30
მაისიდღის ზოგადი ასტროლოგიური პროგნოზი
ცეზარ ჩოჩელი ყველა იმ კომენტარს ინახავს, რაც კი ბოლო 5 თვის მანძილზე გია ხუხაშვილს გაუკეთებია. ჩოჩელი ხუხაშვილს "ბიზნესმამაოდ" მოიხსენიებს და სწორად მას ასახელებს საკუთარ ბიზნესზე პოლიტიკური წნეხის მთავარ ავტორად. "ვერ აიტანა ხუხაშვილმა, რომ არ მივიდა მასთან ჩვენი ჯგუფი, არ აღვმართეთ ხელები და არ ვთხოვეთ შენდობა ყოვლისშემძლე ხუხაშვილს", - ამბობს ბიზნესმენი.
ცეზარ ჩოჩელი საკუთარ ბრალეულობაზე "გურია ნიუსთან" ინტერვიუში საუბრობს. გთავაზობთ ამონარიდს ინტერვიუდან:
- "ნაციონალური მოძრაობის" დროს იყო თუ არა ზეწოლა თქვენზე?
- იყო, მაგრამ ყველაფერს აქვს თავისი წესი. როგორ ფიქრობთ, ვისაც დღეს პრობლემები არ აქვს, რატომ არ აქვს? აღიარეს ხუხაშვილთან, ბიზნესმამაომ შეუნდო და ეპატიათ ყველაფერი? მეც მასთან უნდა მივსულიყავი ხელაპყრობილი? ნოემბრის თვეში წამოვიდა ის თემა, რომ შპალების ქარხანა დაგვითმეო, რაზეც ჩვენ უარი ვთქვით და არც ხუხაშვილს ვეახლეთ. ვერ აიტანა ხუხაშვილმა ის, რომ არ მივიდა მასთან ჩვენი ჯგუფი, არ აღვმართეთ ხელები და არ ვთხოვეთ შენდობა ყოვლისშემძლე ხუხაშვილს.
- დარწმუნებული ხართ რომ ხელებაპყრობილი დადიან ხუხაშვილთან ჯგუფები?
- მე არ ვიცი, ვინ დადიან. ხუხაშვილი თავად ამბობდა, რომ მას აქვს "ვიკილიქსი", რომელსაც გამოაქვეყნებს და ვინც აღიარებს და "ცოდვებს მოინანიებს", იმას შეუნდობს. მე თქვენ გეკითხებით, ვინ არის ხუხაშვილი, ქართველი ბიზნესმენები მასთან რომ მივიდნენ? რა გაუკეთებია ქართული ბიზნესისთვის ან სახელმწიფოსთვის? რა მანდატით სარგებლობდა, ვინ იყო? მე 1991 წლიდან მოყოლებული არავისთან შევსულვარ არანაირ გარიგებაში. 1993 წელსაც მქონდა პრობლემები, 97-შიც, 2002-შიც, 2004-2005 წლებში, 2007 წლის ბოლოსაც, მაგრამ რაც დღეს ხდება, ზღვარგადასული საქციელია დღევანდელი საგამოძიებო ორგანოებისგან. რაც თქვა ხუხაშვილმა, რომ ჩვენს წინააღმდეგ ჩართულია სახელმწიფო მანქანა და ვნახოთ, რაც დაგემართებათო, ის ხდება დღეს.
- თქვენ ხშირად ახსენებთ პრემიერ-მინისტრს და ამბობთ, რომ მასთან ვერ მიაღწიეთ. როგორ ფიქრობთ, ის ინფორმაციას არ ფლობს?
- ფლობს, მაგრამ მას არასწორი ინფორმაცია აქვს საგამოძიებო სამსახურიდან, რომლებიც თავიანთი უგუნურობით თხზავენ ზღაპრებს, რომ 70-80 მილიონი მითვისებულია. ისიც არ იციან, რა არის ფულის გათეთრება. ახლა გეკითხებით, შპალის ქარხანამ აიღო კრედიტი ბანკში, 20 მილიონი და წაიღო, ჩადო ზედაზენში, ეს ჩაითვალა ფულის გათეთრებად.
იხილეთ ინტერვიუს სრული ვერსია
ასევე იხილეთ:
- რა აკავშირებს ცეზარ ჩოჩელს გოგი თოფაძის ოჯახთან და რა უთხრეს მას დეპუტატის შვილებმა
