24
მაისიდღის ზოგადი ასტროლოგიური პროგნოზი
flydubai-მ პირველი ბიზნეს-კლასის რეისების შესრულება ოფიციალურად დაიწყო. ავიაკომპანიამ ახალი მომსახურების დაწყების თაობაზე ჯერ კიდევ ივნისში დაანონსა, რეისის დამატება კომპანიამ მომხმარებლის მოთხოვნის საფუძველზე გადაწყვიტა.
Flydubai-ს მგზავრებს უკვე თავად შეუძლიათ გამოსცადონ ბიზნეს-კლასის მრავალფეროვანი მომსახურება: მათ შორის სპეციალურ ბიზნეს გუნდის სერვისი, მომსახურების უპირატესობა და უსწრაფესი საემიგრაციო სამსახური.
ბიზნეს-კლასის კაბინა მოიცავს 12 სპეციალურ სკამს, რომელიც იტალიური ტყავისგანაა დამზადებული და რომლის ზომაც 1 მ-ს აღემატება; რევოლუციური საჰაერო გასართობი სისტემა სენსორული ეკრანის მეშვეობით 1300 საათიან უწყვეტ გასართობ პროგრამას სთავაზობს მგზავრს. ბიზნეს-კლასის მგზავრებს ასევე შეუძლიათ ისარგებლონ პერსონალური სერვისით და დააგემოვნონ საერთაშორისო მენიუ, რომელსაც flydubai-ს მაღალპროფესიონალი გუნდი შესთავაზებს.
პირველი ბიზნეს-კლასიანი ხომალდი ავიაკომპანიამ აგვისტოში მიიღო, მას შემდეგ სპეციალურ წვრთნებს გადიოდა და სპეციალურ ფოკუს ჯგუფებთან მუშაობით ხვეწავდა ბიზნეს-კლასის შეთავაზებას.
"ჩვენ მოუთმენლად ველით, ჩამოთვლილი სერვისი ყველა მიმართულებით დავამატოთ. ამ ეტაპზე flydubai-ს ქსელი მოიცავს 65-ზე მეტ მიმართულებას 34 ქვეყანაში, ამ მიმართულებით მანამდე არცერთი ავიაკომპანია არ ახორციელებდა ბიზნეს-კლასის ფრენებს და ჩვენ ამ მხრივაც პიონერები ვართ. მას შემდეგ, რაც დავიწყეთ ბიზნეს-კლასის განვითარება, აქცენტი გავაკეთეთ მოგზაურობის თითოეულ დეტალზე, გავხადეთ ის უფრო მეტად მოსახერხებელი, კომფორტული და სასიამოვნო. ამავდროულად ჩვენს მთავარ მიზნად კვლავაც რჩება, ერთმანეთს დავუკავშიროთ სხვადსხვა ბაზრები და მიმართულებები",- განაცხადა კომპანიის აღმასრულებელმა დირექტორმა გაიტ ალ გაიტმა.
ეტაპობრივად flydubai ბიზნეს-კლასს ქსელის ყველა მიმართულებით დაამატებს. ბიზნეს-კლასით აღჭურვილ ახალ ხომალდებს კომპანია უკვე წლის ბოლომდე მიიღებს.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
