავიდა, ჩვენი დროაო და სახეში იარაღის ტარი ჩამარტყა. თუ არ ვცდები, "მაკაროვის" ტიპის იარაღი ეჭირა ხელსი. სანამ ძირს დავვარდებოდი, კიდევ რაღაც ჩამარტყეს, მაგრამ პირველი დარტყმისგან ისე ვიყავი ტკივილისგან გაბრუებული, რომ რა დამარტყეს, არ მახსოვს. თან ყვიროდნენ, ახლა ხომ გაიგეთ, ბოზებო, რომ თქვენი დრო წავიდაო. მივხვდი, იქაურობას თუ არ გავეცლებოდი, მომკლავდნენ. ძალა მოვიკრიბე, ფეხზე წამოვდექი და გავიქეცი. ისიც დამეხმარა, რომ მოჩხუბრებს, ქორწილიდან გამოსული ხალხი აკავებდა. ამასობაში, დრო ვიხელთე და გამოვიქეცი. სოფელ ჭალის პოლიციის განყოფილებაში მივედი და პატრულს დავურეკე. თვალები საშინლად მტკიოდა. შუბლი გახეთქილი მქონდა და სისხლი თქრიალით მდიოდა, მაგრამ ტკივილს ვერ ვგრძნობდი. ოღონდ იქაურობას გავცლოდი. მიყვიროდნენ, "ნაციონალების" დრო წავიდაო. მე "ნაციონალური მოძრაობის" აქტივისტი ვარ. ისინი "ოცნების" წევრები არიან...
- ეს ადამიანები ქორწილში იყვნენ თუ გზაში გნახეს?
- არა, ქორწილშიც იყვნენ, მაგრამ იქ კრინტი არ დაუძრავთ. როგორც კი გამოვედი, გამომყვნენ. თავს ვუშველე, თორემ ნამდვილად ვიცი, მომკლავდნენ. შეიძლება ტყვია არ ესროლათ, მაგრამ ცემით მომკლავდნენ. ნახეთ, სულ სისხლში მაქვს მოთხვრილი ტანსაცმელი.
- ამნისტირებულები რაზე იხდიდნენ სასჯელს?
- ნარკოტიკების რეალიზაციაზე და პოლიტპატიმრის სტატუსით გამოუშვეს... ახლაც მითხრეს, რომ სამივე დაუკითხავთ და გამოუშვიათ.
