პუგაჩოვამ და გალკინმა სუროგატ დედას 100 000 დოლარი გადაუხადეს

მომღერალ ალა პუგაჩოვასა და იუმორისტ მაქსიმ გალკინის ტყუპები რუსული შოუ-ბიზნესის წლის ამბავი გახდა. დისკუსიის მორიგი თემა სუროგატი დედის მომსახურების ღირებულებაა.

ამბობენ, რომ პუგაჩოვამ და გალკინმა სუროგატ დედას 100 000 დოლარი გადაუხადეს. რუსეთში სუროგატი დედის მომსახურება საშუალოდ 30 000 დოლარი ღირს. ალასა და მაქსიმის შემთხვევაში, ორი ბავშვი დაიბადა და შესაბამისად თანხა სულ მცირე ორჯერ უნდა გაზრდილიყო.

თავის მხრივ, მედიკოსებს აოცებთ ის ფაქტი, რომ ბავშვების გასაჩენად პუგაჩოვას 11 წლის წინ გაყინული კვერცხუჯრედი გამოიყენეს. მათი თქმით, მაშინ მედიცინა ისეთ დონეზე არ იყო, როგორც დღესაა და არცერთ სპეციალისტს მომღერლისთვის მისი ბიომასალის შენახვის გარანტიის მიცემა არ შეეძლო.

გარდა ამისა, 35 წელზე უფროსი ქალის კვერცხუჯრედის აღება სახიფათოა, იმ დროს კი პუგაჩოვა 50 წელს გადაცილებული იყო.

ექიმები ირწმუნებიან, რომ ასეთ პირობებში დიდია ალბათობა, რომ ჯანმრთელი ბავშვი არ დაიბადება. შესაბამისად, ისინი ვარაუდობენ, რომ ელიზაბეტისა და ჰარისთვის დონორის კვერცხუჯრედი გამოიყენეს.

მომზადებულია starslife.ru-ს მიხედვით.