მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მასაჟისტი - ქართველ მაღალჩინოსნებს მასაჟი სექსი ჰგონიათ
03:32 / 09-10-2013
მასაჟი ყველაზე კარგი სარელაქსაციო საშუალებაა და საქართველოში არსებულ შესაბამის ცენტრებს ბოლო დროს კლიენტურა მოემატა. ხატია წერეთელი წლებია, რაც ამ სფეროში მოღვაწეობს, აქვს საკუთარი მასაჟის ცენტრი და არაერთი მაღალჩინოსნის პირადი მასაჟისტია.
- 18 წლის ვიყავი, როდესაც ვლადივოსტკში ჩავაბარე სამედიცინო სასწავლებელში და დავეუფლე მასაჟისტის სპეციალობას. მერე წავედი ტიბეტში, სადაც დავეუფლე აურა მასაჟს. ეს არის მასაჟის სახეობა, რომლის დროსაც შეგიძლია საერთოდ არ შეეხო ადამიანს, უბრალოდ, უნდა შეგეძლოს აურით მართვა. იშვიათ შემთხვევებში შეიძლება გარკვეულ წერტილებში შეხება. ტიბეტიდან წავედი ჩინეთში და იქ შევისწავლე წერტილოვანი მასაჟი, მერე ტაილანდში გავიარე, სარელაქსაციო მასაჟის კურსები. არსებობს მითები, რომ წერტილოვანი მასაჟი კურნავს ადამიანს სხვადასხვა დაავადებისგან, გარკვეული დროით მას ტკივილის შემსუბუქება შეუძლია, მაგრამ ამას სჭირდება ზედმიწევნით ცოდნა, მით უმეტეს - საქართველოში. რადგან წერტილოვანი მასაჟის დროს ლიმფურ ზონებზე შეხება გვიხდება, ამან შეიძლება ორგანიზმში მიძინებული დაავადების გააქტიურება გამოიწვიოს, მათ შორის სიმსივნის. შესაძლოა, მედიკამენტოზური ალერგიის გამოწვევა, ამიტომ ყველას ვურჩევ, თავი აარიდოს წერტილოვან მასაჟს. აღმოსავლელი ხალხის კულტურა განსხვავდება ჩვენგან, თუნდაც კვების კულტურა, მათ მრგვლოვანი კუნთები აქვთ, ჩვენ კი "ნევრასთენიკები" ვართ. წერტილის მოძებნის ის მეთოდი, რასაც ასწავლიან, შეიძლება დამღუპველი იყოს. ერთმა პატარა ცდომილებამ შეიძლება სავალალო შედეგამდე მიგვიყვანოს.
- ძირითადად რა სახის მასაჟზეა მოთხოვნა საქართველოში?
- საქართველოში სამკურნალო და სარელაქსაციო მასაჟზე ერთნაირად არის მოთხოვნა. წერტილოვან და აურა მასაჟს ნაკლებად ითხოვენ, არც არის ჩვენთან კარგად გავრცელებული აურა მასაჟის მცნება. ბოლო დროს მამაკაცებსაც გაეზარდათ მასაჟის სურვილი. ქალები თუ სამკურნალო მასაჟს ითხოვენ, მამაკაცებში უფრო სარელაქსაციო და ნაბახუსევის მასაჟზეა მოთხოვნა. ნაბახუსევის მასაჟი ძალიან საპასუხისმგებლო პროცედურაა, რადგან ამ დროს შევიწროებულია სისხლძარღვები, სისხლი ძნელად მოძრაობს და ორგანიზმიდან ალკოჰოლი დროულად ვერ გამოიდევნება. ამ დროს განსაკუთრებული სიფრთხილეა საჭირო, რადგან შესაძლოა, ფატალური შედეგი მივიღოთ. მამაკაცებისთვის ეს მასაჟი 70 ლარი ღირს.
- გასახდომ მასაჟზე არ არის მოთხოვნა?
