მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აშშ-ში მცხოვრები ქართველები აფხაზეთის ფინანსთა მინისტრს თაღლითობაში ადანაშაულებენ
23:18 / 11-10-2013
ჩვენს გაზეთს ამერიკაში მცხოვრები ქართველი რევაზ გარიშვილი დაუკავშირდა და განუცხადა, ვასილ ხორავა, რომელიც რამდენიმე კვირის წინ აფხაზეთის ავტონომიური რესპუბლიკის ფინანსთა მინისტრად დაინიშნა, აშშ-ში მცხოვრებ ქართველებს, მათ შორის მის ოჯახს, თვითმფრინავის ბილეთების შეღავათიან ფასში შოვნას ჰპირდებოდა, ფულს ართმევდა, შემდეგ კი, დაურეგისტრირებელ ელექტრონულ ბილეთებს უგზავნიდა.
- 2013 წლის ივნისში ჩემმა მეუღლემ, ჩვენს ვაჟსა და თავის და-ძმასთან ერთად, საქართველოში გამომგზავრება გადაწყვიტა. როგორც წესი, მე ჩემი აგენტი მყავს, რომელიც ოფიციალურად დარეგისტრირებულ კომპანიაში მუშაობს და თვითმფრინავის ბილეთებს შეღავათიან ფასში შოულობს, მაგრამ ამჯერად ჩემი ოჯახის წევრებმა მითხრეს, რომ ნიუ-იორკში ერთ-ერთი ქართველი, კერძოდ, ვასილ ხორავა ბილეთებს 1.000 დოლარად ჰყიდდა. არადა, 1.400-დან 1.600 დოლარამდე ვიხდით ხოლმე. რა თქმა უნდა, ასეთმა ფასმა მეც მომხიბლა და ვასილ ხორავას ოთხი ბილეთის საფასური გადავუხადე. მან 2-3 დღეში გამომიგზავნა მისამართი, რომელზეც ელექტრონული ბილეთები იყო განთავსებული და ზედ ჩემი ოჯახის წევრების სახელები ეწერა, ქვემოთ ავიაკომპანიის ლინკი იყო მითითებული, შევედი ამ ლინკზე და ვნახე, რომ ბილეთები ოფიციალურად დარეგისტრირებული არ იყო. დავრეკე აღნიშნულ კომპანია "დელტაში" და აღმოჩნდა, რომ ბილეთებში, რომელიც ხორავამ ჩვენს სახელზე გამოგზავნა, ფული არ იყო გადახდილი. ანუ, ოფიციალურად დამტკიცებული არ იყო. ჩემი მეუღლის დამ მაშინვე ვასილ ხორავას გადაურეკა. მან კი უთხრა, რომ რაღაც გაუგებრობა მოხდა და ბილეთებს ხელახლა გამოგზავნიდა, თუმცა ხელმეორედ გამოგზავნილი ბილეთების გადამოწმებისასაც იგივე მითხრეს - ბილეთების შესაძენად ფული არავის გადაურიცხავს. ამასობაში გაფრენის დრო მოახლოვდა და დაგვიანების გამო, ბილეთები საკმაოდ ძვირად ვიყიდეთ. ხორავასთან დაკავშირებას ვცდილობდით, მაგრამ უშედეგოდ, ზარებს არ პასუხობდა. თუმცა მოგვიანებით მოგვწერა, რომ ის ერთ-ერთ უკრაინულ კომპანიაში მუშაობდა, რომელიც გაკოტრდა, ფული "მოტეხა" და ისიც სხვა თანამშრომლებივით შარში გახვია. ამ უკრაინული კომპანიის კვალს ვერსად მივაგენით. საქმე ისაა, რომ ეს იყო დიდი თაღლითური სქემა. არ ვიცი საქართველოში რამდენად გაშუქდა ეს ამბავი, მაგრამ სწორედ იმ დროს ამერიკაში მოქმედი უკრაინულ-რუსული დანაშაულებრივი დაჯგუფება დააკავეს, რომლის წევრებიც კორპორაციულ საკრედიტო ბარათებს იპარავდნენ და შემდეგ ყიდდნენ. დანაშაულებრივი დაჯგუფების დაკავების შემდეგ. ეს სქემა გაიშიფრა და, როგორც ჩანს, ყველა ბარათი დაბლოკეს, მათ შორის ალბათ, ვასილ ხორავასიც. თანაც შეუძლებელი იყო ხორავას არ სცოდნოდა, რომ ის მოპარული საკრედიტო ბარათით სარგებლობდა. მთლიანად ხორავასთვის 4.400 დოლარამდე მქონდა გადახდილი და აქედან მხოლოდ 2.200 დააბრუნა. მე პირადად ქალაქ ბრიჯვოტარში ვცხოვრობ. იქვე ახლოს, ქალაქ მემვილთან, ქართული ეკლესიაა, სადაც ქართველები ვიკრიბებით ხოლმე. სწორედ იქ აღმოვაჩინეთ ერთმანეთთან საუბრისას, რომ ხორავას მსხვერპლი 50-მდე ადამიანი ვიყავით. შესაძლოა, უფრო მეტიც. აქედან თანხა მთლიანად მხოლოდ ოთხს დაუბრუნა, არ ვიცი, ალბათ მათი ეშინოდა ან სხვა მიზეზის გამო გადაწყვიტა ფულის დაბრუნება. ამ თაღლითობის გამოსაძიებლად ბრიჯვოტარის პოლიციაში შევიტანე განცხადება და გამოძიების დაწყებას ველოდები.
"ყველა სიახლე" აფხაზეთის მთავრობის ფინანსთა მინისტრ ვასილ ხორავასაც დაუკავშირდა, რომელმაც მის მიმართ წაყენებულ ბრალდებებს აბსურდული უწოდა და დასძინა, რომ რადგან მაღალი თანამდებობის პირია, სწორედ ამიტომ ცდილობენ მისი სახელის შებღალვას.
- მე ნამდვილად ვმუშაობდი უკრაინულ კომპანიაში, რომლის ხელმძღვანელიც არის მაქსიმ ივანოვი. ამ კომპანიის ოფისი ახლაც მუშაობს ლოს-ანჯელესში. საქმე ისაა, რომ აღნიშნულმა კომპანიამ ამერიკაში მოქმედ ავიაკომპანია "დელტასთან", ასევე თურქულ "თურქიშ ეირვეისთან" ხელშეკრულება შეწყვიტა და სწორედ ამიტომ ვეღარ მოხერხდა აღნიშნული კომპანიების ავიაბილეთების შეძენა. გადახდილ თანხას კი კომპანია კლიენტებს ეტაპობრივად უბრუნებს. თუ ვინმეს თანხის დაბრუნების დაჩქარება სურს, ამისთვის ჩემს სახელს და მაღალ თანამდებობას ნუ გამოიყენებს, რადგან მე ამ პრობლემასთან კავშირი არ მაქვს. არავის არავინ მოუტყუებია, უბრალოდ, ხელშეკრულება შეწყდა და კლიენტებს თანხა უკან უბრუნდებათ. მიმართონ ირაკლი შაიშმელაშვილს, რომელიც ახლაც ამერიკაშია და დღემდე მუშაობს ამ კომპანიაში. ჯერ ერთი, მხოლოდ 18-მდე ადამიანს ჰქონდა შეკვეთილი ბილეთები და არა 50-ს. ყველას უკლებლივ დაუბრუნდება გადახდილი თანხა.
მარი ონეზაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
