24
მაისიდღის ზოგადი ასტროლოგიური პროგნოზი
ოზურგეთში გოგონათა საერთაშორისო დღე აღინიშნა. "ახალგაზრდა პედაგოგთა კავშირის" ბაზაზე არსებული ახალგაზრდული ცენტრის ახალგაზრდებმა, სააქტო დარბაზში თანატოლები მიიწვიეს და ის თემები განიხილეს, რაც ყველაზე მეტად აწუხებდათ. ნაადრევი ქორწინება და სკოლის ნაადრევად დატოვება - შეხვედრაზე ძირითადად ამ ორი პრობლემის შესახებ იყო საუბარი.
"ჩემი მეგობარი ეს დღეებია სკოლაში არ დადის, რადგან იცის, რომ მას მოიტაცებენ და არ უნდა ნაადრევად შექმნას ოჯახი", - ითქვა შეხვედრაზე.
გოგონათა საერთაშორისო დღე აღინიშნა და გულახდილი საუბარი შედგა ასევე "გურიის ახალგაზრდულ რესურსცენტრში". სამოქალაქო განათლებისა და პედაგოგთა გადამზადების პროგრამის კოორდინატორმა გურიაში, ინგა დუმბაძემ შეხვედრის მონაწილეებს გაეროსა და მსოფლიო ჯანდაცვის ორგანიზაციის მიერ საქართველოში ნაადრევი ქორწინების შესახებ გამოქვეყნებული ინფორმაციაც გააცნო.
"გოგონების ნაადრევი ქორწინებებით, საქართველო აღმოსავლეთ ევროპაში მეორე ადგილზეა მოლდავეთის შემდეგ. მას მოსდევს თურქეთი და ტაჯიკეთი. საქართველოში 20-დან 24-წლამდე გოგონების 19% 18 წლამდეა გათხოვილი. არასრულწლოვანი პატარძლები ახალ ოჯახებში ფსიქოლოგიური, ფიზიკური და სექსუალური ზეწოლის ქვეშ ექცევიან. ქორწინება უარყოფითად მოქმედებს მათ ფიზიკურ და ფსიქიკურ ჯანმრთელობაზე, ართმევს განათლების მიღების საშუალებას და წარმატებულად დასაქმების შანსს. 2013 წლის 14 იანვრამდე 7,367-მა გოგონამ შეწყვიტა განათლების მიღება საბაზო საფეხურის დასრულებამდე. არ არსებობს კვლევა, რომელიც სწავლის მიტოვების მიზეზებს დაადგენდა. თუმცა სპეციალისტები, რომლებიც აღნიშნულ საკითხებზე მუშაობენ, ამბობენ, რომ დაკვირვებების საფუძველზე ამის მიზეზი ადრეული ქორწინებებია", - აღნიშნა ინგა დუმბაძემ.
იხილეთ ვრცლად
