გაპრეზიდენტების შემთხვევაში გიორგი მარგველაშვილი "კრიმინალ გუბერნატორებს" მოხსნის

"ქართული ოცნების" საპრეზიდენტო კანდიდატი, გიორგი მარგველაშვილი გუბერნატორების თემაზე გაკეთებულ მისივე განცხადებას განმარტავს.

"გუბერნატორების თემაზე ვინც მისმენდა, ალბათ სწორად უნდა გაიგოს. მე ვთქვი, რომ ის ხალხი, ვინც არიან კრიმინალები და დანიშნული არიან თანამდებობაზე, ასეთი ხალხის დანიშვნა პოლიტიკურ თანამდებობაზე არის არასწორი და ახალი ხელისუფლება ასეთ ნაბიჯს არ გადადგამს",-განაცხადა გიორგი მარგველაშვილმა ჟურნალისტებთან საუბარში.

გიორგი მარგველაშვილი პრემიერ-მინისტრ, ბიძინა ივანიშვილთან ერთად შეხვედრებს იმერეთში მართავს. გუბერნატორების შესახებ მარგველაშვილმა სწორედ იმერეთში ისაუბრა. მისი თქმით, პრეზიდენტად გახდომის შემთხვევაში "კრიმინალ გუბერნატორებს" მოხსნის.

"ინტერპრესნიუსი"