23
მაისიდღის ზოგადი ასტროლოგიური პროგნოზი
ამ დროისთვის არსებული მონაცემებით, მიმდინარე თვეში ყველაზე მეტი შემოწირულება ნინო ბურჯანაძის "დემოკრატიულმა მოძრაობამ" მიიღო.
როგორც "ინტერპრესნიუსს" პარტიების ფინანსური მონიტორინგის სამსახურის უფროსმა ზურაბ აზნაურაშვილმა განუცხადა, გასული 2 კვირის განმავლობაში აღნიშნული პოლიტიკური ძალის ანგარიშზე შესული შემოწირულების რაოდენობამ 400 ათას ლარს გადააჭარბა.
ამასთან, მისივე განმარტებით, "დემოკრატიული მოძრაობის" ყველაზე მსხვილი შემომწირველი თავად ბურჯანაძეა. "ნინო ბურჯანაძემ 60 ათასი ლარი შესწირა საკუთარ პარტიას", - აღნიშნა აზნაურაშვილმა.
გარდა ამისა, ოფიციალური ინფორმაციით, გასული 2 კვირის განმავლობაში "დემოკრატიულმა მოძრაობამ" ავტომანქანებისა და ოფისების სახით არაფულადი შემოწირულებაც მიიღო, რომლის საერთო ღირებულება 16 ათას ლარს შეადგენს. აღსანიშნავია, რომ არაფულად შემოწირულებას შორის ირიცხება ნინო ბურჯანაძის ვაჟის, ანზორ ბიწაძის კუთვნილი ავტომანქანა "ტოიოტა ლენდკრუიზერი", რომლით სარგებლობაც პარტიას საარჩევნო პერიოდის დამთავრებამდე შეეძლება.
საერთო ჯამში, "დემოკრატიულ მოძრაობას" ოქტომბერში 401 984 ლარის შემოწირულება ერიცხება.