- ჩვენ არ ვაკეთებთ გასახდომ მასაჟს, რადგან ასეთი მასაჟი არ არსებობს. არსებობს ანტიცელულიტური მასაჟი, რომელიც ხელს უწყობს ცელულიტის შრეების გაქრობას, მაგრამ ეს არის გრძელვადიანი კურსი, რომლის შედეგად იკლებ 2-3 სანტიმეტრს გარშემოწერილობაში. დიეტის პარალელურად მასაჟის გაკეთება ძალიან კარგია სხეულის ლამაზი ფორმებისთვის. თბილისში პოპულარულია ე.წ. თაფლის მასაჟი, ამას უფრო ანტიცელულიტური და კოსმეტიკური მნიშვნელობა აქვს. თუ ადამიანი ალერგიულია, მისთვის დაუშვებელია თაფლის მასაჟი, თუ მშრალი კანი აქვს - თაფლს სხვა მასალა უნდა დავუმატოთ და ეს ძალიან კარგია კანისთვის. სარელაქსაციო მასაჟი მოიცავს არომათერაპიას, საჭიროებს ზეთებს, რომელიც კონკრეტულ წერტილებში შეიზილება და დიდხანს მოქმედებს ნერვულ სისტემაზე. ასევე ვიყენებთ ცხელ ქვებს, რომელიც ხსნის დაძაბულობას, დაჭიმულობას და წმენდს ადამიანის აურას. მასაჟის ფასები 40-დან 100 ლარამდე განისაზღვრება, გააჩნია, რას მოითხოვს კლიენტი.
- კლიენტებს უცნაური მოთხოვნები არ აქვთ?
- ჩემთვის ისიც უცნაურია, სექსს რომ ითხოვენ. იმდენი უცნაური მოთხოვნა აქვთ, ვერ ჩამოვთვლი, ზოგიერთი კლიენტი ეჭვიანობს, მიაჩნია, რომ მისი საკუთრება ხარ. საქართველოში სარელაქსაციო მასაჟის გაკეთება 2004 წელს დავიწყე. შევედი კაბინეტში და კლიენტს ვუთხარი, გაიხადეთ-მეთქი და მიპასუხა - ჯერ შენ გაიხადე, მე მერე გავიხდიო. მასაჟის დროს რაღაც მომენტში ძალიან კარგია ცოტა ძლიერად დარტყმა კუნთზე, ერთ-ერთი ასეთი პროცედურის დროს კლიენტი წამომიხტა და მცემა. რამდენიმე დღის წინ კი ერთი კლიენტი მოვიდა და მითხრა, ალექსანდრე მაკედონელი ვარო... ჩვენთან უამრავი მაღალჩინოსანი და ცნობილი ადამიანი დადის, მაგრამ ზოგიერთი პარლამენტარი ფიქრობს, რომ სირცხვილია მასაჟის გაკეთება. ჩვენი საქმიანობა კონფიდენციალობის დაცვას მოითხოვს და არ მაქვს მათი გვარების და სახელების დასახელების უფლება. ახლანდელი უმრავლესობის ერთ-ერთი წევრი, რომელიც ტელევიზორში კი არა, ლამის უთოშიც კი ჩანს, რამდენიმე დღის წინ პირველად მოვიდა ჩვენთან, მაგრამ რეგისტრაცია სხვა გვარ-სახელით გაიარა. მასაჟზე მოთხოვნა კი გაიზარდა, მაგრამ მას რატომღაც სექსთან აიგივებენ და მაღალჩინოსნებს ურჩევნიათ, ღამის საათებში მოვიდნენ. ხშირად მოდიან უცხოელები, როცა სტუმრად ჩამოსულ მაღალჩინოსნებს სურთ მასაჟის გაკეთება, მაშინ გვიკავშირდებიან შესაბამისი სტრუქტურები და მათთან მივდივართ. ასეთ შემთხვევაში, მომსახურება გაცილებით ძვირი ღირს.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
